Homeຂ່າວຕ່າງປະເທດຈີນ-ຫວຽດນາມ​​ ຮັດ​ແ​ໜ້ນຄວາມ​ສຳພັນ

ຈີນ-ຫວຽດນາມ​​ ຮັດ​ແ​ໜ້ນຄວາມ​ສຳພັນ

Published on

ຂ່າວສານ​ຊິນ​ຮວາ​ລາຍ​ງານ​ວ່າ: ວັນ​ທີ 29 ກຸ​ພາ​ຜ່ານ​ມາ, ທ່ານ ສີ ຈິ້ນ​ຜິ​ງ ​ເລຂາທິການ​ໃຫຍ່​ສູນ​ກາງພັກ​ກອມມູນິດ​ສປ ຈີນ, ປະທານ​ປະ​ເທດສປ ​ຈີນ​ໄດ້ພົບ​ປະ​ກັບ​ທ່ານ ຮວ່າງ​ ບິງ​ກວນ ຫົວໜ້າ​ຄະນະ​ພົວພັນ​ຕ່າງປະ​ເທດ​ສູນ​ກາງ​ພັກ​ກອມ​ມູນິດ​ສສ ຫວຽດນາມ​ໃນ​ນາມ​ເປັນ​ ຜູ້ຕາງໜ້າ​ພິ​ເສດ​ຂອງ​ທ່ານ ​ຫງວຽນ​ ຟູ​ຈ້ອງ ​ເລຂາ​ທິການ​ໃຫຍ່​ສູນ​ກາງ​ພັກ​ກອມ​ມູນິດ​ຫວຽດນາມທີ່​ກຳລັງ​ຢູ່​ລະຫວ່າງ​ການ​ຢ້ຽມຢາມ​ຈີນ.

ໂອກາດ​ດັ່ງກ່າວ, ​ທ່ານ ຮວ່າງ​ບິງ​ກວນ ​ໄດ້ນຳ​ເອົາ​ຄຳໝັ້ນ​ໝາຍ​ຂອງ​ທ່ານ ​ຫງວຽນ​ຟູ​ຈ້ອງ ​​ຕໍ່ທ່ານ ສີ​ຈິ້ນ​ຜິ​ງ ​ໂດຍ​ກ່າວ​ວ່າ, ພວກ​ເຮົາ​ຫວັງວ່າ​ຈະຮ່ວມ​ກັບ​ບັນດາ​ສະຫາຍ​ຈີນ​ເພື່ອ​ຈັດ​ຕັ້ງ​ປະຕິບັດ​ຂໍ້​ ຕົກລົງລະຫວ່າງການນຳ​ຂັ້ນ​ສູງ​ຂອງ​ສອງປະ​ເທດ​ໂດຍ​ການ​ເພີ່ມ​ທະວີ​ການ​ໄປມາຫາສູ່​ກັນ​ລະຫວ່າງ​ການ​ນຳ​ຂັ້ນ​ສູງ, ຊຸກຍູ້​​ ແລະ ​ຍົກ​ລະດັບ​ບົດບາດ​ການ​ຮ່ວມມື​ໃນ​ຂົງ​ເຂດ​ເສດຖະກິດ​ແລະ​ອື່ນໆ ທັງ​ເພີ່ມ​ທະວີ​ການ​ຮ່ວມມື​ລະຫວ່າງ​ພາກສ່ວນ​ຕ່າງໆຂອງ​ສອງ​ພັກ​ສອງ​ລັດກໍ​ຄື​ ທ້ອງ​ຖິ່ນ​ແລະ​ປະຊາຊົນສອງ​ຊາດ, ປົກ​ປັກ​ຮັກສາ​ສັນຕິພາບ​ແລະ​ສະຖຽນ​ລະ​ພາບ​ທາງ​ທະ​ເລ, ຊຸກຍູ້​ສາຍ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ​ຫວຽດນາມ-ຈີນ​ໃຫ້​​ ພັດທະນາ​ຢ່າງ​ປອດ​ໃສ​ໝັ້ນ​ທ່ຽງ​ແລະ​ຕໍ່​ເນື່ອງ ​ເພື່ອ​ປະກອບສ່ວນ​ເຂົ້າ​ໃນ​ສັນຕິພາບ,ສະຖຽນ​ລະ​ພາບ​ແລະ​ຄວາມ​ຈະ​ເລີ​ນຮຸ່ງ​ເຮືອງ​ຂອງ​ພາກ​ພື້ນ​ນີ້​ກໍ​ຄື​ຂອງ​​ໂລກ.

ທ່ານ ສີຈິ້ນ​ຜິ​ງ ກ່າວ​ເນັ້ນ​ວ່າ, ຈີນ​ຍິນ​ດີ​ຮ່ວມ​ກັບ​ຫວຽດນາມສືບ​ຕໍ່​ຍຶດໝັ້ນ​ທິດ​ທາງ “​ໝັ້ນຄົງຍາວ​ນານ,ອວ່າຍໜ້າ​ໄປສູ່ອະນາຄົດ, ມີ​ໄມຕີຈິດ​ຖານ​ບ້ານ​ໃກ້​ເຮືອນຄ​ຽງ ​ແລະ​ ດໍາເນີນ​ການ​ຮ່ວມ​ມື​ຢ່າງຮອບດ້ານ” ​ແລະ ຈິດ​ໃຈ “ບ້ານ​​ໃກ້​ເຮືອນ​ຄຽງ​ທີ່​ດີ, ​ເພື່ອນ​ມິດ​ທີ່​ດີ, ສະຫາຍ​ທີ່​ດີ ​ແລະ ໝູ່ຄູ່​ທີ່​ດີ”, ​ເພີ່ມ​ທະວີ​ມູນ​ເຊື້ອ​ການ​ໄປມາຫາສູ່​ກັນ​ລະຫວ່າງ​ການ​ນຳ​ຂັ້ນ​ສູງ​, ​ເພີ່ມ​ທະວີ​ຄວາມ​ໄວ້​ເນື້ອ​ເຊື່ອ​ໃຈ​ດ້ານ​ການ​ເມືອງກໍ​ຄືການ​ແລກປ່ຽນ​​ການ​ກໍ່ສ້າງ​ພັກ ທັງຊຸກຍູ້​ການ​ຮ່ວມ​ມື​ທີ່​ຕິດ​ແທດ​ຕົວ​ຈິງ, ​ແກ້​ໄຂ​ຄວາມ​ຂັດ​ແຍ່ງທີ່​ກ່ຽວຂ້ອງກັນ​ຢ່າງ​ເໝາະ​ສົມ, ​ເພື່ອ​ຊຸກຍູ້​ສາຍ​ພົວພັນ​ຄູ່​ຮ່ວມ​ມື​ຍຸ​ທະ​ສາດ​ຮອບດ້ານ​ຈີນ-ຫວຽດນາມ​ໃຫ້​ ໄດ້​ຮັບ​ການ​ພັດທະນາ​ຢ່າງ​ປອດ​ໃສ​ໝັ້ນ​ທ່ຽງ​ແລະ​ຕໍ່​ເນື່ອງ​.

ທີ່ມາ:logo

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...