ທ່ານ ຈູມມາລີ ໄຊຍະສອນ ປະທານປະເທດ ໄດ້ຕ້ອນຮັບ ທ່ານ ນາງ ຄຣິດຕິນ ລາກາດ ຜູ້ອຳນວຍການໃຫຍ່ ກອງທຶນການເງິນສາກົນ (IMF) ພ້ອມຄະນະໃນຕອນເຊົ້າວັນທີ 15 ມີນານີ້ ທີ່ທຳນຽບປະທານປະເທດ.
ທ່ານປະທານປະເທດ ໄດ້ກ່າວສະແດງຄວາມຕ້ອນຮັບ ແລະ ຊົມເຊີຍຕໍ່ທ່ານຜູ້ອຳນວຍການ ໃຫຍ່ IMF ຖືວ່າເປັນເທື່ອທຳອິດ ໃນການຢ້ຽມຢາມ ສປປ ລາວພາຍຫຼັງທີ່ ສປປ ລາວ ໄດ້ເຂົ້າ ເປັນສະມາຊິກຂອງ IMF ໃນ ວັນທີ 5 ກໍລະກົດ 1961.
ການຢ້ຽມຢາມລາວຂອງ ຜູ້ອຳນວຍການໃຫຍ່ IMF ຄັ້ງ ນີ້ ຖືວ່າເປັນການປະກອບສ່ວນ ອັນສຳຄັນໃນການເສີມຂະ ຫຍາຍການຮ່ວມມືລະຫວ່າງ ລາວ-IMF ໂດຍສະເພາະວຽກ ງານການຄຸ້ມຄອງເສດຖະກິດ ມະຫາພາກໃນ ສປປ ລາວ ແລະ ພາກພື້ນ. ຜ່ານມາການພົວພັນ ສອງຝ່າຍໄດ້ມີບາດກ້າວຂະ ຫຍາຍຕົວດີ ຊຶ່ງ ສປປ ລາວ ໄດ້ຮັບຄຳປຶກສາດ້ານນະໂຍ ບາຍທີ່ເປັນ ປະໂຫຍດຕໍ່ກັບ ການຈັດຕັ້ງປະຕິບັດນະໂຍ ບານເສດຖະກິດມະຫາພາກ ຂອງ ສປປ ລາວ ແລະ ໄດ້ຮັບ ການຊ່ວຍເຫຼືອຍົກລະດັບດ້ານ ວິຊາການ ຊຶ່ງລ້ວນແຕ່ປະກອບ ສ່ວນເຂົ້າໃນ ການສ້າງຄວາມ ເຂັ້ມແຂງໃນການຄຸ້ມຄອງເສດ ຖະກິດໃຫ້ມີສະຖຽນລະພາບ ແລະ ສ້າງເງື່ອນໄຂທີ່ຈຳເປັນ ໃນການນຳເອົາປະເທດຫຼຸຸດ ພົ້ນອອກຈາກສະຖານະພາບ ຂອງປະເທດດ້ອຍພັດທະນາ ໃນປີ 2020, ນັບແຕ່ປີ 1989- 2001 ສປປ ລາວ ໄດ້ຮັບເງິນ ກູ້ດອກເບ້ຍຕ່ຳຈາກ IMF ທັງ ໝົດປະມານ 101,82 ລ້ານ ໂດລາສະຫະລັດ ໃນໂຄງການ ດັດແກ້ສ້າງເສດຖະກິດມະຫາ ພາກ, ໂຄງການສົ່ງເສີມການ ຂະຫຍາຍຕົວຂອງເສດຖະກິດ ແລະ ໂຄງການຫຼຸຸດຜ່ອນຄວາມທຸກຍາກ. ມາຮອດປະຈຸບັນ ສປປ ລາວ ແມ່ນໄດ້ຊຳລະເງິນ ກູ້ດັ່ງກ່າວຄົບຕາມຈຳນວນ ແລະ ບໍ່ທັນມີການກູ້ຢືມເພີ່ມ ເຕີມ. ໃນໂອກາດ ເດີນທາງມາ ຢ້ຽມຢາມລາວໃນຄັ້ງນີ້ ທ່ານ ນາງ ຄຣິດຕິນ ລາກາດ ພ້ອມ ຄະນະໄດ້ເຂົ້າຢ້ຽມ ແລະ ພົບ ປະກັບທ່ານ ດຣ. ທອງລຸນ ສີສຸ ລິດ ຮອງນາຍົກລັດຖະມົນຕີ ລັດຖະມົນຕີວ່າການກະຊວງ ການຕ່າງປະເທດ ໃນຕອນເຊົ້າ ຂອງວັນດຽວກັນ.
ແຫລ່ງຂ່າວຈາກ: ໜັງສືພິມປະຊາຊົນ