HomeຊີວິດແລະຄວາມຮັກWedding-Sex-loveຄົນອາຍຸສູງ ກັບ ເພດສຳພັນ.

ຄົນອາຍຸສູງ ກັບ ເພດສຳພັນ.

Published on

ເມື່ອກ່າວເຖິງເພດສຳພັນ ຫຼາຍໆຄົນຄິດວ່າບໍ່ເປັນຕານຳເອົາມາເວົ້າ ໂດຍສະເພາະກັບຄົນທີ່ມີອາຍຸສູງ ສິ່ງເຫຼົ່ານີ້ຄວນໝົດໄປໄດ້ແລ້ວ ແຕ່ໂດຍຄວາມຈິງເລື່ອງເພດສຳພັນມັນເປັນເລື່ອງທຳມະຊາດຂອງສິ່ງທີ່ມີຊີວິດ ເປັນວິຖີທຳມະຊາດຂອງຄົນເຮົາທຸກຄົນ ມີຄວາມສຳພັນກັບຄວາມສຸກ ແລະ ຄວາມທຸກຂອງຄົນເຮົາ ແລະ ເປັນເລື່ອງສຳຄັນໃນສະຖາບັນຄອບຄົວອີກເລື່ອງໜຶ່ງ ຫຼາຍຄົນມີຄວາມເຊື່ອວ່າການມີເພດສຳພັນແມ່ນເປັນຢາອາຍຸວັດທະນະຂອງມະນຸດ ທີ່ຈະເຮັດໃຫ້ມີຄວາມສຸກ, ສະຫງົບ ແລະ ສັນຕິພາຍໃນຄອບຄົວ ເຮັດໃຫ້ມີຊີວິດຊີວາ ແລະ ທີ່ສຳຄັນເຮັດໃຫ້ອາຍຸຍືນຍາວຂຶ້ນ ເຫັນໄດ້ຈາກການວິໄຈພົບວ່າ ອາຍຸຂອງຄົນທີ່ແຕ່ງງານແລ້ວຂອງປະຊາຊົນຊາວອາເມລິກັນ ແລະ ຢຸໂຣບຈະສູງກ່າວອາຍຸຂອງຄົນໂສດ ຫຼື ຄົນເປັນຫ້າງເປັນໝ້າຍ ປັດຈຸບັນຈິ່ງມີຄົນໃຫ້ຄວາມສຳຄັນໃນເລື່ອງນີ້ຫຼາຍຂຶ້ນ ໂດຍສະເພາະກຸ່ມຜູ້ສູງອາຍຸທີ່ບັນອະໄວຍະທຸກຢ່າງຖົດຖອຍລົງເຮັດໃຫ້ເກີດບັນຫາເລື່ອງຄວາມບໍ່ລົງຕົວໃນເພດສຳພັນ ແລະ ຊີວິດຄູ່ ເຊິ່ງຖ້າມີຄວາມເຂົ້າໃຈ ແລະ ແກ້ໄຂບັນຫາຖືກກໍ່ຈະສາມາດຊ່ວຍໃຫ້ຜູ້ສູງອາຍຖມີຄອບຄົວ ແລະ ຊີວິດຄູ່ທີ່ມີຄວາມສຸກໄດ້.

ການປ່ຽນແປງທາງເພດຂອງຜູ້ສູງອາຍຸ
ເມື່ອເຮົາອາຍຸຫຼາຍຂຶ້ນໂດຍສະເພາະເມື່ອເຮົາອາຍຸເກີນ 45 ປີ ຮໍໂມນເພດຈະລຸດລົງເລື່ອຍໆ ທັງເພດຊາຍ ແລະ ເພດຍິງຈະມີຄວາມຕ້ອງການທາງເພດລຸດລົງຕາມລຳດັບເປັນສ່ວນຫຼາຍ ທັງນີ້ກໍ່ຂຶ້ນກັບຄວາມແຂງແຮງ ແລະ ສະພາບຮ່າງກາຍຂອງຜູ້ນັ້ນພ້ອມ ບາງຄົນມີອາຍຸຫຼາຍຂຶ້ນແຕ່ຄວາມຕ້ອງການທາງເພດພັດເພີ່ມຫຼາຍຂຶ້ນກໍ່ມີ ເນື່ອງຈາກສະພາບຮ່າງກາຍ ແລະ ຈິດໃຈໃນຊ່ວງໄລຍະນັ້ນດີຂຶ້ນ ໂດຍສະເພາະການບໍ່ໄດ້ໃຊ້ຄວາມຄິດຫຼາຍ, ມີການອອກກຳລັງການ, ກິນອາຫານທີ່ມີປະໂຫຍດ ແລະ ພັກຜ່ອນພຽງພໍ.

ເພດຊາຍ ໂດຍປົກກະຕິແລ້ວເມື່ອເຂົ້າສູ່ໄວອາຍຸສູງການປ່ຽນແປງຂອງເພດຊາຍ ຈະມີອະໄວຍະເພດແຂງຕົວລຸດລົງ ແລະ ອາດບໍ່ແຂງຕົວສະໝ່ຳສະເໝີ ຫຼື ແຂງຕົວບໍ່ເຕັມທີ່ ຂະໜາດຂອງອະໄວຍະວະເພດຈະມີຂະໜາດນ້ອຍລົງກ່ວາຕອນເປັນໜຸ່ມ ແຕ່ການປ່ຽນແປງຄວາມຕ້ອງການດ້ານຈິດໃຈຈະມີບໍ່ຫຼາຍ ເຮັດໃຫ້ຜູ້ຊາຍຍັງຄົງຄວາມຕ້ອງການຢາກມີເພດສຳພັນເທົ່າເກົ່າ ຫຼື ລຸດລົງເລັກໜ້ອຍ ແຕ່ບາງຄົນຈະມີຮ່າງກາຍທີ່ບໍ່ເອື້ອອຳນວຍ, ອະໄຍະວະເພດບໍ່ແຂງຕົວ ຫຼື ບາງຄົນມີບັນຫາລັ່ງໄວ ຫຼື ບໍ່ສາມາດຄວບຄຸມການລັ່ງໄດ້ຕາມທີ່ຕ້ອງການເຮັດໃຫ້ອາລົມເຮັດກິດຈະກຳທາງເພດລຸດລົງໄດ້.

ເພດຍິງ ເມື່ອເຂົ້າສູ່ໄວໝົດປະຈຳເດືອນຈະມີການປ່ຽນແປງທາງຮ່າງກາຍ ແລະ ຈິດໃຈ ເນື່ອງຈາກຮໍໂມນເພດຍິງລຸດນ້ອຍລົງ ເມື່ອອາຍຸຫຼາຍຂຶ້ນຕັ້ງແຕ່ 60 ປີຂຶ້ນໄປ ຊ່ອງຄອດຈະແຄບລົງ ນ້ຳລໍ່ລື້ນໃນຊ່ອງຄອດລຸດລົງ ເມື່ອມີເພດສຳພັນຈະເຈັບປວດເຮັດໃຫ້ບໍ່ມີຄວາມສຸກໃນເວລາມີເພດສຳພັນ ຍິ່ງເຮັດໃຫ້ຄວາມຕ້ອງການທາງເພດລຸດລົງ ແຕ່ໃນບາງຄົນຍັງມີຄວາມຕ້ອງການທາງເພດຢູ່ ເນື່ອງຈາກຮໍໂມນເພດຍິງລຸດລົງຮໍໂມນເພດຊາຍໃນຕົວແມ່ຍິງຈະອອກລິດຫຼາຍຂຶ້ນ ເຮັດໃຫ້ມີຄວາມຕື່ນຕົວທາງເພດ ແລະ ມີຄວາມຕ້ອງການທາງເພດເພີ່ມຂຶ້ນໄດ້.

ການມີເພດສຳພັນຂອງຜູ້ອາຍຸສູງຈະມີຫຼາຍ ຫຼື ໜ້ອຍແມ່ນຂຶ້ນກັບຄວາມຕ້ອງການຂອງທັງສອງຝ່າຍ ໂດຍທົ່ວໄປຜູ້ມີອາຍຸ 60 ປີຂຶ້ນໄປ ໂດຍສະເລ່ຍຈະມີເພດສຳພັນປະມານເດືອນລະ 4 ຄັ້ງ ແລະ ຜູ້ທີ່ມີອາຍຸ 70ປີຂຶ້ນໄປ ຈະມີເພດສຳພັນປະມານເດືອນລະ 2 ຄັ້ງ.

ການກິນຢາ ຫຼື ສະໝຸນໄພກະຕຸ້ນທາງເພດ ເຊັ່ນ: ຫອຍນາງໂຣມ ໂສມ, ຮັງນົກ, ຢາບຳລຸງບາງຊະນິດ ເຊິ່ງຈະເປັນຜົນທາງຈິດໃຈຫຼາຍກ່ວາ ຜູ້ຊາຍບາງຄົນນິຍົມໃຊ້ຢາກະຕຸ້ນການມີເພດສຳພັນ ເມື່ອຮູ້ສຶກວ່າຕົນເອງມີສະຖານະ ພາບທາງເພດເສື່ອມ ສະນັ້ນຄວນໃຊ້ຢາຢ່າງລະມັດລະວັງໂດຍອພດເປັນຄົນເອົາໃຫ່ກິນດີກ່ວາຊື້ກິນເອງ ເພາະອາດເປັນອັນຕະລາຍເຖິງແກ່ຊີວິດໄດ້.

ສິ່ງທີ່ສຳຄັນການມີເພດສຳພັນຄືການມີອາລົມຮ່ວມທັງສອງຝ່າຍ ຕ້ອງເຂົ້າໃຈເຖິງທຳມະຊາດແຫ່ງໄວເຊິ່ງກັນ ແລະ ກັນ ແລ້ວປັບໃຈໃຫ້ເຂົ້າກັບຄວາມຕ້ອງການຂອງທັງຄູ່ ຖ້າບໍ່ສາມາດແກ້ໄຂບັນຫາໄດ້ແມ່ນຄວນໄປປຶກສາແພດ ເພື່ອຫາທາງອອກໂດຍການໃຫ້ຮໍໂມນທົດແທນ ໂດຍການອອກກຳລັງກາຍທີ່ເໝາະສົມຢ່າງສະໝ່ຳສະເໝີທັງສອງຝ່າຍ ຈະຊ່ວຍປ້ອງກັນການເສື່ອມສະມັດທະພາບທາງເພດໄດ້ດີທີ່ສຸດ.

ຂໍ້ມູນຈາກ: ເວັບໄຊ໌ສະຕູ.ເອຊີ.ທີເອັສ

ບົດຄວາມຫຼ້າສຸດ

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...

ຕິດຕາມ ກວດກາ ແລະ ຄຸ້ມຄອງຢ່າງເຂັ້ມງວດ ຕໍ່ບັນດາໂຄງການຂຸດຄົ້ນ ແລະ ປຸງແຕ່ງແຮ່ທາດ-ເງິນ

ໃນໄລຍະ 9 ເດືອນຜ່ານມາ ຂອງປີ 2026, ນະຄອນຫຼວງວຽງຈັນ ສາມາດຈັດຕັ້ງປະຕິບັດການສົ່ງອອກຜະລິດຕະພັນແຮ່ທາດ ບັນລຸໄດ້ 146,878.81 ໂຕນ, ຄິດເປັນ 41.91% ຂອງແຜນການປີ. ຂໍ້ມູນດັ່ງກ່າວ...