ສຳນັກຂ່າວຕ່າງປະເທດ ລາຍງານໃນວັນທີ 4 ມີນານີ້ວ່າ ທ່ານ ນາງ ຟູ່ອິ໋ງ ໂຄສົກສະພາຜູ້ແທນປະຊາຊົນຈີນ (NPC) ໄດ້ອອກມາກ່າວວ່າ ງົບປະມານທາງການທະຫານຂອງຈີນ ຈະຍັງຄົງເຕີບໂຕຂຶ້ນໃນປີນີ້ ແຕ່ຢູ່ໃນລະດັບຕ່ຳກວ່າປີຜ່ານມາ ແລະ ປີກ່ອນໜ້ານັ້ນ ໂດຍຈະຢູ່ລະຫວ່າງ 7-8% ຊຶ່ງຕົວເລກທີ່ແນ່ນອນນັ້ນ ຈະຖືກປະກາດຢ່າງເປັນທາງການອີກເທື່ອໜຶ່ງ ໃນວັນເສົາທີ 5 ມີນາຈະມາເຖິງນີ້ ໃນກອງປະຊຸມສະພາຜູ້ແທນປະຊາຊົນຈີນ ຊຶ່ງເປັນໜຶ່ງໃນສອງກອງປະຊຸມໃຫຍ່ ທີສຳຄັນທີ່ສຸດຂອງປີ ພາຍຫລັງທີ່ມື້ວານນີ້ (3 ມີນາ) ໄດ້ເປີດກອງປະຊຸມສະພາທີ່ປຶກສາການເມືອງທົ່ວປະເທດຈີນ (CPPCC) ຢ່າງເປັນທາງການແລ້ວ.