ສຳນັກຂ່າວຕ່າງປະເທດ ລາຍງານໃນວັນທີ 5 ມີນາຜ່ານມານີ້ວ່າ ເຈົ້າໜ້າທີ່ຟິລິບປິນ ໄດ້ດຳເນີນການຍຶດກຳປັ່ນສິນຄ້າ ຂອງລັດຖະບານເກົາຫລີເໜືອລຳໜຶ່ງ ໂດຍທ່ານ ມາໂນໂລ ເກຊອນ ຮອງໂຄສົກ ປະທານາທິບໍດີຟິລິບປິນ ໄດ້ລະບຸວ່າ ພວກເຂົາຈຳເປັນຕ້ອງຍຶດເຮືອລຳນີ້ ເນື່ອງຈາກເປັນສ່ວນໜຶ່ງ ຂອງການບັງຄັບໃຊ້ ມາດຕະການຂວ້ຳບາດຕໍ່ເກົາຫລີເໜືອ ຕາມມະຕິຂອງສະຫະປະຊາຊາດ ເພື່ອລົງໂທດກໍລະນີທີ່ ລັດຖະບານເກົາຫລີເໜືອ ຍິງທົດລອງອາວຸດນິວເຄລຍຄັ້ງທີ 4 ແລະ ຍິງລູກສອນໄຟໄລຍະໄກ ເມື່ອບໍ່ດົນມານີ້ ຂະນະທີ່ລູກເຮືອຈຳນວນ 21 ຄົນ ໄດ້ຖືກຄວບຄຸມຕົວໄວ້ ແລະ ຈະຖືກສົ່ງກັບເກົາຫລີເໜືອ.
ທັງນີ້ ຄະນະມົນຕີຄວາມໝັ້ນຄົງ ແຫ່ງ ສະຫະປະຊາຊາດ ໄດ້ມີມະຕິໃຊ້ມາດຕະການຂວ້ຳບາດຮຸນແຮງ ຕໍ່ເກົາຫລີເໜືອ ໃນມື້ວັນພຸດທີ 2 ມີນາຜ່ານມານີ້.