ຫຼັງຈາກກ່ອນໜ້ານີ້ທີ່ໄດ້ເປີດໂຕ ZTE Blade T620 (D2) ໄປແລ້ວທີ່ປະເທດຫວຽດນາມແລະໄທ. ມາມື້ນີ້ເອງບໍລິສັດ ZTE ກໍໄດ້ມິການເປີດໂຕສະມາດໂຟນລຸ້ນໃໝ່ ເຊິ່ງມີຊື່ວ່າ: Blade V580 ແລະຖືກເປີດເຜີຍຢ່າງເປັນທາງການຜ່ານເວັບໄຊຂອງບໍລິສັດຍີ່ປຸ່ນ.
ສຳລັບໃນດ້ານຂອງຮາດແວຣ Blade V580 ນັ້ນມາພ້ອມກັບໜ້າຈໍຂະໜາດ 5.5 ນິ້ວ, ຄວາມລະອຽດ FullHD ແລະໃຊ້ງານຊິບປະມວນຜົນ 64 ບິດ MediaTek MT6753 ເຊິ່ງມີທັງໝົດ 8 ຄໍດ້ວຍກັນ (ຄວາມໄວຢູ່ທີ່ 1.3 GHz). ROM 16 GB (ເພີ່ມ MicroSD ສູງສຸດ 32GB), RAM 2 GB.
ສ່ວນດ້ານຄຸນສົມບັດອື່ນໆແມ່ນຮອງຮັບເຄື່ອຂ່າຍ 3G, 4G LTE ແລະຮອງຮັບ 2 ຊິມ. ການເຊື່ອມຕໍ່ Wi-Fi b/g/n, Bluetooth 4.0 ແລະ GPS ພ້ອມກັບ A-GPS. ໃນດ້ານຂອງແບັດເຕີຣີນັ້ນໃຫ້ມາ 3,000 mAh ຖືວ່າໃຊ້ໄດ້ເລີຍ ແຕ່ກໍເປັນຮອງໃຫ້ກັບ Blade D2 ທີ່ໃຫ້ມາ 4,000 mAh.
ສຳລັບດ້ານກ້ອງຂອງສະມາດໂຟນ ZTE Blade V580, ກ້ອງຫຼັງມີຄວາມລະອຽດ 13 ລ້ານພິກເຊວ ແລະກ້ອງໜ້າຄວາມລະອຽດ 5 ລ້ານພິກເຊວ. ສຳລັບໂຕເຄື່ອງນັ້ນມີລະບົບສະແກນລາຍນິ້ວມືພ້ອມ ຖືວ່າເໝາະສົມກັບລາຄາກໍເວົ້າໄດ້
ZTE Blade V580 ນັ້ນເປີດໃຫ້ສັ່ງຈອງແລ້ວທີ່ຮ້ານຄ້າອອນລາຍຂອງຍີ່ປຸ່ນແລະມີລາຄາຢູ່ທີ່ 27,800 ເຢັນ (2.020.000 ກີບ)
ທີ່ມາ:gsmarena