spot_img
Homeຂ່າວການສຶກສາເມືອງ​ຈັນທະ​ບູລີ ສອບໄດ້ນັກຮຽນ​ເກັ່ງ 125 ຄົນ ​ກຽມເຂົ້າ​​​ສອບ​ເສັງຕໍ່ຂັ້ນ ນ.ວ ​ໃນ​ກາງ​ເດືອນ​ມີ​ນາ​ນີ້!

ເມືອງ​ຈັນທະ​ບູລີ ສອບໄດ້ນັກຮຽນ​ເກັ່ງ 125 ຄົນ ​ກຽມເຂົ້າ​​​ສອບ​ເສັງຕໍ່ຂັ້ນ ນ.ວ ​ໃນ​ກາງ​ເດືອນ​ມີ​ນາ​ນີ້!

Published on

ການ​ສອບ​ເສັງ​ນັກ​ຮຽນ​ເກັ່ງ​ ທົ່ວ​ນະຄອນຫລວງ​ວຽງ​ຈັນ ຈະ​ຈັດ​ຂຶ້ນ​ໃນ​ວັນ​ທີ 16 ມີນາ​ນີ້, ​ເຊິ່ງປະກອບ​ມີ​ນັກ​ສອບ​ເສັງ​ຈາກ 9 ​ເມືອງ​ທົ່ວ​ນະຄອນຫລວງ​ວຽງຈັນ, ສຳລັບນັກ​ສອບ​ເສັງ​ຈາກ​ເມືອງ​ຈັນທະ​ບູລີ ຈຳນວນ 125 ຄົນ, ໃນ​ນັ້ນ ຊັ້ນ ປ5 ມີ 18 ຄົນ, ຍິງ 14 ຄົນ, ຊັ້ນ ມ4 ມີ 42 ຄົນ, ຍິງ 32 ຄົນ ​ແລະ ຊັ້ນ ມ7 ມີ 65 ຄົນ, ຍິງ 40 ຄົນ ​​​ແມ່ນມີ​ຄວາມ​ພ້ອມ ທີ່​ຈະ​ເຂົ້າ​ຮ່ວມ​ການ​ສອບ​ເສັງ​​ດັ່ງກ່າວ.

ພິທີ​ສະຫລຸບ​ການ​ສອບ​ເສັງ​ນັກຮຽນ​ເກັ່ງ​ ທົ່ວເມືອງ​ຈັນທະ​ບູລີ ປະຈຳ​ສົກ​ປີ 2015-2016, ​ໄດ້​ຈັດ​ຂຶ້ນ​​​ເຊົ້າ​ວັນ​ທີ 2 ມີນາ​ນີ້, ຢູ່​ໂຮງຮຽນ ມສ. ຈອມ​ຄຳ, ນະຄອນຫລວງ​ວຽງ​ຈັນ, ​ໂດຍ​ການ​ໃຫ້​ກຽດ​​ເຂົ້າ​ຮ່ວມ​ຂອງ​ ທ່ານ ຈັນທອນ ລັດຖະຈັກ ຮອງ​ເຈົ້າ​ເມືອງ​ຈັນທະ​ບູລີ, ທ່ານ ສຸດ​ທານີ ​ໄຊ​ຍະ​ສານ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ, ມີ​ບັນດາຄູ​-ອາຈານຈາກ​ໂຮງຮຽນ​ຕ່າງ​ໆ, ນັກຮຽນ ​ແລະ ພາກສ່ວນ​ກ່ຽວຂ້ອງເຂົ້າ​ຮ່ວມ​ເປັນ​ຈຳນວນ​ຫລາຍ.

ທ່ານ​ ນາງ ພິມ​ມະ​ສອນ ຈັນທະ​ວົງ ຫົວໜ້າ​ຫ້ອງການ​ສຶກສາ​ທິການ ​ແລະ ກິລາ ​ເມືອງ​ຈັນທະ​ບູລີ ກ່າວ​ວ່າ: ​ເພື່ອ​ເປັນ​ການ​ປະຕິບັດ​ຕາມ​ຂໍ້​ແຂ່ງຂັນ​ສອນ​ດີ, ສອນ​ເກັ່ງ ທີ່​​ກະຊວງ​ສຶກສາ​ທິການ ​ແລະ ກິລາ​ກຳນົດ​ໄວ້, ​ຫ້ອງການ​ສຶກສາເມືອງ​ຈັນທະ​ບູລີ ຈຶ່ງ​ໄດ້​ພ້ອມ​ກັນກະຕຸກ​ຊຸກຍູ້ ​ຂະ​ບວນການ​ສຶກສາ​ຮ່ຳຮຽນ​ ​ແລະ ຍົກ​ລະດັບ​ການ​ສຶກສາ​ຂອງ​​ນັກຮຽນ ​ໃຫ້​ນັບ​ມື້​ດີ​ຂຶ້ນ​ເທື່ອ​ລະ​ກ້າວ​ ​ໃຫ້​ກ້າວ​ໄປ​ສູ່​ລະດັບ​ສາກົນ ​ແລະ ພາກ​ພື້ນ​ໂດຍ​ໄວ.​ ສະ​ນັ້ນ ການ​ສອບ​ເສັງ​ນັກຮຽນ​ເກັ່ງ​ຂັ້ນ​ເມືອງ​ຈັນທະ​ບູລີ​ ໃນ​ໄລຍະ​ຜ່ານ​ມາ, ​ເຫັນ​ວ່າບັນລຸ​ຕາມເປົ້າ​ໝາຍ​ທີ່​​ໄດ້ວາງ​ໄວ້ ນັກ​ສອບ​ເສັງ​ທຸກ​ຄົນ ສາມາດ​ຍາດ​ໄດ້​ຄະ​ແນນ​ດີ, ນອກ​ນີ້ ນັກ​ສອບ​ເສັງ 88 ຄົນ ໄດ້​ຮັບ​ການ​ຊົມ​ເຊີຍ​, 25 ຄົນ​ ໄດ້​ຮັບ​ການ​ຍ້ອງຍໍຈາກ​ຫ້ອງການ​ສຶກສາ​ທິການ ​ແລະ ກິລາ​ເມືອງ​ຈັນທະ​ບູລີ ​ແລະ 12 ຄົນ ​ໄດ້​ຮັບ​ການ​ຍ້ອງຍໍ​ຈາ​ກທ່ານ​ເຈົ້າ​ເມືອງ​ຈັນທະ​ບູລີ​ນຳ​ອີກ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...