spot_img
Homeຂ່າວຕ່າງປະເທດຄວາມເທົ່າທຽມລະຫວ່າງຊາຍ-​ຍິງ​ຫຼຸດ​ລົງ 0,6%

ຄວາມເທົ່າທຽມລະຫວ່າງຊາຍ-​ຍິງ​ຫຼຸດ​ລົງ 0,6%

Published on

ໄອ​ແອ​ລ​ໂອ ອົງການ​ແຮງງານ​ສາກົນເປີດ​ເຜີຍ​ຂໍ້​ມູນ​ການ​ສຶກສາ​ເນື່ອງ​ໃນ​ວັນ​ແມ່ຍິງ​ສາກົນ​ວັນ​ທີ 8 ມີນາ​ວ່າ ນັບ​ຕັ້ງ​ແຕ່​ປີ 1992 ຈົນ​ເຖິງ​ປະຈຸ​ບັນ ຊ່ອງ​ວ່າງ​ຂອງ​ອັດຕາ​ການ​ຈ້າງ​ງານ​ເຮັດ​ລະຫວ່າງ​ຜູ້​ຊາຍ ​ແລະ ​ແມ່ຍິງ​ຫຼຸດ​ລົງ​ພຽງ 0,6%.

ລາຍ​ງານ​ດັ່ງ​ກ່າວ​ນີ້​ ມາ​ຈາກ​ການ​ເກັບ​ລວບ​ລວມຂໍ້​ມູນ​ໃນ​ປະ​ເທດ​ຕ່າງໆ 178 ປະ​ເທດ​ພົບ​ວ່າ​ໃນ​ປີ 2015 ມີ​ຈຳນວນ​ແມ່ຍິງທີ່​ມີ​ວຽກ​ເຮັດ​ໜ້ອຍ​ກວ່າ​ຜູ້​ຊາຍ​ເຖິງ 25,5% ຂະນະ​ດຽວ​ກັນ​ແມ່ຍິງ​ມີ​ໂອກາດ​ວ່າງ​ວຽກ 6,2% ສູງ​ກວ່າ​ຜູ້​ຊາຍ​ທີ່​ມີ​ອັດຕາ​ການ​ວ່າງ​ງານ 5,5% ນອກຈາກ​ນີ້ ​ແມ່ຍິງ​ມີ​ໂອກາດ​ເລືອກ​ວຽກເຮັດ​ໄດ້​ໜ້ອຍ​ກວ່າ​ຜູ້​ຊາຍ ​ແລະ ມັກ​ມີ​ຊົ່ວ​ໂມງ​ເຮັດ​ວຽກ​ດົນ​ກວ່າ​ຜູ້​ຊາຍ ບໍ່​ວ່າ​ຈະ​ເປັນ​ວຽກ​ມີ​ຄ່າ​ຕອບ​ແທນ ​ແລະ ບໍ່​ມີຄ່າ​ຕອບ​ແທນ ​ບົ່ງ​ບອກ​ວ່າ ​ແມ່ຍິງ​ຍັງ​ປະ​ເຊີນ​ກັບ​ຄວາມ​ທ້າ​ທາຍ​ໃນ​ການ​ເຮັດ​ວຽກ ​ແລະ ການ​ຮັກສາ​ຕໍາ​ແໜ່​ງ​ງານ​ທີ່​ດີ​ເອົາ​ໄວ້​ໃຫ້​ໄດ້.

ສ່ວນ​ງານ​ວິ​ໄຈ​ຈາກ ​ແກຣນ ຣອນຕັນ  ບໍລິສັດ​ດ້ານ​ການ​ກວດກາ​ບັນຊີ ​​ພົບ​ວ່າ ​ໃນ​ໄລຍະ 5 ປີ​ທີ່​ຜ່ານ​ມາ ອັດຕາ​ສ່ວນ​ຂອງ​​ແມ່ຍິງ​ໃນ​ຕຳ​ແໜ່​ງລະດັບ​ສູງ​ທົ່ວ​ໂລກ​ເພີ່ມ​ຂຶ້ນ 3% ຢູ່​ລະດັບ 24% ​ໂດຍຣັດ​ເຊຍຄອງ​ແຊ໋ມອັນ​ດັບ 1 ຂ​ອງປະ​ເທດ​ທີ່​ມີ​​ແມ່ຍິງ​ຄອງ​ຕຳ​ແໜ່​ງລະດັບ​ສູງ​ຫຼາຍ​ທີ່​ສຸດ 45%, ຮອງ​ລົງ​ມາ​ແມ່ນ​ຟິລິບ​ປິນ ​ແລະ ລິ​ດຕົວນີຢູ່​ລະດັບ 39%, ຂະນະ​​ເຢຍລະ​ມັນ ​ແລະ ອິນ​ເດຍຢູ່​ອັນ​ດັບ 2 ​ແລະ 3 ​ໃນ​ລະດັບ 15% ​ແລະ 16% ຕາມ​ລຳດັບ, ສ່ວນ​ກຸ່ມ​ປະ​ເທດ​ອາ​ຊຽນມີ​​ແມ່ຍິງ​ຄອງ​ຕຳ​ແໜ່​ງສູງ​ຫຼາຍ​ທີ່​ສຸດ​ຢູ່​ລະດັບ 34%, ກຸ່ມ​ປະ​ເທດ​ອາຊີ-​ປາຊິ​ຟິກ​ເກີດ​ໃໝ່​ຢູ່​ທີ່ 26%, ຂະນະ​ທີ່​ຍີ່ປຸ່ນ​ເປັນ​ປະ​ເທດ​ທີ່​ມີ​ຜູ້ຍິງ​ຄອງ​ຕຳ​ແໜ່​ງລະດັບ​ສູງ​ໜ້ອຍ​ທີ່​ສຸດ 7%.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...