Razer ຜູ້ນຳໃນດ້ານອຸປະກອນສຳລັບຜູ້ຫຼິ້ນເກມ (ເກມເມີ້) ໄດ້ເປີດໂຕແລັບທ໋ອບໂຕໃໝ່ຫຼ້າສຸດຄື Razer Blade ເປັນແລັບທ໋ອບສຳລັບຫຼິ້ນເກມໂດຍສະເພາະເລີຍ ໂດຍມີການອັບເກຣດດ້ານສະເປັກໃຫ້ດີຂຶ້ນກວ່າລຸ້ນເກົ່າ ແລະລາຄາກໍບໍ່ແພງຄືເກົ່າແລ້ວ!! (ແຕ່ກະຍັງຖືວ່າແພງຢູ່ດີ 55)
ສຳລັັບແລັບທ໋ອບ Razer Blade ນັັ້ນມາພ້ອມກັບໜ່ວຍປະມວນຜົນ Gen 6 Intel Core i7 ແລະໜ່ວຍປະມວນຜົນກຣາບຟິກ NVIDIA GeForce GTX 970M ພ້ອມກັບ VRAM 6 GB, ເທັກໂນໂລຢີ PCIe SSD ທີ່ຈະຊ່ວຍເພີ່ມຄວາມໄວເຖິງ 3 ເທົົ່າ, RAM 16 GB DDR4 ແລະ AC ແບບໄຮ້ສາຍ. ທຸກໆລຸ້ນນັ້ນຈະມາພ້ອມກັບຈໍຄວາມລະອຽດ 3200×1800 QHD+ ແລະໜັກພຽງແຕ່ 4.25 ປອນ.
ສຳລັບລາຄາຂອງ Razer Blade ນັ້ນເລີ່ມຕົ້ນພຽງ ແຕ່ $1999 (16.250.000 ກີບ) ສຳລັບລຸ້ນ 256GB ແລະ $2199 (17.865.000 ກີບ) ສຳລັບລຸ້ນ 512GB. ສາມາດສັ່ງຈອງໄດ້ຕັ້ງແຕ່ມື້ນີ້ເລີຍທີ່ເວັບ RazerStore.com ແລະໂຕເຄື່ອງນັ້ນຈະເລີ່ມຈັດສົ່ງໃນຊ່ວງເດືອນເມສານີ້
ສຳລັບສະເປັກໂດຍລວມຂອງ Razer Blade ມີດັ່ງນີ້:
– ໃຊ້ງານໜ່ວຍປະມວນຜົນຄອດຄໍ Gen 6 Intel® Core i7-6700HQ (ຄວາມໄວ 2.6 GHz / 3.5 GHz)
– ໃຊ້ງານໜ່ວຍປະມວນຜົນກຣາບຟິກ NVIDIA® GeForce® GTX™ 970M (6 GB GDDR5 VRAM)
– RAM 16 GB (DDR4, 2133 MHz)
– ລະບົບປະຕິບັດການ Windows® 10 64-bit
– 256 GB / 512 GB SSD (PCIe M.2)
– ໜ້າຈໍຂະໜາດ 14.0 ນິ້ວ. ຄວາມລະອຽດ 3200×1800 IGZO QHD+, ອັດຕາສ່ວນ 16:9, ພ້ອມກັບແສງໄຟ LED ແລະຮອງຮັບລະບົບ Multi-touch
– ຄີບອດ Chroma ມາພ້ອມກັບລະບົບ Anti Ghost ເຊິ່ງຈະເຮັດໃຫ້ສາມາດກົດຫຼາຍປຸ່ມພ້ອມກັນໄດ້
– Killer™ AC ແບບໄຮ້ສາຍ 1535 (802.11a/b/g/n/ac + Bluetooth® 4.1)
– Thunderbolt™ 3 (USB-C™)
– ພອຣດ USB 3.0 x3 (SuperSpeed)
– ເອົ້າພຸດວີດີໂອ ແລະ ສຽງ HDMI 1.4b
– ພອຣດຄອມໂບຫູຟັງ/ໄມໂຄໂຟນ 3.5 ມມ
– ເວັບແຄັມໃນໂຕ (2.0 ລ້ານພິກເຊວ)
– ລຳໂພງສະເຕີຣີໂອໃນໂຕ
– ອາເຣໄມໂຄຣໂຟນ
– ລະບົບສຽງຮອບທິດທາງ Dolby® Digital Plus Home Theater Edition
– ຮອງຮັບໂຕແປງສັນຍານ 7.1 (ຜ່ານ HDMI)
– ຝັງຊິບຮັກສາຄວາມປອດໄພ Trusted Platform Module (TPM 2.0) ໃນໂຕ
– Razer Synapse ເປີດໃຊ້ງານມາພ້ອມກັບໂປຣແກຣມຄີບອດ, ແທຣັກແພັດ, ຍ້ອນແສງ ແລະຄວບຄຸມພັດລົມ
– Kensington™ ຊ່ອງຮັກສາຄວາມປອດໄພ
– ອະແດັບເຕີຈ່າຍໄຟ 165 W
– ແບັດເຕີຣີ Lithium-ion Polymer ແບບສາກໃໝ່ໄດ້ 70 Wh ຕິດຕັ້ງໃນໂຕ
– ຂະໜາດ: 0.70 ນິ້ວ. / 17.9 ມມ (ຄວາມສູງ) x 13.6 ນິ້ວ. / 345 ມມ (ຄວາມກວ້າງ) x 9.3 ນິ້ວ. / 235 ມມ (ຄວາມເລິກ)
– ນ້ຳໜັກ: 4.25 ປອນ. / 1.93 ກກ
ທີ່ມາ:mspoweruser