ທ່ານ ພູ​ເພັງ​ສະຫວັນ ກອງ​ວົງ​ໄຊ ​​ເຈົ້າ​ຂອງ​ຟາ​ມລ້ຽງ​ງົວເອັນ​ແອນ​ວີ, ​​ໄດ້​ໃຫ້​ສຳພາດ ​​ໃນ​ໂອກາດ​ພາ​ນັກ​ຂ່າວ​​ໄປ​ຢ້ຽມ​ຢາ​ມຟາ​ມງົວ​ຂອງ​ຕົນ​, ເຊິ່ງຕັ້ງຢູ່ບ້ານ​ສີສະ​ຫວາດ ​ເມືອງ​ນາ​ຊາຍ​ທອງ ນະຄອນຫຼວງ​ວຽງ​ຈັນ​ວ່າ:​​ ຟາ​ມ​​ແຫ່ງ​ນີ້,​ ໄດ້​​ສ້າງ​ຕັ້ງ​ຂຶ້ນແຕ່​ຕົ້ນ​ປີ 2014 ​ເປັນ​ຕົ້ນມາ ໃນ​​​ເນື້ອ​ທີ່​ຫຼາຍ​ກວ່າ 75 ​ເຮັກຕາ, ຊຶ່ງ​ມາ​ຮອດ​ປັດຈຸບັນ ​ຕົນ​ໄດ້ລົງ​ທຶນ​ເຂົ້າ​ໃນ​ການ​ພັດທະນາຟາ​ມ​​ແລ້ວ ​ຫຼາຍ​ກ່ວາ 3,5 ລ້ານ​ໂດ​ລາ​ສະຫະລັ​ດ ​ເພື່ອ​ບຸກ​ເບີກ​ທີ່​ດິນ, ສ້າງ​ຊົນລະປະທານ​ຂະໜາດ​ນ້ອຍ, ສ້າງ​ອ່າງ​​ເກັບ​ນ້ຳ, ສ້າງ​ຟາ​ມລ້ຽງ​ງົວ 9 ຫຼັງ, ສ້າງສາ​ງ​ເກັບ​ມ້ຽນ​ຫຍ້າ ​ແລະ ອື່ນໆ, ມາ​ຮອ​ດປັດຈຸບັນ ໄດ້ນໍາງົວ​ພັນ​ຊີ້ນ​ຈຳນວນ 30 ​ໂຕ ​ແລະ ງົວ​ພັນ​ພື້ນ​ບ້ານ 70 ກວ່າ​​ໂຕ ມາທົດ​ລອງ​ລ້ຽງ​ຢູ່​ຟາ​ມແລ້ວ ​ແລະ ຈະ​ຄ່ອຍໆ​ຂະຫຍາຍ​ກິດຈະການ ​ໃຫ້​​ເຕີບ​ໃຫຍ່​ຂຶ້ນ​ເທື່ອ​ລະ​ກ້າວ,​ ຊຶ່ງຄາດ​ວ່າ​ຈະ​ລົງທຶນ​ຫຼາຍ​ກ່ວາ 30 ລ້ານໂ​ດລາ​ສະຫະລັດ.

ເຈົ້າ​ຂອງ​ຟາ​ມດັ່ງກ່າວ​ໃຫ້​ຮູ້​ຕື່ມ​ວ່າ: ຟາ​ມງົວພວກ​ເຮົາ ໄດ້​ຮັບ​ການ​ຊີ້​ນຳ​ຈາກ​ພາກສ່ວນ​ກ່ຽວຂ້ອງ​ເປັນ​ຢ່າງ​​ດີ,​ ໂດຍ​ສະ​ເພາະ​​ແມ່ນ​ ພະ​​ແນ​ກກະສິກຳ-ປ່າ​​ໄມ້ ນະ​ຄອນ​ຫລວງ​ວຽງ​ຈັນ ໃນ​ການ​ເອົາ​ໃຈ​ໃສ່​​ປ້ອງກັນ​ພະຍາດ​ສັດ ​ແລະ ​ອື່ນໆ ​​ເພື່ອຮັບປະກັນ ​ໃຫ້ສາມາດຜະລິດ​ຊີ້ນງົວໃຫ້ໄດ້ມາດຕະ ຖານ, ມີ​ຄວາມສະອາດ, ປອດ​ໄພ ​​​​ສະໜອງ​​​ໃຫ້​​ຕະຫຼາດ​ໃນ​ນະຄອນຫຼວງ​ວຽງ​ຈັນ ກໍ​ຄື​ໃນທົ່ວ​ປະ​ເທ​ດ​ ​ແລະ ​ມີ​ແຜນ​​ສົ່ງອອກ​ໄປປະ​ເທ​ດ​​​ໃກ້​ຄຽງອີກ​ດ້ວຍ​ໃນ​​ອານາ​ຄົດຂ້າງ​ໜ້າ.

ແຫລ່ງຂ່າວ: