Homeຂ່າວການພັດທະນາເມືອງບໍລິຄັນ, ບໍລິຄຳໄຊ ເຊັນບົດບັນທຶກ ສຶກສາຄວາມເປັນໄປໄດ້ໃນການພັດທະນາເຂື່ອນໄຟຟ້ານ້ຳຕົກ ນ້ຳໝາງ

ເມືອງບໍລິຄັນ, ບໍລິຄຳໄຊ ເຊັນບົດບັນທຶກ ສຶກສາຄວາມເປັນໄປໄດ້ໃນການພັດທະນາເຂື່ອນໄຟຟ້ານ້ຳຕົກ ນ້ຳໝາງ

Published on

ພິທີເຊັນບົດບັນທຶກຄວາມເຂົ້າໃຈ ໂຄງການສຳຫຼວດ ສຶກສາຄວາມເປັນໄປໄດ້ໃນການພັດທະນາເຂື່ອນໄຟຟ້ານ້ຳຕົກຂະໜາດນ້ອຍ ນ້ຳໝາງ ເມືອງບໍລິຄັນ ແຂວງບໍລິຄຳໄຊ ລະຫວ່າງແຂວງບໍລິຄຳໄຊ ຕາງໜ້າໂດຍພະແນກແຜນການ ແລະ ການລົງທືນແຂວງ ກັບ ກຸ່ມບໍລິສັດ ຈະເລີນຊັບ ຄົບວົງຈອນ ຈຳກັດ ໄດ້ຈັດຂຶ້ນໃນວັນທີ 02 ມີນາ 2016 ຢູ່ທີ່ພະແນກແຜນການ ແລະ ການລົງທຶນແຂວງບໍລິຄໍາໄຊ ການເຊັນສັນຍາໃນຄັ້ງນີ້ ຕາງໜ້າໃຫ້ແຂວງບໍລິຄຳໄຊ ຮ່ວມລົງນາມໂດຍທ່ານ ພອນທິລາດ ສິດສາທອນ ຫົວໜ້າພະແນກ ແຜນການ ແລະ ການລົງທຶນແຂວງ ຕາງໜ້າໃຫ້ ບໍລິສັດ ລົງນາມໂດຍ ທ່ານ ກະເສີມສັກ ແກ້ວໄຊຍະວົງ ອຳນວຍການກຸ່ມບໍລິສັດຈະເລີນຊັບຄົບວົງຈອນຈຳກັດ ໂດຍມີຫົວໜ້າພະແນກພະລັງງານ ແລະ ບໍ່ແຮ່ ແລະ ຮອງຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ພ້ອມດ້ວຍທີ່ປຶກສາຂອງບໍລິສັດ ເຊັນຮ່ວມເປັນສັກຂີພະຍານ ໂດຍຊ້ອງໜ້າ ທ່ານ ດຣ. ກອງແກ້ວ ໄຊສົງຄາມ ເຈົ້າແຂວງໆບໍລິຄໍາໄຊ ຫົວໜ້າພະແນກການທີ່ກ່ຽວຂ້ອງ ເຈົ້າເມືອງບໍລິຄັນ ພະນັກງານ ວິຊາການທັງສອງຝ່າຍ ເຂົ້າຮ່ວມ.

ໂຄງການສຳຫຼວດສຶກສາຄວາມເປັນໄປໄດ້ໃນການພັດທະນາເຂື່ອນໄຟຟ້ານ້ຳຕົກຂະໜາດນ້ອຍ ນ້ຳໝາງ ເມືອງບໍລິຄັນ ແຂວງບໍລິຄຳໄຊ ຕັ້ງຢູ່ເຂດ ບ້ານທ່າສີ ຫ່າງຈາກເທສະບານແຂວງປະມານ 86 ກິໂລແມັດ ໂຄງການນີ້ຄາດວ່າມີຄວາມສາມາດໃນການຕິດຕັ້ງເຄື່ອງຈັກຜະລິດໄຟຟ້າໄດ້ປະມານ 10 ເມກາວັດລົງມາ ໂດຍແມ່ນ ກຸ່ມບໍລິສັດຈະເລີນຊັບຄົບວົງຈອນຈຳກັດ ເປັນຜູ້ລົງທຶນໃນການລົງສຳຫຼວດ ເກັບກຳຂໍ້ມູນທາງດ້ານພູມສາດ ອຸທົກກະສາດ-ສັງຄົມ ແລະ ຄິດໄລ່ຜົນຕອບແທນທາງດ້ານເສດຖະກິດ ຖ້າມີຄວາມເປັນໄປໄດ້ ບໍລິສັດດັ່ງກ່າວຈະສືບຕໍ່ລົງທຶນກໍ່ສ້າງຕໍ່ໄປ ໂດຍໄລຍະໃນການຈັດຕັ້ງປະຕິບັດ ( MOU ) ກໍານົດ 18 ເດືອນ ສະນັ້ນ ເພື່ອໃຫ້ສອດຄ່ອງກັບກົດໝາຍວ່າດ້ວຍການສົ່ງເສີມການລົງທຶນ ແລະ ນິຕິກຳ ລະບຽບການຕ່າງໆທີ່ກ່ຽວຂ້ອງ ແລະ ເພື່ອເຮັດໃຫ້ການຈັດຕັ້ງປະຕິບັດໂຄງການຫັນສູ່ລະບຽບການ ດັ່ງນັ້ນ ຈິ່ງໄດ້ເຊັນສັນຍາໄວ້ເພື່ອເປັນຫຼັກຖານ.

ຂ່າວ/ພາບ: ຟອງ ນ້ຳງຽບ

ຂໍ້ມູນຈາກ http://www.vtetoday.la

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...