ສຳນັກຂ່າວຕ່າງປະເທດ ລາຍງານໃນວັນທີ 10 ມີນານີ້ວ່າ ຜົນການຈັດອັນດັບ ເມືອງທີ່ມີສິນຄ້າລາຄາແພງ ໃນປະເທດຕ່າງໆ ຈຳນວນ 133 ເມືອງທົ່ວໂລກ ປະຈຳປີ 2015 ໂດຍ (The Economist Intelligence Unit) ຫລື EIU ປະກົດວ່າ ປະເທດສິງກະໂປ ຄອງແຊັ້ມເມືອງທີ່ມີສິນຄ້າລາຄາແພງທີ່ສຸດໃນໂລກ ເປັນອັນດັບທີ 1 ເປັນປີທີ 3 ຕິດຕໍ່ກັນ, ຖັດລົງມາ ອັນດັບທີ 2 ແມ່ນນະຄອນຫລວງຊູຣິກ ປະເທດສະວິດ, ອັນດັບ 3 ໄດ້ແກ່ ເຂດບໍລິຫານພິເສດຮົງກົ່ງ ສປ ຈີນ, ອັນດັບ 4 ນະຄອນເຊີແນວ ເມືອງໃຫຍ່ອັນດັບສອງຂອງປະເທດສະວິດ ໃນຂະນະທີ່ນະຄອນຫລວງປາຣີ ປະເທດຝຣັ່ງ ຕິດອັນດັບທີ 5 ແລະ ນະຄອນຫລວງລອນດອນ ປະເທດອັງກິດ ຕິດອັນດັບທີ 6.