ລັດຖະບານມຽນມາອອກໃບອະນຸຍາດດຳເນີນກິດຈະການໃນຮູບແບບສາຂາໃຫ້ແກ່ສະຖາບັນການເງິນຂອງຕ່າງປະເທດເພີ່ມອີກ 4 ແຫ່ງ ເພື່ອສົ່ງເສີມການລົງທຶນພາຍໃນປະເທດ.
ຕາມຂ່າວຕ່າງປະເທດລາຍງານວ່າ ທະນາຄານກາງມຽນມາອອກຖະແຫຼງການເລື່ອງການອະນຸມັດໃບອະນຸຍາດດຳເນີນກິດຈະການໃນຮູບແບບສາຂາໃຫ້ແກ່ສະຖາບັນການເງິນຕ່າງປະເທດອີກ 4 ແຫ່ງເຊັ່ນ: ທະນາ ຄານເພື່ອການພັດທະນາ ແລະ ການລົງທຶນຫວຽດນາມ, ທະນາຄານອີຊັນ ຄອມເມີເຊລຈາກໄຕ້ຫວັນ, ທະນາຄານຊິນຮັນຂອງສ ເກົາຫຼີ ແລະ ທະນາຄານແຫ່ງລັດຂອງອິນເດຍ(ເອສບີໄອ) ເພີ່ມຈຳນວນສະຖາບັນການເງິນຕ່າງປະເທດທີ່ໄດ້ຮັບໃບອະນຸຍາດໃຫ້ເຂົ້າມາລົງທຶນໃນມຽນມາເປັນຢ່າງໜ້ອຍ 13 ແຫ່ງແລ້ວ ໂດຍທະນາຄານໂຕກຽວ-ມິຕະບິຊິ(ບີທີເອັມ)ຂອງຍີ່ປຸ່ນ ເປັນສະຖາບັນການເງິນລາຍທຳອິດທີ່ໄດ້ຮັບໃບອະນຸຍາດໃນເດືອນເມສາປີທີ່ຜ່ານມາ.
ທັງນີ້ມຽນມາເລີ່ມນະໂຍບາຍປະຕິຮູບທຸກດ້ານຢ່າງເປັນທາງການ ໂດຍສະເພາະໃນດ້ານເສດຖະກິດ ແລະ ສັງຄົມ ນັບຕັ້ງແຕ່ລັດຖະບານທ່ານເຕັງເສັງ ປະທານາທິບໍດີມຽນມາເຂົ້າມາບໍລິຫານປະເທດໃນປີ 2011 ໂດຍກ່ອນໜ້ານີ້ມຽນມາຕົກຢູ່ພາຍໃຕ້ການປົກຄອງອັນເຂັ້ມງວດຂອງກອງທັບມາດົນ 49 ປີ.