spot_img
Homeມຸມຂ່າວ AECຜູ້ນຳ ຝ່າຍຄ້ານໄທ ຮຽກຮ້ອງ ອີກຄັ້ງນຶ່ງ ໃຫ້ນາຍົກ ຍິ່ງລັກ ລາອອກ (ວີດີໂອ)

ຜູ້ນຳ ຝ່າຍຄ້ານໄທ ຮຽກຮ້ອງ ອີກຄັ້ງນຶ່ງ ໃຫ້ນາຍົກ ຍິ່ງລັກ ລາອອກ (ວີດີໂອ)

Published on

ຜູ້ນຳ ຝ່າຍຄ້ານໄທ ຮຽກຮ້ອງ ອີກຄັ້ງນຶ່ງ ໃຫ້ນາຍົກ ຍິ່ງລັກ ລາອອກ
ຜູ້ນຳ ຝ່າຍຄ້ານໄທ ຮຽກຮ້ອງ ອີກຄັ້ງນຶ່ງ ໃຫ້ນາຍົກ ຍິ່ງລັກ ລາອອກ


ຜູ້ນຳ​ຝ່າຍຄ້ານ​ໄທ ​ໄດ້​ປະຕິ​ເສດ​ບໍ່ຍອມໃຫ້​ພັກ​ຂອງ​ທ່ານ
​ເຂົ້າ​ຮ່ວມການ​ເລືອກ ຕັ້ງ​ທົ່ວໄປໃນຄັ້ງຈະມາ ໂດຍອີກ​ຄັ້ງ​
ນຶ່ງ​ ໄດ້​ຮຽກຮ້ອງ​ໃຫ້ນາຍົກລັດຖະມົນຕີຍິ່ງ​ລັກ ຊິນນະ​ວັດ
ລາ​ອອກ​ຈາກ​ຕຳ​ແໜ່​ງ.

ຜູ້ນຳຂອງພັກປະຊາທິປັດ ທ່ານອະພິຊິດ ເວດຊາຊີວະ
ກ່າວໃນວັນເສົາມື້ນີ້ວ່າ ທ່ານນາງຍິ່ງລັກແລະຄະນະລັດ
ຖະບານຮັກສາການຄວນຈະລາອອກ ແລະແຜ້ວ ທາງ
ໃຫ້ມີການແຕ່ງຕັ້ງລັດຖະບານຊົ່ວຄາວຂຶ້ນ ເພື່ອຈະກຳ
ກັບເບິ່ງແຍງນຳການ ອະພິປາຍກ່ຽວກັບການປະຕິຮູບ
ທາງດ້ານການເມືອງ.

ຫລັງຈາກນັ້ນ ກໍຄວນຈັດ ໃຫ້ມີການລົງປະຊາມະຕິ ກ່ຽວກັບການປະຕິຮູບທີ່ໄດ້ມີການ
ສະເໜີໄປ ໂດຍຈັດ ໃຫ້ມີການເລືອກຕັ້ງ 6 ເດືອນຫລັງຈາກນັ້ນ.

ຝ່າຍ​ຄ້ານ​ໄດ້ບອຍຄອດບໍ່ຍອມເຂົ້າຮ່ວມ ​ແລະ​ລົບ​ກວນ​ການ​ເລືອກ​ຕັ້ງ​ທີ່​ຈັດ​ຂື້ນ​ໃນ
ເດືອນ​ກຸມພາຜ່ານມາ. ​ໃນ​ອາທິດ​ນີ້ ປະ​ເທດ​ໄທ ​ໄດ້​ກຳນົດ​ວັນ​ເລືອກ​ຕັ້ງ​ໃໝ່​ໃສ່​ວັນ​ທີ
20 ​ເດືອນ​ກໍລະກົດ ​ແຕ່​ການສະ​ເໜີດັ່ງກ່າວ​ຍັງ​ຈະຕ້ອງໄດ້ຮັບ​ຄວາມ​ເຫັນພ້ອມໂດຍ
ພະລາຊະດີກາ.

ລັດຖະບານຂອງທ່ານ​ນາງຍິ່ງ​ລັກແມ່ນ​ເປັນພຽງ​ພັກການເມືອງ​ດຽວ​ທີ່​ຍັງມີການຈັດ
ຕັ້ງຢ່າງເປັນທາງການ ນັບ​ແຕ່​ເດືອນທັນວາ​ເປັນ​ຕົ້ນ​ມາ ​ເວລາ​ທ່ານ​ນາງ​ໄດ້​ຍຸບ​ສະພາ
​ແລະ​ຮຽກ​ໃຫ້​ມີ​ການ​ເລືອກ​ຕັ້ງ​ກ່ອນກຳນົດ ໃນ​ເດືອນກຸມພາ.
ພັກຝ່າຍ​ຄ້ານ​ຕ້ອງການ​ຢາກກຳຈັດອິດທິພົນ​ຂອງຄອບຄົວຊິນນະ​ວັດ ໃຫ້ໝົດໄປ​
ຈາກວົງ​ການ​ເມືອງ​ໄທ.

ອ້າຍຂອງ​ທ່ານ​ນາງ​ຍິ່ງ​ລັກ ທ່ານທັກສິນ ເຄີຍເປັນ​ນາຍົກລັດຖະມົນຕີ​ເປັນ​ເວລາ​ລາ 5
ປີ​ຈົນ​ຮອດປີ 2008 ​ເວລາ​ທ່ານ​ຖືກ​ຂັບ​ໄລ່​ໃຫ້ລົງຈາກອຳນາດ ​ໂດຍ​ການ​ກໍ່ລັດຖະປະ
ຫານ​ ຂອງພວກທະຫານ ທ່າມກາງ​ທີ່ມີການ​ປະທ້ວງຕໍ່ຕ້ານລັດຖະ ບານຄັ້ງ​ໃຫຍ່ຢູ່
​ຕາມ​ຖະໜົນ​ຫົນທາງ.

ທ່ານ ​ໄດ້ໄປ​ລີ້​ໄພຢູ່ໃນຕ່າງປະເທດ ​ເພື່ອ​ຫລີກ​ລ່ຽງຈາກການ​ຖືກ​ຄຸກ ​ໃນ​ຄວາມຜິດ
ຖານສໍ້ລາດ​ບັງ​ຫລວງ.

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...