5 ຂໍ້ອ້າງຍອດຮິດ ທີ່ຜູ້ຊາຍຈະໄດ້ບໍ່ຕ້ອງໃຊ້ຖົງຢາງ! - ລາວໂພສຕ໌ Laopost

Click here - to use the wp menu builder

HomeຊີວິດແລະຄວາມຮັກWedding-Sex-love5 ຂໍ້ອ້າງຍອດຮິດ ທີ່ຜູ້ຊາຍຈະໄດ້ບໍ່ຕ້ອງໃຊ້ຖົງຢາງ!

5 ຂໍ້ອ້າງຍອດຮິດ ທີ່ຜູ້ຊາຍຈະໄດ້ບໍ່ຕ້ອງໃຊ້ຖົງຢາງ!

Wedding-Sex-love

Published on

14/03/2016

By ບຸດສະດີ ສາຍນ້ຳມັດ

4103

6a00d8341bf67c53ef017d3d351167970c-800wi

ຜູ້ຊາຍຫຼາຍກ່ວາ 80% ຍອມຮັບວ່າ ເຄີຍໃຊ້ມຸກຫຼອກເພື່ອທີ່ຈະສຽບສົດ ງົດໃຊ້ຖົງຢາງ ໃນກຸ່ມຜູ້ຊາຍບໍ່ມີໃຜຢາກເປີດເຜີຍພຶດຕິກຳຕໍ່ຕ້ານການໃຊ້ຖົງຢາງ ລວມທັງຂໍ້ອ້າງຕ່າງໆ ເພື່ອໂນ້ມນ້າວອີກຝ່າຍໃຫ້ຍອມ ແລະ ບໍ່ແມ່ນຜູ້ຊາຍຈະໃຊ້ຂໍ້ອ້າງນີ້ພຽງຄັ້ງໜຶ່ງ ຫຼື ສອງຄັ້ງໃນຊ່ວງໄວລຸ້ນເທົ່ານັ້ນ ສ່ວນຫຼາຍພວກເຂົາພະຍາຍາມຫາຂໍ້ອ້າງຕະຫຼອດ ຮຽກໄດ້ວ່າເປັນຕັ້ງແຕ່ໜຸ່ມຈົນເຖົ້າກັນເລີຍ.

ຢ່າຍອມໃຫ້ເຂົາສຽບສົດ – ງົດຖົງເດັດຂາດ ຖ້າທ່ານທັງຄູ່ບໍ່ແມ່ນຜົວເມຍກັນ ການຖືພາແບບບໍ່ທັນພ້ອມ ຫຼື ການຕິດຕໍ່ທາງເພດສຳພັນຈະເຮັດໃຫ້ຊີວິດທ່ານພັງຕັ້ງແຕ່ຕອນທີ່ທ່ານຍັງອາຍຸໜຸ່ມນ້ອຍໄດ້ ຜູ້ຊາຍນັ້ນຈະມີຂໍ້ອ້າງສາລະພັດ ຄວາມກະລ້ອນຫຼາຍຮ້ອຍເຫຼັ້ມກວຽນທີ່ຈະໃຊ້ຫຼອກທ່ານ ເພື່ອຫຼີກລ່ຽງການໃຊ້ຖົງຢາງອະນາໄມ ແຕ່ຜູ້ຍິງຍຸກໃໝ່ບອກເລີຍວ່າມັນບໍ່ໂອເຄເລີຍ ເຊິ່ງວັນນີ້ລາວໂພສຕ໌ມີ 5 ຂໍ້ອ້າງຍອດຮິດ ທີ່ຜູ້ຊາຍຈະໄດ້ບໍ່ຕ້ອງໃຊ້ຖົງຢາງ! ມາຝາກສາວໆ ເພື່ອໃຫ້ຮູ້ກ່ອນລ່ວງໜ້າ.

1. “ຂ້ອຍບໍ່ມີພະຍາດ ໄວ້ໃຈໄດ້”

ນີ້ຄືຂໍ້ອ້າງຂອງຜູ້ຊາຍມັກໃຊ້ຫຼາຍທີ່ສຸດ… ຜູ້ຊາຍ 73.7% ຄິດວ່າຕົນເອງປອດໄພບໍ່ມີພະຍາດ ແຕ່ພະຍາດຕິດຕໍ່ທາງເພດສຳພັນຈະບໍ່ສະແດງອາການໃນຜູ້ຊາຍ ດັ່ງນັນ ຫາກບໍ່ໄດ້ຜົນກວດຈາກແພດ ພວກເຂົາກໍ່ບໍ່ມີວັນຈະຮູ້ໂຕເລີຍວ່າຕົນເອງມີເຊື່ອພະຍາດຫຍັງແນ່.

2. “ໜ້າຮັກຂະໜາດນີ້ອົດໃຈບໍ່ໄຫວລ່ະ ຂໍສະ !!!”

ຜູ້ຊາຍສ່ວນຫຼາຍ 73.2 % ຄິດວ່າຫາກປາກຫວານແນ່ ດຽວແມ່ຍິງກໍ່ຍອມເອງ ນີ້ຄືຂໍ້ອ້າງທີ່ອັນຕະລາຍທີ່ສຸດ ເພາະມັນຄືການຍ້ອງຍໍອີກຝ່າຍ ໃນຂະນະທີ່ຮໍໂມນກຳລັງທຳງານ ດັ່ງນັ້ນເຂົາຈະພະຍາຍາມເວົ້າແນວໃດກໍ່ໄດ້ເພື່ອໃຫ້ໄດ້ທ່ານມາ ເຖິງແມ່ນວ່າເລື່ອງນັ້ນຈະເປັນເລື່ອງຂີ້ຕວະກໍ່ຕາມ ແຕ່ກໍ່ມັກຈະໄດ້ຜົນ ດັ່ງນັ້ນທ່ານຕ້ອງຍຶດໝັ້ນຈິດໃຈທ່ານໄວ້ ຄິດໄວ້ວ່າຢ້ານຕິດພະຍາດ ຫຼື ຢ້ານຖືພາກ່ອນເວລາສົມຄວນ.

3. “ມັກແບບບໍ່ໃຊ້ຖົງຢາງຫຼາຍກ່ວາ”

ຜູ້ຊາຍກ່ວາ 50.3% ຍັງຄົງໃຊ້ມຸກນີ້ຢູ່ ຂ່າວດີກໍ່ຄື ໃຊ້ບໍ່ໄດ້ທຸກຄັ້ງ ຈາກວາລະສານ Sexual Medicine ລາຍງານວ່າ ທັງຍິງ ແລະ ຊາຍມັກການມີເຊັກສ໌ແບບປ້ອງກັນ ແລະ ແບບບໍ່ໃຊ້ຖົງຢາງເທົ່າກັນ ແຕ່ແມ່ຍິງຈະຮອດຈຸດສຸດຍອດຫຼາຍຄັ້ງກ່ວາຖ້າສວມຖົງຢາງ ເພາະບໍ່ຕ້ອງກັງວົນເລື່ອງຈະຖືພາ ແລະ ຕິດຕໍ່ພະຍາດທາງເພດສຳພັນ ຖົງຢາງສະໄໝນີ້ມີລູກຫຼິ້ນຫຼາກຫຼາຍບໍ່ວ່າຈະມີຜິວຂົນ ມີຣົດ ມີກິ້ນ ຫຼື ບາງຊະນິດເໝືອນກັບບໍ່ໄດ້ໃຊ້ເລີຍກໍ່ມີ ເວລາມີເຊັກສ໌ທ່ານຈະໄດ້ຮູ້ສຶກເລົ້າໃຈ ແລະ ປອດໄພໄປພ້ອມໆກັນ.

4. “ຄືນນີ້ ຂໍບໍ່ໃຊ້ຖົງຢາງໄດ້ບໍ່?”

ໜ້າສົນໃຈທີ່ຜູ້ຊາຍກ່ວາ 40% ໃຊ້ວິທີຕໍ່ລອງກັບອີກຝ່າຍຕົງໆ ວ່າຂໍບໍ່ໃຊ້ຖົງຢາງ ເຂົາອາດຄິດວ່າທ່ານຈະເອັນດູກັບການຂໍອະນຸຍາດຂອງເຂົາ ແລ້ວທ່ານຈະຕົກລົງ ທາງແກ້ເກມກໍ່ຄື ຕອບກັບໄປຕົງໆເລີຍວ່າ “ບໍ່ໃຊ້ຖົງຢາງກໍ່ບໍ່ຕ້ອງມີຫຍັງກັນ ຈະເອົາ ຫຼື ບໍ່ເອົາ” ເພາະນີ້ບໍ່ແມ່ນນິທານກ່ອນນອນ ທ່ານຕ້ອງຍື່ນຄຳຂາດ ບໍ່ດັ່ງນັ້ນ ເຂົາຈະຕີລາຄາໃນຕົວທ່ານວ່າ “ຄົນຢ່າງທ່ານ ແນວໃດກໍ່ໄດ້” ຫຼື ຄິດວ່າຂໍໄດ້ຄັ້ງນີ້ແລ້ວ ຕ້ອງມີຄັ້ງຕໍ່ໄປອີກ.

5. “ບໍ່ເຊື່ອໃຈກັນເລີຍຫວາ”

ມາອີກແລ້ວຄຳເວົ້າສຸດດຣາມ່າຈາກປາກຜູ້ຊາຍ ເຖິງຈະຄ້າຍຄືນ້ຳເນົ່າກໍ່ຕາມ ແຕ່ຈາກຜົນການສຳຫຼວດພົບວ່າ ຜູ້ຊາຍກ່ວາ 34% ເຄີຍໃຊ້ມຸກນີ້ມາແລ້ວ “ຜູ້ຊາຍບາງຄົນຮູ້ສຶກງຸດງິດ ເມື່ອເຫັນອີກຝ່າຍບໍ່ຍອມຢືນຢັນໃຫ້ໃຊ້ຖົງຢາງເທົ່ານັ້ນ” ບາງຄົນຄິດໄປໄກເຖິງຂັ້ນວ່າ… ທ່ານຢາກຖືກໃຊ້ກຳລັງ ດັ່ງນັ້ນ ທ່ານຈົ່ງອະທິບາຍໃຫ້ເຂົາເຂົ້າໃຈວ່າ “ເລື່ອງນີ້ບໍ່ແມ່ນເລື່ອງຈະມາຕໍ່ລອງກັນເທິງຕຽງ”.

ຂໍ້ມູນຈາກ: ເວັບໄຊ໌ ບັລອດໂພສຕ໌ຈັງດັອດຄອມ.

Tags
SEX

ບົດຄວາມຫຼ້າສຸດ