ອຸບັດຕິເຫດ ລົດພ່ວງຕຳລົດຈັກຊາວຫວຽດນາມ ເສຍຊີວິດຄາທີ ຮ່າງກາຍຈີກຂາດ !
ວັນທີ17/3/2016 ທີ່ຜ່ານມາ ເວລາປະມານ13:40ນາທີ ໄດ້ເກີດອຸບັດຕິເຫດ ຢູເສັ້ນທາງເລກ 9 ເຂດ ເມືອງ ພີນ ແຂວງ ສະຫວັນນະເຂດ ໄດ້ມີລົດພ່ວງ ປ້າຍທະບຽນລົດ ບກ 1407 ໄປຕຳເອົາ ລົດຈັກຄົນຫວຽດນາມທີ່ກຳລັງເລາະຂາຍເຄື່ອງ ຖ້ວຍບ່ວງ, ກະຊາມ ແລະ ອື່ນໆ ເຮັດໃຫ້ຜູ້ຂັບຂີ່ລົດຈັກເສຍຊີວິດຄາທີ່ ສະພາບສົບຫມຸ່ນ ເລະ ສະຫມອງໄຫລ ເຄື່ອງໃນກະແຈກກະຈາຍຕາມຖະໜົນ ສ່ວນເຈົ້າຂອງລົດພວງຄູ່ກໍລະນີແມ່ນຍິນດີຮັບຜິດຊອບຊົດໃຊ້ທຸກຢ່າງ.
ຜູ້ເສຍຊີວິດ ມີຊື່ວ່າ ທ້າວ ລ໋ອກ ອາຍຸ 52 ປີ ໄດ້ມາເຊົ່າເຮືອນຢູ່ກັບອ້າຍເຂີຍ ແລະ ຍາດພີ່ນ້ອງ ທີ່ບ້ານ ນາໂພ ເມືອງພີນ ແຂວງ ສະຫວັນນະເຂດ ແລະ ໄດ້ຢຶດອາຊີບເລາະຂາຍເຄື່ອງຢູ່ລາວເປັນເວລາ 10 ກ່ວາປີ ເຊິ່ງຜູ້ກ່ຽວກໍ່ໄດ້ມີຄອບຄົວມີລູກມີຫຼານ.
ການເກີດອຸບັດຕິເຫດທຸກຄັ້ງຍ່ອມມີການສູນເສຍເກີດຂຶ້ນກັບທຸກຝ່າຍ ສະນັ້ນທາງທີມງານລາວໂພສຕ໌ກໍ່ຂໍໃຫ້ທຸກຄົນມີສະຕິລະວັງຕົວໃນການເດີນທາງ ຈົ່ງພ້ອມກັນເຄົາລົບກົດລະບຽບການສັນຈອນຂອງບ້ານເມືອງ ແລະ ມີນ້ຳໃຈໃນການຂັບຂີ່ລົດຕາມທ້ອງຖະໜົນ ເພື່ອຫຼີກລ່ຽງການເກີດອຸບັດເຫດ.
ທ້າຍສຸດນີ້ພວກເຮົາຂໍສະແດງຄວາມເສຍໃຈນຳຄອບຄົວຂອງທ້າວ ລ໋ອກ ປະຊາຊົນຊາວຫວຽດນາມທີ່ໄດ້ເສຍຊີວິດ ແລະ ຂໍໃຫ້ດວງວິນຍານຂອງລາວໄປສູ່ສຸຂະຕິດ້ວຍເຖີດ!!!
ຮຽບຮຽງຂ່າວໂດຍ: ທີມງານລາວໂພສຕ໌
ຂອບໃຈຂ່າວຈາກ: