ສຳນັກຂ່າວຕ່າງປະເທດ ລາຍງານໃນວັນທີ 2 ມີນານີ້ວ່າ ນັກບິນອະວະກາດ 3 ຄົນ ຊຶ່ງປະກອບດ້ວຍ ນັກບິນຊາວຣັດເຊຍ 2 ຄົນຄື ທ່ານ ມິຄາອິນ ຄໍນິເຢັນໂກ ແລະ ທ່ານ ເຊີເກ ໂວນຄອບ ພ້ອມດ້ວຍນັກບິນຊາວອາເມຣິກາອີກ 1 ຄົນຄື ທ່ານ ສະກັອດ ເຄນລີ ໄດ້ເດີນທາງກັບຄືນສູ່ພື້ນໂລກ ໄດ້ຢ່າງປອດໄພແລ້ວ ດ້ວຍແຄັບຊູນໂຊຢູດ TMM-18M ຊຶ່ງຜ່ານຊັ້ນບັນຍາກາດຂອງໂລກ ແລະ ລອຍລົງດ້ວຍຈ້ອງຂະໜາດໃຫຍ່ສູ່ພື້ນດິນ ຢູ່ເມືອງ Dzhezkazgan ປະເທດກາຊັກສະຖານ ໃນເວລາ 10:26 ນາທີ ຂອງມື້ນີ້ (2 ມີນາ) ຕາມເວລາໃນທ້ອງຖິ່ນ ຫລັງຈາກທີ່ທັງສາມຄົນ ໄດ້ປະຕິບັດໜ້າທີ່ຢູ່ ສະຖານີອະວະກາດສາກົນ (ISS) ດົນເຖິງ 340 ມື້ ຫລື ເປັນເວລາເກືອບໜຶ່ງປີ ຊຶ່ງເປັນໄລຍະເວລາທີ່ດົນນານ ກວ່າການປະຈຳການປົກກະຕິ ຂອງນັກບິນອະວະກາດ ເທິງສະຖານີດັ່ງກ່າວເຖິງ 2 ເທົ່າ.