ສຳລັັບສະມາດໂຟນ R9 ນັັ້ນໄດ້ຮັບການຢືນຢັນຈາກທາງບໍລິສັດ Oppo ໃນອາທິດແລ້ວນີ້ ແລະມາໃນມື້ນີ້ທາງບໍລິສັດກໍໄດ້ອອກມາປະກາດວ່າຈະເປີດໂຕສະມາດໂຟນໃນວັັນທີ 17 ມີນາທີ່ຈະມາຮອດນີ້ ແລະບໍລິສັດຍັງໄດ້ໂຊຮູບຕົວຢ່າງວ່າໂທລະສັບລຸ້ນດັ່ງກ່າວນີ້ຈະຮອງຮັັບລະບົບສາກໄວ VOOC

ເທັກໂນໂລຢີສາກໄວຫຼື VOOC ທີ່ຈະມາພ້ອມກັບສະມາດໂຟນ R9 ນັ້ນຈະແຕກຕ່າງກັບລະບົບສາກໄວ Super VOOC ທີ່ທາງບໍລິສັດ Oppo ໄດ້ປະກາດເປີດໂຕໃນງານ MWC 2016 ທີ່ເມືອງບາເຊໂລນາ ປະເທດສະເປນ, ເຊິ່ງຄວາມສາມາດຂອງລະບົບສາກໄວໂຕໃໝ່ນັ້ນແມ່ນສາມາດສາກແບັດ 2,500 mAh ໃຫ້ເຕັມໃນເວລາພຽງ 15 ນາທີ. (VOOC ເປີດໂຕມາດົນແລ້ວ)

ສຳລັບສະມາດໂຟນ Oppo R9 ນັ້ນຈະເນັ້ນໄປທີ່ກຸ່ມຕະຫຼາດຂອງກ້ອງເປັນສູນກາງ ແລະສະເປັກຕາມຂ່າວລືທີ່ຫຼຸດອອກມານັ້ນຄື: ໃຊ້ງານຊິບປະມວນຜົນ Snapdragon 820, ໜ້າຈໍຂະໜາດ 6 ນິ້ວ ຄວາມລະອຽດ QHD, ກ້ອງຫຼັງຄວາມລະອຽດ 21 ລ້ານພິກເຊວ, ກ້ອງໜ້າຄວາມລະອຽດ 13 ລ້ານພິກເຊວ, RAM 3 ຫຼື 4GB, ພື້ນທີ່ຈັັດເກັັບ 64GB, ແບັດເຕີຣີ 3,700 mAh ແລະມາພ້ອມກັບ Android 6.0 Marshmallow.

ທີ່ມາ:gsmarena