spot_img
Homeຂ່າວທ້ອງຖິ່ນເມືອງສີໂຄດຕະບອງ ເປີດ​ງານ​ຕະຫຼາດນັດ ປະຈຳ​ປີ 2016 ມີຫົວໜ່ວຍເຂົ້າວາງສະແດງ ເກືອບ 70 ຮ້ານ!

ເມືອງສີໂຄດຕະບອງ ເປີດ​ງານ​ຕະຫຼາດນັດ ປະຈຳ​ປີ 2016 ມີຫົວໜ່ວຍເຂົ້າວາງສະແດງ ເກືອບ 70 ຮ້ານ!

Published on

ພິທີ​ເປີດ​ງານ​ຕະຫຼາດນັດ ວາງສະແດງ ແລະ ຂາຍ​ສິນຄ້າ ກະສິກຳ ອຸດສາຫະກຳ ແລະ ຫັດຖະ​ກຳ ປະຈຳ​ປີ 2016 ທົ່ວ​ເມືອງສີ​ໂຄດ​ຕະບອງ ນະຄອນຫຼວງວຽງ​ຈັນ ຈັດ​ຂຶ້ນ​ວັນ​ທີ 4 ມີນາ 2016 ທີ່​ບ້ານ​ໜອງ​ໜ້ຽວ ເປັນປະທານ​ຂອງ​ທ່ານ​ນາງ ພູ​ວຽງ ແກ້ວ​ວົງ​ວິຈິດ ເຈົ້າເມືອງ​ສີ​ໂຄດຕະບອງ ທ່ານ​ຮອງ​ເຈົ້າເມືອງ ຕາງໜ້າ​ຈາກ​ພະແນກການ ຫ້ອງການ ແຂກ​ຖືກ​ເຊີນ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ການ​ຈັດ​ງານ​ໃນ​ຄັ້ງ​ນີ້​ ເປັນ​ການສະຫຼຸບ​ຄືນ​ການຈັດຕັ້ງ​ແຜນ​ພັດທະ​ນາ​ເສດຖະກິດ-ສັງຄົມ​ຂອງເມືອງ​ສີ​ ໂຄດ​ຕະບອງ ໃນ 1 ປີຜ່ານ​ມາ ພ້ອມ​ທັງ​ສ້າງ​ເງື່ອນໄຂ ໃຫ້​ຊາວ​ກະສິກອນ ຊ່າງ​ຫັດຖະກຳ ຄອບຄົວ​ຕົວ​ແບບ ຫົວໜ່ວຍທຸລະ​ກິດ​ດ້ານ​ຕ່າງໆພາຍ​ໃນເມືອງ ແລະ ຕ່າງ​ເມືອງ ​ໄດ້​ນຳເອົາ​ຜະລິດ​ຕະ​ພັນ​ຂອງ​ຕົນ​ມາວາງສະແດງ ຂາຍ​ອອກ​ສູ່​ສັງຄົມ ສົ່ງເສີມ​ການ​ຜະລິດ​ດ້ານ​ອຸດ​ສາຫະ​ກຳ ແລະ ຫັດຖະກຳ​ໃຫ້​ຂະຫຍາຍ​ຕົວ​ຕໍ່​ເນື່ອງ ເຮັດ​ໃຫ້ການຜະລິດ​ຕິດ​ພັນ​ກັບ​ຕະຫຼາດ​ຢູ່​ພາຍໃນ​ເມືອງ ແລະ ສົ່ງ​ອອກ ພ້ອມກັນ​ນັ້ນ ຊຸກຍູ້​ການ​ຜະລິດ​ເປັນ​ສິນຄ້າ​ຂອງ​ປະຊາຊົນ ຄອບຄົວ​ຕົວແບບ​ຜະລິດ​ສິນຄ້າ​ໃຫ້​ເຕີບ​ໃຫຍ່ເຂັ້ມແຂງ ເປີດ​ກວ້າງ​ດ້ານ​ການຄ້າ ການ​ບໍລິການ ການ​ທ່ອງທ່ຽວຂອງ​ເມືອງ​ໃຫ້​ຂະຫຍາຍຕົວ​ກວ້າງຂວາງ​ຂຶ້ນ​ຕື່ມ ທັງ​ເປັນການ​ແລກປ່ຽນ​ບົດຮຽນ​ຂອງ​ຊາວກະສິກອນ ຊ່າງ​ຫັດຖະກຳ ຄອບຄົວ​ຕົວ​ແບບ ຜູ້​ທຳ​ການ​ຜະລິດສິນຄ້າ​ໂອ​ດ໋ອບພາຍ​ໃນ​ເມືອງ.

ສຳລັບ​ຮ້ານ​ທີ່​ເຂົ້າ​ຮ່ວມ​ວາງສະແດງ ແລະ ຂາຍ​ສິນຄ້າ​ໃນງານ​ມີ​ຈຳນວນ​ທັງ​ໝົດ 68 ຮ້ານ ເມື່ອ​ທຽບໃສ່​ປີ 2015 ເພີ່ມ​ຂຶ້ນ 36,17% ແລະ ມູນ​ຄ່າ​ລວມຂອງ​ສິນຄ້າ 384 ລ້ານ​ກວ່າ​ກີບ ທຽບໃສ່​ປີ 2015 ເພີ່ມ​ຂຶ້ນ 63,55% ງານ​ວາງສະແດງ​ສິນຄ້າ​ດັ່ງກ່າວ ​ຈະ​ເປີດ​ເປັນ​ເວລາ 5 ວັນ ເລີ່ມ​ແຕ່​ມື້​ເປີດ​ເປັນຕົ້ນ​ໄປ ຮອດ​ວັນ​ທີ 8 ມີນາ 2016.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...