spot_img
Homeອຸບັດເຫດແລະປາກົດການຫຍໍ້ທໍ້ພໍ່​ເມົາ​ຢາ​ບ້າໃຊ້​ພ້າ​ປາດ​ຄໍ​ລູກ

ພໍ່​ເມົາ​ຢາ​ບ້າໃຊ້​ພ້າ​ປາດ​ຄໍ​ລູກ

Published on

 

ເກີດ​ເຫດ​ເສົ້າ ແລະ​ສະ­ເທືອນ​ໃຈຂອງ​ປະ­ຊາ­ຊົນ​ທີ່​ເຫັນ​ເຫດ­ການ ແລະ ຫຼາຍໆ​ຄົນ​ທີ່​ຮູ້​ຂ່າວ ເມື່ອ​ຜູ້​ເປັນ​ພໍ່​ຄວບ​ຄຸມສະ­ຕິ​ບໍ່​ໄດ້​ໃຊ້​ພ້າ​ປາດ​ຄໍ​ລູກ​ຊາຍ​ໄວ 2 ເດືອນ​ເສຍ​ຊີ­ວິດ​ຄາ​ທີ່.

ທ່ານ ພັຕ ວົງ​ລະ­ຄອນ ປະ­ທຸມ​ມະແສງ ຮອງ​ຫົວ­ໜ້າ​ຫ້ອງ­ການ​ຕຳ­ຫຼວດແຂວງ​ອັດ​ຕະ​ປື ໄດ້​ໃຫ້​ສຳ­ພາດ​ຜ່ານ​ທາງໂທລະ­ສັບ​ຕໍ່​ນັກ​ຂ່າວ​ເສດ­ຖະ­ກິດ-ສັງ­ຄົມ ວ່າ: ໃນ​ວັນ​ທີ 15 ມີ­ນາ 2016 ຜ່ານ​ມາ ໄດ້​ຮັບ​ລາຍ​ງານ​ວ່າ​ມີ​ເຫດ​ຄາ­ຕະ­ກຳເກີດ​ຂຶ້ນ​ທີ່ບ້ານ​ວຽງ ເມືອງ​ພູ​ວົງ ແຂວງອັດ​ຕະ​ປື ເມື່ອ​ໄດ້​ຮັບ​ລາຍ​ງານ​ເຈົ້າ​ໜ້າຊຸດ​ສືບ­ສວນ-ສອບ​ສວນ​ໄດ້​ລົງ​ສົມ­ທົບກັບ ປກສ ເມືອງ ແລະ​ອຳ­ນາດ​ການ​ປົກຄອງ​ບ້ານ​ທັນ­ທີ ເຮັດ​ໃຫ້​ສາ­ມາດ​ຈັບ​ຕົວຜູ້​ກະ­ທຳ​ຜິດ​ໄດ້​ທັນ​ການ, ຜ່ານ​ການ​ສືບສວນ-ສອບ​ສວນ​ໃນ​ເບື້ອງ​ຕົ້ນ​ຈິ່ງ​ຮູ້​ວ່າ: ຜູ້​ກະ­ທຳ​ຜິດ​ຊື່­ວ່າ ທ້າວ ກັນ ອາ­ຍຸ 35 ປີ ປະ­ຊາ­ຊົນ​ພາຍ​ໃນ​ບ້ານ​ດັ່ງ­ກ່າວ ຊຶ່ງ​ເປັນຜົວ​ຂອງ​ນາງ ແລ້ງ ອາ­ຍຸ 25 ປີ, ທັງ 2 ມີ​ລູກ​ຮ່ວມ​ກັນ 2 ຄົນ, ໃນ​ນັ້ນ ຜູ້​ເສຍ​ຊີ­ວິດກໍ​ເປັນ​ລູກ​ຊາຍ​ຂອງ​ຜູ້­ກ່ຽວ​ເອງ ຊຶ່ງ​ມີ​ອາ ຍຸ​ໄດ້​ພຽງ 2 ເດືອນ.

ສຳ­ລັບ​ແຮງ​ຈູງ​ໃຈ ແລະ​ສາ­ເຫດ​ຂອງການ​ກໍ່​ເຫດ​ຄາ­ຕະ­ກຳ​ໃນ​ຄັ້ງ​ນີ້​ທາງ​ເຈົ້າໜ້າ­ທີ່​ໃຫ້​ຮູ້​ໃນ​ເບື້ອງ​ຕົ້ນ​ວ່າ: ເກີດ​ມາ​ຈາກການ​ຄວບ​ຄຸມ​ສະ­ຕິ​ບໍ່​ໄດ້ ເນື່ອງ​ຈາ​ກວ່າຜູ້­ກ່ຽວ​ໄດ້​ເສບ​ຢາ​ບ້າ ແລະ​ບໍ່​ໄດ້​ນອນ​ຕິດຕໍ່​ກັນ​ມາເປັນ​ເວ­ລາ​ຫຼາຍ​ວັນ​ເລີຍ​ເກີດພາບ​ຫຼອນ ຈິ່ງ​ລົງ­ມື​ກໍ່​ເຫດ​ດັ່ງ­ກ່າວ.

ແນວ­ໃດ​ກໍ​ດີ ຄະ­ດີ​ດັ່ງ­ກ່າວ​ແມ່ນ​ຍັງຢູ່​ໃນ​ລະ­ຫວ່າງ​ການ​ສືບ­ສວນ-ສອບ​ສວນເພີ່ມ​ເຕີມ​ຂອງ​ເຈົ້າ​ໜ້າ­ທີ່ເພື່ອ​ໄຫ້​ໄດ້​ພະຍານ​ຫຼັກ​ຖານ​ຄົບ​ຖ້ວນ​ນຳ­ໄປ​ປະ­ກອບສຳ­ນວນ​ຄະ­ດີ​ສົ່ງ​ໃຫ້​ໄອ​ຍະ​ການ​ສັ່ງ​ຟ້ອງຂຶ້ນ​ສານ​ຕັດ­ສິນ​ລົງ­ໂທດ​ຕາມ​ລະ­ບຽບກົດ­ໝາຍ.

ທີ່ມາ: logo

ບົດຄວາມຫຼ້າສຸດ

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...