ສຳລັບພໍ່ແມ່ທີ່ຕ້ອງການໃຫ້ລູກມີສະຕິປັນຍາທີ່ດີ ລວມທັງການຮູ້ຈັກຄິດ ວິເຄາະໄດ້ຢ່າງເປັນລະບົບໃນຊ່ວງເວລາລູກເລີ່ມເຕີບໃຫຍ່ຂຶ້ນມາເລື່ອຍໆ ນັ້ນ ແນ່ນອນວ່າການ ການກະຕຸ້ນສະໝອງ ຂອງລູກຮັກ ຖືເປັນສິ່ງທ່ານທ່ານຄວນລົງມືເຮັດ.

ແລະ ວັນນີ້ເຮົາມີວິທີງ່າຍໆ ທີ່ຈະຊ່ວຍກະຕຸ້ນສະໝອງຂອງລູກນ້ອຍມາຝາກຄົນທີ່ເປັນພໍ່-ແມ່ ເອົາເປັນວ່າຕາມໄປເບິ່ງວິທີເຮັດພ້ອມໆກັນເລີຍ

1.ຫາເວລາຫວ່າງອ່ານໜັງສືກັບລູກ

ເນື່ອງຈາກການອ່ານໜັງສືພ້ອມໆກັນກັບລູກນ້ອຍ ດ້ວຍການຊີ້ພາບຕ່າງໆທີ່ມີຢູ່ໃນປື້ມໃຫ້ລູກເບິ່ງ ຈະຊ່ວຍພັດທະນາໃນເລື່ອງຄວາມສຳພັນ ແລະ ອາລົມຄວາມຮູ້ສຶກຂອງພໍ່ແມ່ກັບລູກໃຫ້ມີຄວາມໝັ້ນຄົງ ອີກທັງຍັງຊ່ວຍຂະບວນການຮຽນຮູ້ຂອງລູກອີກດ້ວຍ.

2.ໃຫ້ລູກດູດນົມແມ່

ມີຜົນການວິໄຈໄດ້ພົບວ່າໃນຊ່ວງອາຍຸພຽງໜຶ່ງປີທີ່ໄດ້ຮັບການລ້ຽງດູດ້ວຍນົມແມ່ຕະຫຼອດນັ້ນ ເດັກຈະມີໄອຄິວສູງກ່ວາເດັກທີ່ບໍ່ໄດ້ຮັບນົມແມ່.

3.ມອບຄວາມອົບອຸ່ນໃຫ້ແກ່ລູກນ້ອຍ

ພໍ່ແມ່ຄວນສັງເກດລູກນ້ອຍໃຫ້ດີ ເພື່ອທີ່ຈະສາມາດຮັບຮູ້ໄດ້ວ່າ ຊ່ວຍເວລານັ້ນລູກກຳລັງພົບກັບຄວາມສຸກ ຫຼື ທຸກ ຫາກລູກກຳລັງຢູ່ໃນຊ່ວງຄວາມທຸກ ພໍ່ແມ່ຈະຕ້ອງເຂົ້າໄປເປັນສ່ວນໜຶ່ງໃນການໃຫ້ຄວາມອົບອຸ່ນແກ່ລູກທັນທີ ເພາະເຂົາຈະໄດ້ຮັບການຕອບສະໜອງດ້ວຍຄວາມຮັກທີ່ໝັ້ນຄົງຈາກພໍ່ແມ່ຢູ່ສະເໝີ.

4.ຕອບສະໜອງລູກໃນຊ່ວງເວລາທີ່ເໝາະສົມ

ແນ່ນອນວ່າລູກນ້ອຍຕ້ອງການການຕອບສະໜອງຢູ່ຕະຫຼອດເວລາ ແຕ່ທັງນີ້ກໍ່ຕ້ອງການເວລາຮຽນຮູ້ດ້ວຍຕົນເອງເຊັ່ນ ການທີ່ລູກຕ້ອງການນັ່ງຫຼິ້ນໃນສິ່ງທີ່ຕົນເອງມັກ ລວມທັງການໄປສະຖານທີ່ຕ່າງໆ ດັ່ງນັ້ນພໍ່ແມ່ຈິ່ງຈຳເປັນຕ້ອງປ່ອຍໃຫ້ເຂົາມີເວລາສ່ວນຕົວເພື່ອສຳລັບການຮຽນຮູ້ດ້ວຍຕົວເອງຂອງລູກ.

5.ຫາເວລານັ່ງລົມກັບລູກເລື້ອຍໆ

ຮູ້ກັນບໍ່ວ່າການທີ່ພໍ່ແມ່ໃຫ້ເວລານັ່ງລົມກັບລູກນັ້ນມັນສຳຄັນຫຼາຍທີ່ສຸດ ເພາະຮັກໃຫ້ລູກເກີດພັດທະນາການ ແລະ ຮຽນຮູ້ຄຳເວົ້າໄດ້ຫຼາຍຂຶ້ນ ແລະ ສິ່ງທີ່ສຳຄັນໃນເວລານັ່ງລົມກັບລູກ ແມ່ນຫາອຸປະກອນມາສະແດງປະກອບພ້ອມ ເພື່ອໃຫ້ລູກເຂົ້າໃຈ ແລະ ຈື່ໃນສິ່ງນັ້ນ.