spot_img
Homeຂ່າວການພັດທະນາກຽມຈັດງານລາງວັນທຸລະກິດດີເດັ່ນອາຊຽນຂອງລາວ

ກຽມຈັດງານລາງວັນທຸລະກິດດີເດັ່ນອາຊຽນຂອງລາວ

Published on

   ວັນ​ທີ 15 ມີ­ນາ 2016, ສະ­ພາ​ການ​ຄ້າ ແລະ​ອຸດ­ສາ­ຫະ­ກຳແຫ່ງ​ຊາດ​ລາວ​ໄດ້​ຈັດ​ພິ­ທີ​ຖະ­ແຫຼງ​ຂ່າວ​ກ່ຽວ​ກັບ​ການ​ຈັດ​ງານ​ລາງວັນ​ທຸ­ລະ​ກິດ​ດີ­ເດັ່ນ​ອາ​ຊຽນ​ຂອງ ສປປ ລາວ ປະ­ຈຳ​ປີ2016 (ABAL 2016) ທີ່​ສະ­ພາ​ການຄ້າ ແລະ​ອຸດ­ສາ­ຫະ­ກຳ​ແຫ່ງ​ຊາດ​ລາວ, ນະ­ຄອນ­ຫຼວງ​ວຽງ​ຈັນ​ໂດຍ​ພາຍ​ໃຕ້​ການເປັນ​ປະ­ທານ​ຮ່ວມ​ຂອງ​ທ່ານ ອຸ​ເດດ ສຸ­ວັນນະ​ວົງ ປະ­ທານ ສະ­ພາ​ທີ່​ປຶກ­ສາ​ທຸ­ລະ​ກິດອາ​ຊຽນ ແລະ​ຮອງ​ປະ­ທານ ສຄອ, ທ່ານ ທະ​ນົງ​ສິນ ກັນ­ລະ­ຍາ ປະ­ທານ ASEAN BusinessAward, ທ່ານ ສົມ​ສະ­ໜຸກ ມີ​ໄຊ ຮອງ​ປະ­ທານ​ສະ­ມາ­ຄົມ​ນັກ​ຂ່າວແຫ່ງ​ປະ­ເທດ​ລາວ, ທ່ານ GanesanaKolandevelu KPMG Lao co.LTD, ພ້ອມ​ດ້ວຍ​ພາກ­ສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ.

   ທ່ານ ອຸ​ເດດ ສຸ­ວັນ­ນະ​ວົງ ໄດ້​ກ່າວ​ວ່າ: ການ​ຈັດ​ງານ​ລາ­ງວັນ​ທຸ­ລະ​ກິດ​ດີ­ເດັ່ນ ອາ​ຊຽນ​ຂອງ​ສປ​ປລາວ​ຖື​ເປັນ​ການ​ຈັດ ງານ​ຄັ້ງ​ທຳ​ອິດ​ຂອງ​ປະ­ເທດ ແລະ​ຈະ​ຈັດ ຕໍ່​ໄປ​ໃນ​ແຕ່​ລະ​ປີ, ໂດຍ​ລາ­ງວັນ (ABAL 2016) ນີ້ ບໍ່​ພຽງ​ແຕ່​ຍ້ອງ­ຍໍ​ຊົມ­ເຊີຍ​ບັນ ດາ​ວິ​ສາ​ຫະ​ກິດ​ລາວ​ທີ່​ດີ­ເດັ່ນ​ເທົ່າ​ນັ້ນ​ແຕ່ຍັງ​ຈະ​ສ້າງ​ຄວາມ​ເຂັ້ມ­ແຂງ ແລະ​ເຮັດ ໃຫ້​ບັນ­ດາ​ວິ​ສາ​ຫະ​ກິດ​ໃນ ສປປ ລາວ ມີຄວາມ​ສາ­ມາດ​ໃນ​ການ​ແຂ່ງ­ຂັນ​ກັບ​ປະ ຊາ​ຄົມ​ອາ​ຊຽນ​ອີກ​ດ້ວຍ, ທຸ­ລະ​ກິດ​ທີ່​ຊະ ນະ​ເລີດ​ຈາກ ABAL 2016 ຈະ​ຖຶກ​ສົ່ງ ເຂົ້າ​ແຂ່ງ­ຂັນ​ຕໍ່​ໃນ​ລະ­ດັບ​ອາ​ຊຽນ ຊຶ່ງ​ຈະ ພົບ​ກັບ​ບັນ­ດາ​ຫົວ­ໜ່ວຍ​ທຸ­ລະ​ກິດ​ທີ່​ມີ​ຊື່ ສຽງ​ໃນ​ລະ­ດັບ​ພາກ​ພື້ນ.

ທ່ານ ອຸ​ເດດ ສຸ­ວັນ­ນະ​ວົງ ໃຫ້​ຮູ້​ຕື່ມ ວ່າ: ABAL 2016 ແມ່ນ​ໄດ້​ເປີດ​ກວ້າງ ຕໍ່​ສະ­ມາ­ຊິກ​ສະ­ພາ​ການ​ຄ້າ ແລະ​ອຸດ​ສາ ຫະ​ກຳ​ແຫ່ງ​ຊາດ​ລາວ​ທຸກ​ທ່ານ ແລະ ທຸກໆ​ຫົວ­ໜ່ວຍ​ທຸ­ລະ​ກິດ​ໃນ​ລາວ​ບໍ່​ວ່າ ນ້ອຍ​ຫຼື​ໃຫຍ່ ກໍ​ສາ­ມາດ​ສົ່ງ​ເຂົ້າ​ສະ­ໝັກ ໄດ້, ສ່ວນ​ພິ­ທີ​ປະ­ກາດ​ຜົນ​ແມ່ນ​ຈະ​ຢູ່​ໃນ​ໄລ­ຍະ​ທ້າຍ​ເດືອນ​ກັນ­ຍາ 2016 ທີ່​ຈັດ ຄຽງ​ຄູ່​ກັບ​ກອງ​ປະ­ຊຸມ​ສຸດ​ຍອດ​ທຸ­ລະ​ກິດ​ແລະ​ການ​ລົງ­ທຶນ​ອາ​ຊຽນ ແລະ​ກອງ​ປະ ຊຸມ​ສຸດ​ຍອດ​ອາ​ຊຽນ​ຄັ້ງ​ທີ 28 ຊຶ່ງ​ບໍ​ລິ ສັດ KPMG ໄດ້​ຮັບ​ການ​ແຕ່ງ­ຕັ້ງ​ໃຫ້ ເປັນ​ຜູ້​ກວດ​ສອບ​ຢ່າງ​ເປັນ​ທາງ​ການ   ເພື່ອ​ຮັບ­ປະ­ກັນ​ການ​ຈັດ​ງານ​ລາ­ງວັນ​ໃຫ້​ມີ​ຄວາມ​ໂປ່ງ​ໃສ, ຄວາມ​ຍຸດ­ຕິ​ທຳ ແລະ​ມີ ຄວາມ​ເປັນ​ມື​ອາ­ຊີບ​ໃນ​ຂັ້ນ​ຕອນ​ການ​ຄັດ ເລືອກ​ລາ­ງວັນ​ໃຫ້​ແກ່​ບັນ­ດາ​ຫົວ­ໜ່ວຍ​ທຸ­ລະ​ກິດ.

ທ່ານ ນາງ ສຸ­ພາ​ພອນ ສວນ​ນະ​ວົງ ຊຶ່ງ​ເປັນ​ຜູ້​ປະ­ສານ​ງານ​ການ­ຈັດ­ຕັ້ງ​ປະ­ຕິບັດ​ວຽກ ABIS ແລະ ABA 2016 ໄດ້ອະ­ທິ­ບາຍ​ໃຫ້​ຮູ້​ກ່ຽວ​ກັບ​ປະ­ເພດ​ຂອງ ລາ­ງວັນ​ດັ່ງ­ກ່າວ​ວ່າ: ລາ­ງວັນ​ທຸ­ລະ​ກິດ​ດີ ເດັ່ນ​ພາຍ​ໃຕ້​ຂະ­ແໜງ­ການ​ບຸ­ລິ­ມະ­ສິດ ຂອງ ສປປ ລາວ(ຜູ້​ຊະ­ນະ​ເລີດ​ຈະ​ມີ 1 ລາ­ງວັນ​ຊຶ່ງ​ຢູ່​ພາຍ​ໃຕ້ 8 ຂະ­ແໜງ­ການ), ລາ­ງວັນ SME ດີ­ເດັ່ນ(ຜູ້​ຊະ­ນະ​ເລີດ​ຈະ ມີ​ສອງ​ລາ­ງວັນ​ເຊິ່ງ​ຢູ່​ພາຍ​ໃຕ້ 4 ໝວດ),   ລາ­ງວັນ​ພິ­ເສດ( ຜູ້​ຊະ­ນະ​ເລີດ​ມີ 1 ລາງວັນ​ພາຍ​ໃຕ້ 3 ໝວດ), ແລະ​ລາ­ງວັນ ທຸ­ລະ​ກິດ​ດີ­ເດັ່ນ​ຄົບ­ຮອບ 40 ປີ ສປປລາວ (ຜູ້​ຊະ­ນະ​ເລີດ​ມີ 10 ລາ­ງວັນ).

ຢ່າງ­ໃດ​ກໍ​ຕາມ​ບັນ­ດາ​ຜູ້​ສະ­ໝັກ​ສາ ມາດ​ຍື່ນ​ໃບ​ສະ­ໝັກ​ໄດ້​ໂດຍ​ການ Do-wnload ຂໍ້​ມູນ​ຈາກ Website abis 2016.com ຊຶ່ງ​ນັບ​ແຕ່​ມື້­ນີ້​ເປັນ­ຕົ້ນ​ໄປ​ມື້​ປິດ​ຮັບ​ສະ­ໝັກ​ແມ່ນ​ວັນ​ທີ 30 ເມ­ສາ 2016, ບັນ­ດາ​ຄະ­ນະ​ກຳ­ມະ­ການ​ແມ່ນ​ຜູ້ ຊົງ​ຄຸນ​ວຸດ​ທິ ແລະ​ມີ​ປະ­ສົບ​ການ​ຈາກ   ຫຼາຍ​ຂະ­ແໜງ­ການ​ເຊັ່ນ: ຂະ­ແໜງ­ການ ສຶກ​ສາ, ບັນ­ດາ​ກະ­ຊວງ ເສດ­ຖະ­ກິດ ແລະ ພາກ­ສ່ວນ​ທຸ­ລະ​ກິດ, ສຳ­ລັບ​ຜູ້​ທີ່​ສົນ­ໃຈ ຢາກ​ສະ­ໜັບ­ສະ­ໜູນ​ການ​ຈັດ​ງານ​ລາງ ວັນ​ດັ່ງ­ກ່າວ ແມ່ນ​ສາ­ມາດ​ຕິດ­ຕໍ່​ກອງ​ເລ ຂາ ABAL 2016 ຊຶ່ງ​ມູນ​ຄ່າ​ການ​ສະ­ໜັບ ສະ​ໜູນ​ຈະ​ຢູ່​ລະ­ຫວ່າງ 1.500-5.000 ໂດ​ລາ​ສະ­ຫະ­ລັດ.

ທີ່ມາ:logo

ບົດຄວາມຫຼ້າສຸດ

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...

ເຈົ້າໜ້າທີ່ ກວດພົບ ອຸປະກອນທວນສັນຍານ ຈາກຕ່າງປະເທດ ມາໃຊ້ຢູ່ ນະຄອນຫລວງວຽງຈັນ

ຕັກເຕືອນ-ອົບຮົມ ພ້ອມຍຶດອຸປະກອນທວນສັນຍານ ຈາກຕ່າງປະເທດ ທີ່ລັກລອບມານຳໃຊ້ຢູ່ໃນນະຄອນຫຼວງວຽງຈັນ. ວັນທີ 19 ສິງຫາ 2025 ເພຈຂ່າວກະຊວງເຕັກໂນໂລຊີ ແລະ ການສື່ສານ ລາຍງານວ່າ: ໃນລະຫວ່າງເດືອນ ມິຖຸນາ ຫາ...

ສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີ

ສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີໃນແຜ່ນດິນສະຫະລັດ ທີ່ອາລາສກາ ເຊິ່ງການປະຊຸມຄັ້ງນີ້ຍັງບໍ່ມີການບັນລຸຂໍ້ຕົກລົງກັນ ແຕ່ການເຈລະຈາເປັນໄປໄດ້ດ້ວຍດີ ແລະ ມີຄວາມຄືບໜ້າ ເຊິ່ງທ່ານ ໂດນັລ ທຣຳ ກຽມໂທຫາ...