ຫຼັງຈາກຂ່າວ Oppo ປ່ອຍຕົວຢ່າງລະບົບສະແກນລາຍນິ້ວມືຄວາມໄວສູງທີ່ສາມາດສະແກນໄດ້ໃນເວລາພຽງ 0.2 ວິນາທີ ອອກມາບໍ່ພໍເທົ່າໃດກໍມີຜູ້ໃຊ້ Twitter ຄົນໜຶ່ງອອກມາທະວີດຮູບກ່ຽວກັບເຈ້ຍລາຍລະອຽດສະເປັກຂອງ R9 ແລະ R9 Plus ລວມເຖິງກ່ອງໂທລະສັບລຸ້ນດັ່ງກ່າວອອກມານຳ ຜູ້ໃຊ້ຄົນນັ້ນຊື່ວ່າ Steve Hemmerstoffer
ຈາກຮູບທີ່ຫຼຸດອອກມາຂອງສະມາດໂຟນ R9 ຈະເຫັນໄດ້ວ່າມີ ໜ້າຈໍຂະໜາດ 5.5 ນິ້ວ, ຄວາມລະອຽດ 1920×1080 (Full HD) ແລະ 401 PPI. ຊິບປະມວນຜົນ 64 ບິດ Octa core (ບໍ່ລະບຸລຸ້ນ ແຕ່ຄາດວ່າຈະເປັນ Helio X10), ROM 64GB ແລະ RAM 4GB.
ໃນດ້ານຂອງກ້ອງຫຼັງແມ່ນມີຄວາມລະອຽດ 16 ລ້ານພິກເຊວ ແລະ ກ້ອງໜ້າ 13 ລ້ານພິກເຊວ. ແບັດເຕີຣີໃຫ້ມາ 2850 mAh (ຮອງຮັບລະບົບສາກໄວ VOOC) . ຮອງຮັບ 2 ຊິມ (Nano ຊິມທັງສອງ) ແລະ ມີລະບົບສະແກນລາຍນິ້ວມືທີ່ປຸ່ມດ້ານໜ້າໂຕເຄື່ອງ
ໂຕເຄື່ອງມີຂະໜາດຢູ່ທີ່ 151.8 x 74.3 x 6.6 ມມ, ໂຕເຄື່ອງໜັກ 145 ກຣາມ. ໃຊ້ງານລະບົບ Android ຄອບທັບດ້ວຍ Colour OS 3.0. ລາຄາຂອງໂຕເຄື່ອງຢູ່ທີ່ 2,498 ຢວນ (3.065.000 ກີບ)
ໃນດ້ານຂອງລຸ້ນໃຫຍ່ R9 Plus ມີໜ້າຈໍຂະໜາດ 6 ນິ້ວ, ຄວາມລະອຽດ 1920×1080 (Full HD) ແລະ 367 PPI. ຊິບປະມວນຜົນ Snapdragon 652 , ROM 64/128GB ແລະ RAM 4GB.
ໃນດ້ານຂອງກ້ອງຫຼັງແມ່ນມີຄວາມລະອຽດ 16 ລ້ານພິກເຊວ ແລະ ກ້ອງໜ້າ 16 ລ້ານພິກເຊວ. ແບັດເຕີຣີໃຫ້ມາ 4120 mAh (ຮອງຮັບລະບົບສາກໄວ VOOC). ຮອງຮັບ 2 ຊິມ (Nano ຊິມທັງສອງ) ແລະ ມີລະບົບສະແກນລາຍນິ້ວມືທີ່ປຸ່ມດ້ານໜ້າໂຕເຄື່ອງ
ໂຕເຄື່ອງມີຂະໜາດຢູ່ທີ່ 163.1 x 80.78 x 7.4 ມມ, ໂຕເຄື່ອງໜັກ 185 ກຣາມ. ໃຊ້ງານລະບົບ Android ຄອບທັບດ້ວຍ Colour OS 3.0. ລາຄາຂອງໂຕເຄື່ອງຢູ່ທີ່ 2,998 ຢວນ (3.740.000 ກີບ)
ທີ່ມາ:@stagueve