ຕາມ​ການ​ໃຫ້​ສຳ­ພາດ​ຂອງ​ທ່ານ ສຸ​ລິ​ຈັນ ພອນ​ແກ້ວ ຫົວໜ້າ​ພະ​ແນກ​ແຜນ­ການ ແລະ​ການ​ລົງ­ທຶນແຂວງ​ອັດ​ຕະ​ປື ເມື່ອ​ບໍ່​ດົນ​ມາ​ນີ້​ຮູ້​ວ່າ: ຈາກ​ລະ­ບົບ​ການ­ເມືອງ​ໄດ້​ມີ​ການ​ປັບ­ປຸງ, ເສີມ​ຂະ­ຫຍາຍ ແລະ​ກໍ່­ສ້າງ​ໃຫ້​ມີ​ຄວາມ ເຂັ້ມ­ແຂງ​ຂຶ້ນ​ເປັນ​ກ້າວໆ, ການ​ຄຸ້ມ​ຄອງ ລັດ-ຄຸ້ມ​ຄອງ​ສັງ­ຄົມ​ໄດ້​ມີ​ການ​ຫັນ­ປ່ຽນຢ່າງ​ຕັ້ງ­ໜ້າ​ເຂົ້າ​ສູ່​ລະ­ບົບ​ກົດ­ໝາຍ, ປະຊາ​ຊົນ​ບັນ­ດາ­ເຜົ່າ​ມີ​ຄວາມ​ສາ­ມັກ­ຄີ​ປອງດອງ ແລະ​ເປັນ​ເອ­ກະ​ພາບ​ສູງ​ຕໍ່​ການ​ນຳພາ​ຂອງ​ພັກ, ເຮັດ​ໃຫ້​ສັງ­ຄົມ​ມີ​ຄວາມສະ­ຫງົບ​ປອດ​ໄພ ແລະ​ເປັນ​ລະ­ບຽບ​ຮຽບຮ້ອຍ ໂດຍ​ພື້ນ­ຖານຊຶ່ງ​ມັນ​ໄດ້​ເປັນ​ເງື່ອນໄຂ​ທີ່​ອຳ­ນວຍ​ໃຫ້​ແກ່​ການ​ພັດ­ທະ­ນາ​ເສດຖະ​ກິດ-ສັງ­ຄົມ​ຢ່າງ​ຕໍ່​ເນື່ອງ, ສະ­ເພາະ​ແຕ່ການ​ລົງ­ທຶນ​ຂອງ​ພາກ​ເອ­ກະ​ຊົນ​ນັບແຕ່ ປີ 2001 ມາ​ຮອດ​ທ້າຍ​ປີ 2015 ໄດ້​ມີການ​ລົງ­ທຶນ​ທັງ​ໝົດ 59 ໂຄງ­ການ, ມີມູນ​ຄ່າ​ການ​ລົງ­ທຶນ​ທັງ​ໝົດ 1.940 ລ້ານ ກວ່າ​ໂດ​ລາ​ສະ­ຫະ­ລັດ, ໃນ​ນັ້ນ​ມີການ​ລົງທຶນ​ຂອງ​ນັກ­ທຸ­ລະ­ກິດ​ຕ່າງ­ປະ­ເທດ 30 ໂຄງ­ການ, ມີ​ມູນ​ຄ່າ​ການ​ລົງ­ທຶນ​ແມ່ນ 1.924 ລ້ານ​ກວ່າ​ໂດ​ລາ​ສະ­ຫະ­ລັດ, ໄດ້ລົງ­ທຶນ​ໃສ່​ໃນ​ຂະ­ແໜງ​ກະ­ສິ­ກຳ 15 ໂຄງການ, ມີ​ມູນ​ຄ່າ 539 ລ້ານ​ກວ່າ​ໂດ​ລາສະ­ຫະ­ລັດ, ຂະ­ແໜງ​ພະ­ລັງ­ງານ ແລະ​ບໍ່ແຮ່ 15 ໂຄງ­ການ, ມີ​ມູນ​ຄ່າ​ການ​ລົງ­ທຶນ 1.384 ລ້ານ​ກວ່າ​ໂດ​ລາ​ສະ­ຫະ­ລັດ.

ສ່ວນ​ທີ່​ເຫຼືອ​ແມ່ນ​ການ​ລົງ­ທຶນ​ຂອງນັກ​ລົງ­ທຶນ​ພາຍ​ໃນ​ປະ­ເທດ​ມີ​ມູນ​ຄ່າ​ການລົງ­ທຶນ​ທັງ​ໝົດ 15 ລ້ານ​ກວ່າ​ໂດ​ລາ​ສະຫະ​ລັດໃນ​ນັ້ນ ໄດ້​ລົງ­ທຶນ​ໃສ່​ໃນ​ຂະ­ແໜງກະ​ສີ​ກຳ​ມີ 14 ໂຄງ­ການ ມູນ​ຄ່າ 5 ລ້ານ ກວ່າ​ໂດ​ລາ​ສະ­ຫະ­ລັດ, ຂະ­ແໜງ​ພະ­ລັງງານ​ໄຟ­ຟ້າ​ມີ 1 ໂຄງ­ການມູນ​ຄ່າ 1 ລ້ານໂດ​ລາ​ສະ­ຫະ­ລັດ, ຂະ­ແໜງ​ບໍ່​ແຮ່​ມີ 4 ໂຄງ­ການມູນ​ຄ່າ 5 ລ້ານ​ກວ່າ​ໂດ​ລາ​ສະຫະ​ລັດ, ຂະ­ແໜງ​ບໍ­ລິ­ການ​ແຮ່-ຊາຍ​ມີ 8 ໂຄງ­ການມູນ​ຄ່າ 1 ລ້ານ​ກວ່າ​ໂດ​ລາສະ­ຫະ­ລັດແລະ​ລົງ­ທຶນ​ໃສ່​ໃນ​ຂະ­ແໜງບໍ­ລິ­ການ​ມີ 2 ໂຄງ­ການມູນ​ຄ່າ 2 ລ້ານກວ່າ​ໂດ​ລາ​ສະ­ຫະ­ລັດ.

ສະ­ເພາະ​ການ​ລົງ­ທຶນ​ຂອງ​ລັດ​ໃນ​ສົກປີ 2014-2015 ສະ­ພາ​ແຫ່ງ​ຊາດ​ໄດ້​ຮັບຮອງ​ເອົາ​ການ​ລົງ­ທຶນ​ຂອງ​ລັດ​ໃນ​ແຂວງອັດ​ຕະ​ປື​ທັງ​ໝົດ 130 ໂຄງ­ການມີ​ມູນ​ຄ່າທັງ​ໝົດ 65,56 ຕື້​ກີບ, ໃນ​ນັ້ນ ທຶນ​ພາຍໃນ 42,60 ຕື້​ກີບ ແລະ​ທຶນ​ຈາກ​ຕ່າງ​ປະເທດ 22,96 ຕື້​ກີບຊຶ່ງ​ຜ່ານ​ການ­ຈັດ­ຕັ້ງປະ­ຕິ­ບັດ​ມາ​ຮອດ​ທ້າຍ​ປີ 2015 ແມ່ນ​ສາມາດ​ປະ­ຕິ­ບັດ​ໄດ້​ທັງ​ໝົດ 130 ໂຄງ­ການມູນ​ຄ່າ 65,56 ຕື້​ກີບ ເທົ່າ​ກັບ 100% ຂອງ​ແຜນ­ການ.

ທີ່ມາ: