ເພື່ອ​ເປັນ​ການ​ປະກອບສ່ວນຊຸກຍູ້​ງານ​ສະເຫຼີມສະຫຼອງ ​ວັນ​ແມ່ຍິງ​ສາກົນ ຄົບຮອບ 106 ປີ (ວັນ​ທີ 8 ມີນາ) ໄດ້​ໜູນ​ວຽນມາບັນຈົບ​ຄົບຮອບ​ອີກ​ວາລະ​ໜຶ່ງ ມີ​ຫຼາຍ​ພາກສ່ວນ​ໄດ້​ໃຫ້ການ​ຊຸກຍູ້​ກ່ຽວ​ກັບ​ກິດຈະກຳ​ໃນ​ຄັ້ງ​ນີ້ ພິທີມອບ​ຮັບ​ການ​ຊຸກຍູ້​ຈັດ​ຂຶ້ນ​ວັນ​ທີ 1 ມີນາ 2016 ທີ່​ສູນ​ກາງ​ສະຫະພັນແມ່ຍິງ​ລາວ.

ພາກສ່ວນ​ທີ່​ໃຫ້ການ​ຊຸກຍູ້ຄັ້ງ​ນີ້ ມີ​ບໍລິສັດ ຢູ​ນີ​ລີ​ເວີ ມອບເງິນສົດ 40 ລ້ານ​ກີບ ຕາງໜ້າມອບ​ໂດຍທ່ານ​ນາງ ມະນີ​ລາ ແກ້ວ​ດວງ​ດີ ຜູ້​ຊ່ວຍ​ຜູ້​ຈັດການຝ່າຍ​ການ​ຕະຫຼາດ ບໍລິສັດ ​ຢູ​ນີ​ລີເວີ ບໍລິສັດ ​ເທີນ​ຫີນ​ບູນພາວ​ເວີ ຈຳກັດ ມອບ 24 ລ້ານ​ກີບ ແລະ ບໍລິສັດ ໂຄສະນາມາດ​ເຕີ​ມາຍ ມອບ​ນ້ຳ​ດື່ມ​ຕຸກ ລວມ​ມູນ​ຄ່າ 1.500.000 ກີບ ຕາງໜ້າ​ຮັບໂດຍ​ທ່ານ ​ດຣ. ນາງ ອິນ​ລາ​ວັນ ແກ້ວ​ບຸນ​ພັນ ປະທານ​ສູນ​ກາງສະຫະພັນ​ແມ່ຍິງ​ລາວ ໂດຍ​ມີທ່ານ​ຮອງ​ປະທານ ພະນັກງານທີ່​ກ່ຽວຂ້ອງ​ທັງ​ສອງ​ຝ່າຍ​ ເຂົ້າຮ່ວມ​ເປັນ​ສັກຂີ​ພິຍານ.

ຂໍ້ມູນຈາກ http://www.vientianemai.net/