ລຸດຄວາມັນ ແລະ ຮອຍດ່າງດຳດ້ວຍໝາກຫຸ່ງ - ລາວໂພສຕ໌ Laopost

Click here - to use the wp menu builder

Homeຄວາມງາມລຸດຄວາມັນ ແລະ ຮອຍດ່າງດຳດ້ວຍໝາກຫຸ່ງ

ລຸດຄວາມັນ ແລະ ຮອຍດ່າງດຳດ້ວຍໝາກຫຸ່ງ

ຄວາມງາມ

Published on

22/03/2016

By ບຸດສະດີ ສາຍນ້ຳມັດ

1939

aHR0cDovL3AzLmlzYW5vb2suY29tL3dvLzAvdWQvOS80NjAyNS9mZGUuanBn

ນອກຈາກຄຸນປະໂຫຍດທີ່ໄດ້ຈາກການກິນແລ້ວ ເນື້ອຂອງໝາກຫຸ່ງສຸກກໍ່ຍັງສາມາດເຮັດເປັນແນວພອກໜ້າໄດ້ເປັນຢ່າງດີ ເພາະອຸດົມໄປດ້ວຍວິຕາມິນຊີ ແລະ ອີສູງ ເຊິ່ງມີສັບພະຄຸນທີ່ຊ່ວຍໃນການລຸດຄວາມມັນຂອງໃບໜ້າ ລຸດຮອຍດ່າງດຳ ຊ່ວຍຂັດເຊວຜິວທີ່ຕາຍແລ້ວ ເຮັດໃຫ້ຜິວຊຸ່ມຊື່ນ ແລະ ນຸ້ມນວນອີກດ້ວຍ ແລະ ວັນນີ້ລາວໂພສຕ໌ມີສູດພອກໜ້າມາໃຫ້ສາວໆທີ່ຢາກມີຜິວດີດ້ວຍວິທີທຳມະຊາດແບບງ່າຍໆ ກັນທັງ 3 ສູດເລີຍ.

1. ສູດໝາກຫຸ່ງລຶບຮອຍດ່າງດຳ ບົດໝາກຫຸ່ງສຸກໃຫ້ລະອຽດ ພອກໜ້າໄວ້ປະມານ 10ນາທີແລ້ວລ້າງອອກ ຈະຊ່ວຍລຶບຮອບດ່າງດຳເທິງໃບໜ້າໄດ້.

2. ສູດເຮັດໃຫ້ໜ້າຊຸ່ມຊື່ນຂຶ້ນ ດ້ວຍໝາກຫຸ່ງສຸກ – ກ້ວຍຫອມ.

ສູດນີ້ຈະເຫັນຜົນໄດ້ຊັດເຈນທີ່ສຸດ ພຽງແຕ່ພອກໜ້າຄັ້ງທຳອິດກໍ່ຈະຮູ້ສຶກວ່າຜິວໜ້າມີຄວາມຊຸ່ມຊື່ນຂຶ້ນ

ສ່ວນປະສົມ

1. ໝາກຫຸ່ງສຸກບົດ 3 ບ່ວງແກງ

2. ກ້ວຍຫອມບົດ 2 ບ່ວງແກງ

3. ນ້ຳເຜິ້ງ 1 ບ່ວງແກງ

4. ນ້ຳໝາກນາວ 1 ບ່ວງຊາ

ວິທີເຮັດ

ປະສົມທຸກຢ່າງໃຫ້ເຂົ້າກັນ ແລ້ວນຳມາພອກໜ້າປະໄວ້ປະມານ 30-60 ນາທີ ລ້າງອອກດ້ວຍນ້ຳສະອາດ

3. ສູດຜິວນຸ້ມນວນ ສູດນີ້ຊ່ວຍໃຫ້ຜິວນຸ້ມນວນໜ້າສຳພັດຍິ່ງຂຶ້ນ.

ສ່ວນປະສົມ

1. ໝາກຫຸ່ງບົດສຸກ 3 ບ່ວງແກງ

2. ນ້ຳໝາກງາ 3 ບ່ວງຊາ

ວິທີເຮັດ

1.ປະສົມທຸກຢ່າງໃຫ້ເຂົ້າກັນແລ້ວນຳໄປອຸ່ນ ໃຫ້ສ່ວນປະສົມທັງໝົດນັ້ນພໍອຸ່ນໆ ຈາກນັ້ນກໍ່ນຳໄປພອກໜ້າ ໃຊ້ຜ້າຂົນໜູໄປຈຸ່ມ ປະໄວ້ປະມານ 15 ນາທີ ແລ້ວລ້າງຈິ່ງລ້າງອອກ.

ສາວໆທີ່ຕ້ອງການມີສະພາບຜິວໜ້າທີ່ດີຈົນເປັນທີ່ຫລົງໄຫລຂອງຄົນພົບເຫັນກໍ່ສາມາດນຳສູດນີ້ໄປເຮັດໄດ້ ຮັບຮອງເລີຍວ່າທ່ານຈະມີຜິວໜ້າດັ່ງທີ່ທ່ານຕ້ອງການ.

ຂໍມູນຈາກ: ເວັບໄຊ໌ ສະໜຸກ.ຄອມ

ບົດຄວາມຫຼ້າສຸດ