ລາຍຊື່ ສສຂ ເຂດເລືອກຕັ້ງທີ I ນະຄອນຫລວງວຽງຈັນ, ສ່ວນລາຍຊື່ ສສຊ ຮູ້ໃນໄວໆນີ້
ທ່ານ ສີຫຸນ ສິດທິລືໄຊ ຮອງປະທານຄະນະກໍາມະການເລືອກຕັ້ງນະຄອນຫລວງວຽງຈັນ, ໄດ້ຖະແຫລງຕໍ່ສື່ມວນຊົນກ່ຽວກັບການເລືອກຕັ້ງສະມາຊິກສະພາແຫ່ງຊາດຊຸດທີ VIII ແລະ ສະມາ ຊິກສະພາປະຊາຊົນຂັ້ນແຂວງ ເຂດເລືອກຕັ້ງທີ I ນະຄອນຫລວງວຽງຈັນ, ຫລັງຈາກປິດຫີບເລືອກຕັ້ງໃນເວລາ 17:00 ໂມງຂອງວັນທີ 20 ມີນາ 2016
ຜ່ານມາວ່າ: ພາຍຫລັງຄະນະກໍາມະການນັບຄະແນນສຽງໃນໜ່ວຍເລືອກຕັ້ງທັງໝົດ 9 ຕົວເມືອງເຫັນວ່າມີມວນຊົນຊາວນະຄອນຫລວງວຽງຈັນມາໃຊ້ສິດປ່ອນບັດເລືອກຕັ້ງຄັ້ງນີ້ທັງໝົດ 528.339 ຄົນ, ຍິງ 269.592 ຄົນເທົ່າກັບ 99% ຂອງຈໍານວນຜູ້ມີສິດປ່ອນບັດທັງໝົດ 534.532 ຄົນ, ຍິງ 272.519 ຄົນ, ຂະນະທີ່ການເລືອກຕັ້ງແມ່ນໄດ້ດໍາເນີນໄປດ້ວຍບັນຍາກາດຟົດຟື້ນ, ຖືກ ຕ້ອງຕາມຫລັກການ ແລະ ມີຄວາມເປັນລະບຽບຮຽບຮ້ອຍປອດໄພດີ ແລະ ສໍາລັບຜູ້ໄດ້ຮັບເລືອກເປັນສະມາຊິກສະພາປະຊາຊົນຂັ້ນນະຄອນຫລວງ ໃນ 9 ຕົວເມືອງເລືອກເອົາຈໍານວນ 18 ທ່ານປະກອບມີ:
ເມືອງຈັນທະບູລີ
ທ່ານ ຈັນທອນ ລັດຖະຈັກ ແລະ ທ່ານ ນາງ ໄຊພອນ ນັນທະພອນ
ເມືອງສີໂຄດຕະບອງ
ທ່ານ ນາງ ສົມພຽນ ວົງໄຊ ແລະ ທ່ານພັນໂທ ຈັນທະລາ ອຸດົມສຸກ
ເມືອງ ໄຊເສດຖາ
ທ່ານ ບຸນປິງ ປັນຍາຈິດ ແລະ ທ່ານ ວິໄລສານ ພົມມີໄຊ
ເມືອງ ສີສັດຕະນາກ
ທ່ານ ອຸດອນ ໄຊມຸນຕີ ແລະ ທ່ານນາງ ຄໍາແຫວນ ສິງບັນດິດ
ເມືອງ ນາຊາຍທອງ
ທ່ານ ສາລະພິດ ສູນວໍລະວົງ ແລະ ທ່ານນາງ ນາລີ ຂັນທະລັກ
ເມືອງ ໄຊທານີ
ທ່ານ ບົວລີ ແກ້ວມະນີວັນ ແລະ ທ່ານນາງ ດຣ ບົວວອນ ສຸກລາແສງ
ເມືອງ ຫາດຊາຍຟອງ
ທ່ານ ສຸກສະຫວັນ ບຸດຕະວົງ ແລະ ທ່ານ ທອງສະຫວັນ ມີບຸນ
ເມືອງ ສັງທອງ
ທ່ານ ສີສຸພັນ ບຸນສະເໝີ ແລະ ທ່ານ ແສງສຸວັນ ຈັນທະລຸນນະວົງ
ເມືອງ ປາກງື່ມ
ທ່ານນາງ ອາມິດຕາ ສີປະມວນ ແລະ ທ່ານ ທົດສະກັດ ໄກສອນເພັດ
ສ່ວນຜູ້ຈະໄດ້ຮັບການເລືອກເປັນສະມາຊິກສະພາແຫ່ງຊາດຊຸດທີ VIII ນັ້ນແມ່ນພວມຢູ່ໃນການນັບຄະແນນ ແລະ ສັງລວມຄະແນນສຽງຂອງຄະນະກໍາມະການເລືອກຕັ້ງລະດັບຊາດ, ໂດຍຄາດວ່າຈະສໍາເລັດລົງໃນໄວໆນີ້.
ແຫລ່ງຂ່າວຈາກ: ໜັງສືພິມ ລາວພັດທະນາ.