ສຳນັກຂ່າວຕ່າງປະເທດໄດ້ລາຍງານອີກໜຶ່ງເລື່ອງທີ່ສະຫຼົດໃຈຂອງຜົວເມຍຄູ່ໜຶ່ງທີ່ເກີດຂຶ້ນໃນໂຣມາເນຍ ເມື່ອ Marinela Benea ເມຍໄວອາຍຸ 40 ປີ ໄດ້ກໍ່ເຫດຕັດອັນທະຂ້າງຊ້າຍຜົວ Ionel Popa ໄວອາຍຸ 39ປີ ຫຼັງຄຽດແຮງທີ່ຝ່າຍຊາຍລືມຊື້ດອກໄມ້ມອບໃຫ້ໃນວັນແມ່ຍິງສາກົນ ແຖມຍັງບໍ່ເຮັດວຽກເຮືອນຊ່ວຍອີກດ້ວຍ.
ລາຍງານລະບຸວ່າ ທັງຄູ່ຢູ່ກິນດ້ວຍກັນມາດົນແລ້ວ ປະມານ 15ປີ ແລະ ມີລູກນຳກັນ 1ຄົນ ໂດຍຄືນກ່ອນວັນເກີດເຫດຝ່າຍຊາຍໄດ້ກັບມາເຮືອນໃນອາການມືນເມົາ ເຊິ່ງສ້າງຄວາມບໍ່ພໍໃຈໃຫ້ຜູ້ເປັນເມຍໃນລະດັບໜຶ່ງ ວັນຮຸ່ງເຊົ້າຂຶ້ນມາຝ່າຍຜູ້ເປັນເມຍຈິ່ງບອກໃຫ້ຜົວລຸກຂຶ້ນມາຊ່ວຍວຽກເຮືອນ ແຕ່ຝ່າຍຜົວໄດ້ຮ້ອງກັບມາວ່າ “ເຈົ້າບໍ່ມີສິດມາສັ່ງຂ້ອຍ”
ເນື່ອງຈາກຝ່າຍຜົວກັບມາເຮືອນດ້ວຍສະພາບມືນເມົາ ບໍ່ຍອມຊື້ດອກໄມ້ມາໃຫ້ ແລະ ບໍ່ຍອມເຮັດວຽກເຮືອນຊ່ວຍ ຈິ່ງເຮັດໃຫ້ຝ່າຍເມຍຄຽດແຮງ ເລີຍຄ້ວາເອົາມີດມາຕັດອັດທະຜົວຂາດ ຈາກນັ້ນກໍ່ໄດ້ນຳຕົວຜົວໄປສົ່ງໂຮງໝໍດ່ວນ.
ປັດຈຸບັນນີ້ຜົວໄດ້ຮັບການຜ່າຕັດຮຽບຮ້ອຍແລ້ວ ແລະ ຍັງຢູ່ໃນຊ່ວງເວລາພັກຟື້ນ ຂະນະນີ້ທາງເຈົ້າໜ້າທີ່ຕຳຫຼວດກຳລັງສືບສວນຄະດີຢ່າງລະອຽດ ຢ່າງໃດກໍ່ຕາມລາຍງານບໍ່ໄດ້ລະບຸວ່າອະໄວຍະເພດຝ່າຍຊາຍຈະກັບຄືນມາໃຊ້ງານໄດ້ປົກກະຕິດີ ຫຼື ບໍ່.
ແຫລ່ງຂ່າວຈາກ http://www.posttoday.com/