ສຳນັກຂ່າວຕ່າງປະເທດ ລາຍງານໃນວັນທີ 11 ມີນານີ້ວ່າ ທ່ານ ເຊີເກ ລາບຣອບ ລັດຖະມົນຕີວ່າການ ກະຊວງການຕ່າງປະເທດຣັດເຊຍ ແລະ ທ່ານ ຈອນ ແຄຣີ ລັດຖະມົນຕີວ່າການ ກະຊວງການຕ່າງປະເທດ ສະຫະລັດອາເມຣິກາ ໄດ້ໂອ້ລົມກັນຜ່ານທາງໂທລະສັບ ເພື່ອປຶກສາຫາລືກ່ຽວກັບສະພາບການຢູ່ຊີຣີ ໂດຍທັງສອງຝ່າຍ ຣັດເຊຍ ແລະ ອາເມຣິກາ ໄດ້ປຶກສາຫາລືລະອຽດ ບັນດາມາດຕະການຕ່າງໆ ເພື່ອແນໃສ່ແກ້ໄຂສົງຄາມກາງເມືອງຢູ່ຊີຣີ ບົນພື້ນຖານບັນດາຕາມຂໍ້ຕົກລົງຂອງ ຄະນະມົນຕີຄວາມໝັ້ນຄົງ ແຫ່ງ ສະຫະປະຊາຊາດ. ນອກຈາກນັ້ນ, ຍັງໄດ້ມີການເວົ້າເຖິງ ບັນດາບັນຫາຕ່າງໆ ເພື່ອໜູນຊ່ວຍຄວາມມານະພະຍາຍາມຂອງ ອົງການສະຫະປະຊາຊາດ ເພື່ອແນໃສ່ຢຸດຕິການປະທະກັນຢູ່ປະເທດເຢແມນ ແລະ ເລີ່ມຕົ້ນການເຈລະຈາ ຊອກຫາມາດຕະການດ້ານການເມືອງໃຫ້ແກ່ປະເທດນີ້.
ລມຕ. ການຕ່າງປະເທດ ຣັດເຊຍ-ອາເມຣິກາ ລົມສາຍຫາລືແກ້ໄຂບັນຫາ ຢູ່ຊີຣີ ແລະ ເຢແມນ!
Published on
