ການຂະຫຍາຍເຄືອຂ່າຍທາງລົດໄຟຄວາມໄວສູງ ຊ່ວຍສ້າງຄວາມສະດວກສະບາຍໃຫ້ແກ່ນັກເດີນທາງ ແລະ ຍັງຊ່ວຍກະຕຸ້ນການພັດທະນາລະດັບທ້ອງຖິ່ນ ຊຶ່ງບໍລິສັດສັນຊາດຈີນ ໄດ້ເລັ່ງພັດທະນາຄວາມສາມາດໃນການກໍ່ສ້າງທາງລົດໄຟ ເຖິງແມ່ນວ່າຈະຕ້ອງປະເຊີນກັບທຳມະຊາດທີ່ໂຫດຮ້າຍ ແຕ່ສາມາດກຳນົດໃຫ້ມີເສັ້ນທາງແລ່ນໄດ້ທົ່ວປະເທດ ຊຶ່ງຕ້ອງໄດ້ອອກແບບຕາມສະພາບອາກາດ ແລະ ພູມສາດ ທີ່ແຕກຕ່າງກັນອອກໄປ ເພາະບາງເສັ້ນທາງຕ້ອງແລ່ນຜ່ານພື້ນທີ່ ທີ່ມີອຸນຫະພູມເຖິງ -40 ອົງສາເຊໃນລະດູໜາວ ແນ່ນອນວ່າ ຕ້ອງປະເຊີນກັບຫິມະ ແລະ ບາງເສັ້ນທາງຕ້ອງແລ່ນຜ່ານພາຍຸຫຼືທະເລຊາຍທີ່ແຫ້ງແລ້ງ ເພາະສະນັ້ນແລ້ວ ຈຶ່ງຕ້ອງສາມາດຕ້ານທານຕໍ່ສິ່ງທີ່ຕ້ອງປະເຊີນເຫຼົ່ານີ້ໄດ້.

ໃນປີ 2016 ນີ້ ອົງການທາງລົດໄຟຈີນ(ຊີອາຊີ)ໄດ້ວາງແຜນການທຸ່ມງົບປະມານຕື່ມອີກ 800 ຕື້ຢວນ ປັບປຸງ ແລະ ພັດທະນາເສັ້ນທາງລົດໄຟໃນພາກພື້ນຈີນຕາເວັນຕົກ ແລະ ຈີນຕອນກາງ ທີ່ຍັງດ້ອຍພັດທະນາຢູ່ໃນປະຈຸບັນ(ຕາມຂ່າວຕ່າງປະເທດ).