ສຳນັກຂ່າວຕ່າງປະເທດ ລາຍງານໃນວັນທີ 9 ມີນານີ້ວ່າ ກະຊວງການເງິນແບນຊິກ ໄດ້ອອກມາຖະແຫລງ ກ່ຽວກັບເຈົ້າໜ້າທີ່ພາສີແບນຊິກ ສາມາດກວດພົບໂຄເຄນ ນ້ຳໜັກ 2,958 ກິໂລກຣາມ ຖືກບັນຈຸໃນແກັດໝາກກ້ວຍ ໃນຕູ້ຄອນເທນເນີ້ ທີ່ມາຈາກປະເທດໂກລົມບີ ມູນຄ່າປະມານ 150 ລ້ານເອີໂຣ ໂດຍເຈົ້າໜ້າທີ່ແບນຊິກ ຈະດຳເນີນຄະດີຕໍ່ໄປ ແຕ່ບໍ່ເປີດເຜີຍ ລາຍລະອຽດກ່ຽວ ວ່າມີການຈັບກຸມຜູ້ຖືກຫາ ຫລື ບໍ່.

ທັງນີ້ ການກວດພົບຢາເສບຕິດດັ່ງກ່າວ ແມ່ນເປັນຄັ້ງໃຫຍ່ອີກຄັ້ງໜຶ່ງຂອງປະເທດ ຫລັງຈາກທີ່ເຈົ້າໜ້າທີ່ແບນຊິກ ສາມາດກວດພົບຢາເສບຕິດ ນ້ຳໜັກເຖິງ 8 ໂຕນ ເມື່ອປີ 2012 ຜ່ານມາ.