ສຳນັກຂ່າວຕ່າງປະເທດ ລາຍງານໃນວັນທີ 23 ມີນານີ້ວ່າ ອົງການອຸຕຸນິຍົມວິທະຍາໂລກ ຫລື WMO ໄດ້ເຜີຍແຜ່ບົດລາຍງານ ປະຈຳປີຂອງຕົນ ເມື່ອວັນທີ 21 ມີນາຜ່ານມານີ້ວ່າ ເດືອນມັງກອນ ແລະ ເດືອນກຸມພາປີ 2016 ອຸນຫະພູມທົ່ວໂລກ ໄດ້ສູງຂຶ້ນສູ່ລະດັບສູງສຸດ ທຳລາຍສະຖິຕິຈາກເມື່ອກ່ອນມາທັງໝົດ ພ້ອມທັງເຕືອນ ການປ່ຽນແປງສະພາບອາກາດໂລກ ເປັນຜົນພວງມາຈາກສະພາວະໂລກຮ້ອນ ທີ່ມີອຸນຫະພູມເພີ່ມທະວີຂຶ້ນ ໃນອັດຕາທີ່ບໍ່ເຄີຍມີມາກ່ອນ ໂດຍສະເພາະເດືອນກຸມພາປີນີ້ ອຸນຫະພູມຂອງໂລກສູງທີ່ສຸດເທົ່າທີ່ເຄີຍບັນທຶກມາ ຄືສູງຂຶ້ນສະເລ່ຍ 1.21 ອົງສາ.