ສຳນັກຂ່າວຕ່າງປະເທດ ລາຍງານໃນວັນທີ 12 ມີນາຜ່ານມານີ້ວ່າ ໃນວັນທີ 11 ມີນາ 2016 ທີ່ນະຄອນຫລວງລາຮາວານ ປະເທດກູບາ ໄດ້ມີການລົງນາມຂໍ້ຕົກລົງຟື້ນຟູຄວາມສຳພັນທາງການທູດ ຂຶ້ນສູ່ລະດັບປົກກະຕິ ລະຫວ່າງກູບາ ແລະ ສະຫະພາບເອີຣົບ ຫລື ອີຢູ ຊຶ່ງເປັນຜົນສຳເລັດ ຈາກການເຈລະຈາເປັນເວລາເກືອບ 2 ປີ ລະຫວ່າງສອງຝ່າຍ.
ທັງນີ້ ເນື່ອງຈາກຕະຫລອດໄລຍະຜ່ານມາ ກູບາ ໄດ້ເປັນປະເທດດຽວ ໃນພາກພື້ນອາເມຣິກາລາຕິນ ທີ່ຍັງບໍ່ທັນມີຂໍ້ຕົກລົງຄວາມຮ່ວມມື ກັບກຸ່ມສຫະພາບເອີຣົບ 28 ປະເທດ ເນື່ອງຈາກອີຢູ ໄດ້ປະກາດຂວ້ຳບາດ ແລະ ລະງັບການຄວາມມືກັບກູບາ ເມື່ອປີ 2003 ເປັນຕົ້ນມາ ຊຶ່ງຜົນສຳເລັດຂອງຂໍ້ຕົກລົງສະບັບໃໝ່ນີ້ ໄດ້ເປັນການສິ້ນສຸດມາດຕະການດັ່ງກ່າວຕໍ່ກູບາລົງ.
ແນວໃດກໍຕາມ ຂໍ້ຕົກລົງດັ່ງກ່າວນີ້ ຍັງຈະຖືກຮັບຮອງໂດຍ ລັດຖະສະພາເອີຣົບ ອີກຂັ້ນໜຶ່ງ ຈຶ່ງຈະສາມາດມີຜົນບັງຄັບໃຊ້ຢ່າງເປັນທາງການ.