ເກີດເຫດແຂວນຄໍຕາຍ ຢູ່ບ້ານ ໂພນຄຳ
ເຈົ້າໜ້າທີ່ ປກສ ກຸ່ມໜອງດ້ວງ ເມືອງ ສີໂຄດຕະບອງ ໃຫ້ຮູ້ວ່າ: ຕອນບ່າຍຂອງວັນທີ 9 ມີນາ ທີ່ຜ່ານມານີ້, ໄດ້ຮັບແຈ້ງຈາກອຳນາດການປົກຄອງບ້ານ ໂພນຄຳ ເມືອງ ສີໂຄດຕະບອງວ່າ: ມີຄົນແຂວນຄໍຕາຍຢູ່ບ້ານດັ່ງກ່າວ ຈຶ່ງໄດ້ສົມທົບກັບ ປກສ ບ້ານ ລົງເກັບກຳຂໍ້ມູນຫລັກຖານ ເພື່ອຫາສາເຫດຂອງການເສຍຊີວິດ ແລະ ຮູ້ວ່າ: ຜູ້ຕາຍຊື່ ທ້າວ ພົນທະວີ, ອາຍຸ 21 ປີ ປະຊາຊົນບ້ານດັ່ງກ່າວ, ຊຶ່ງຜູ້ພົບເຫັນເລົ່າສູ່ຟັງວ່າ: ໃນຕອນບ່າຍກ່ອນເກີດເຫດຜູ້ກ່ຽວໄດ້ນັ່ງກິນເຂົ້າກັບຄອບຄົວ, ຫລັງຈາກນັ້ນ ກໍ່ໄດ້ອອກໄປຊື້ນໍ້າກິນຢູ່ຮ້ານຄ້າໃກ້ຄຽງ ຕາມປົກກະຕິຂອງທຸກວັນ ແລ້ວກໍຫາຍໄປເກືອບເຄິ່ງຊົ່ວໂມງ, ສ່ວນຄອບຄົວແມ່ນວົນກັບການຂາຍເຄື່ອງຢູ່ຮ້ານຄ້າໜ້າບ້ານ ຫລັງຈາກນັ້ນ ຜູ້ເປັນພໍ່ຈຶ່ງໄປຮ້ອງຊອກຫາຢູ່ຫລັງເຮືອນ ແຕ່ກໍ່ບໍ່ມີສຽງຕອບຮັບໃດໆ, ດ້ວຍຄວາມເປັນຫວ່ງຜູ້ເປັນພໍ່ຈຶ່ງຍ່າງໄປທາງທົ່ງນາຫລັງບ້ານ, ຈຶ່ງພົບສົບແຂວນຄໍຕາຍຢືນ ຢູ່ແຄມຕົ້ນໄມ້ໃຫຍ່ຕົ້ນໜຶ່ງ ສາເຫດອາດມາຈາກການທີ່ຜູ້ຕາຍເສບຢາເສບຕິດເຂົ້າໄປເລີຍເກີດພາວະຈິດຕົກຄິດສັ້ນ.
ແຫລ່ງຂ່າວຈາກ: ລາວພັດທະນາ.