ສຳນັກຂ່າວຕ່າງປະເທດ ລາຍງານໃນວັນທີ 6 ມີນາຜ່ານມານີ້ວ່າ ກຸ່ມລັດອິດສະລາມ ຫລື ໄອເອັສ ໄດ້ກໍ່ເຫດໂຈມຕີ ດ້ວຍລະເບີດລົດບັນທຸກ ໃສ່ດ່ານກວດກາຂອງເຈົ້າໜ້າທີ່ອີຣັກແຫ່ງໜຶ່ງ ທາງຕອນໃຕ້ຂອງ ນະຄອນຫລວງແບກແດດ ເຮັດໃຫ້ມີຜູ້ເສຍຊີວິດ ຢ່າງໜ້ອຍ 60 ຄົນ ແລະ ມີຜູ້ໄດ້ຮັບບາດເຈັບອີກ ຫລາຍກວ່າ 70 ຄົນ.
ທ່ານ ຟາເລາະ ອັນ-ຣາດີ ຫົວໜ້າຄະນະກຳມະການປ້ອງກັນຊາດ ປະຈຳແຂວງບາບິນ ຈຸດເກີດເຫດ ໄດ້ເປີດເຜີຍວ່າ ການໂຈມຕີຄັ້ງນີ້ ເປັນການໂຈມຕີຄັ້ງຮຸນແຮງທີ່ສຸດ ທີ່ເຄີຍເກີດຂຶ້ນຢູ່ແຂວງບາບິນ ເຮັດໃຫ້ດ່ານກວດ ແລະ ສະຖານີຕຳຫລວດ ຊຶ່ງຕັ້ງຢູ່ໃກ້ໆກັນຖືກທຳລາຍ ພ້ອມໆກັບເຮືອນຊານຂອງປະຊາຊົນ ຕະຫລອດຮອດລົດອີກ ຫລາລຍສິບຄັນ.
