ZTE ບໍລິສັດຜະລິດສະມາດໂຟນຈາກປະເທດຈີນໄດ້ເປີດໂຕ ZTE Blade D2 ເຊິ່ງເປັນສະມາດໂຟນລາຄາຖືກທີ່ມາພ້ອມກັບແບັດເຕີຣີຂະໜາດ 4,000 mAh, ສຳລັບໂຕເຄື່ອງນັ້ນເຮັດມາຈາກປຼາສຕິກ ຂະໜາດຂອງໂຕເຄື່ອງແມ່ນ 144 x 69.5 x 8 ມມ ແລະມີນ້ຳໜັກຢູ່ທີ່ 155 ກຣາມ.
Blade T620 (D2) ເປັນຊື່ທີ່ຖືກເອີ້ນຢ່າງເປັນທາງການຂອງສະມາດໂຟນລຸ້ນດັ່ງກ່າວ, ມາພ້ອມກັບໜ້າຈໍຂະໜາດ 5 ນິ້ວ, ຄວາມລະອຽດ HD, ໃຊ້ຈໍ IPS LCD ແລະໃຊ້ງານຊິບປະມວນຜົນຄອດຕໍ Mediatek MT6735P ຄວາມໄວທີ່ 1.0 GHz. ສຳລັບໜ່ວຍຄວາມຈຳມາພ້ອມກັບ ROM 8GB (ເພີ່ມ MicroSD ໄດ້ສູງສຸດ 64 GB) ແລະ RAM 1GB.
Blade D2 ສຳລັບກ້ອງຂອງລຸ້ນດັ່ງກ່າວຖືວ່າໃຫ້ມາແບບພໍໃຊ້ໄດ້ເລີຍຄື ກ້ອງຫຼັງຄວາມລະອຽດ 8 ລ້ານພິກເຊວ ມາພ້ອມກັບແຟລັດ LED ແລະລະບົບໂຟກັດອັດຕະໂນມັດ, ສ່ວນກ້ອງໜ້າຄວາມລະອຽດ 2 ລ້ານພິກເຊວ. ໃນດ້ານຂອງການເຊື່ອມຕໍ່ແມ່ນຮອງຮັບ 3G, 4G LTE, Bluetooth 4.0, Wi-Fi 802.11 b/g/n, GPS ພ້ອມກັບ A-GPS ແລະພອຣດ micro USB.
ZTE Blade D2 ໄດ້ເປີດໂຕໄປແລ້ວທີ່ປະເທດໄທແລະຫວຽດນາມ ແລະຈາກເວັບໄຊ ZTE ຫວຽດນາມ ແມ່ນມີລາຄາຢູ່ທີ່ 26,90,000 ດົ້ງ (990.000 ກີບ) ແລະ ອີງຕາມເວັບໄຊປະເທດໄທແມ່ນ 3990 ບາດ (925.000 ກີບ) .
ທີ່ມາ:gsmarena