ເມື່ອວັນທີ 22 ມີນາ ເອເອຟີລາຍງານ ຄວາມຄືບໜ້າເຫດກໍ່ການຮ້າຍໃນນະຄອນບຣຸກແຊລປະເທດແບນຊິກ ວ່າ ອົງກອນເອັມເອຄິວ ຕົວແທນກອງກຳລັງລັດອິສລາມ ຫຼື ໄອເອສ ຖະແຫຼງອ້າງຜົນງານກໍ່ການຮ້າຍທີ່ສະໜາມບິນ ແລະສະຖານີລົດໄຟໃຕ້ດິນໃນນະຄອນຫຼວງບຣຸກແຊລ ມີຜູ້ເສຍຊີວິດຢ່າງໜ້ອຍ 35 ຄົນ ບາດເຈັບກວ່າ 200 ຄົນ ວ່າເປັນສີມືຂອງສະມາຊິກໄອເອສ.
ດ້ານເຈົ້າໜ້າທີ່ຕຳຫຼວດແບນຊິກ ເຜີຍແພ່ພາບວົງຈອນປິດທີ່ບັນທຶກໃນສະໜາມບິນບ່ອນເກີດເຫດເປັນພາບຊາຍຜູ້ຕ້ອງສົງໄສ 3 ຄົນ ຍູ້ລົດຂົນກະເປົ໋າເດີນທາງ ຜ່ານເຂົ້າໄປທາງຊ່ອງກວດກາເຂົ້າ ໃນຈຳນວນນີ້ 2 ຄົນຜົມດຳ ແລະອີກຄົນໜຶ່ງໃສ່ໝວກ ໂດຍໃນຈຸດເກີດເຫດວາງລະເບີດສອງຄັ້ງເຊື່ອງໃນສະໜາມບິນ ມີຜູ້ເສຍຊີວິດຢ່າງໜ້ອຍ 14 ຄົນ ບາດເຈັບປະມານ 90 ຄົນ.
ຕໍ່ມາ ຕຳຫຼວດອອກປະກາດຈັບຜູ້ຕ້ອງສົງໄສ 1 ຄົນ ເປັນຊາຍທີ່ໃສ່ໝວກແວ່ນຕາ ມີໜວດແບ້ ໃສ່ເສື້ອແຈ້ກເກດສີຂາວ ແລະໝວດສີດຳ ລາກລົດທີ່ວາງກະເປົ໋າຂະໜາດໃຫຍ່ສີດຳ ສ່ວນອີກສອງຄົນນັ້ນຄາດວ່າເປັນມືລະເບີດພີຊີບທີ່ຈູດຂະນວນ 2 ລູກໃນບ່ອນເກີດເຫດ.