ຊີເອັນເອັນ ມັນນີ ລາຍງານວ່າ ອີຣານວາງແຜນຈະເພີ່ມກຳລັງການຜະລິດນໍ້າມັນຈຳນວນ 1 ລ້ານບາເຣລຕໍ່ວັນ ໃນຕະຫຼາດໂລກ ຊຶ່ງມີການສະໜອງລົ້ນຕະຫຼາດຢູ່ແລ້ວ.
ຕະຫຼາດນໍ້າມັນໂລກຕ້ອງຕິດຕາມແບບໜ້າກັງວົນອີກເທື່ອໜຶ່ງ ເມື່ອອີຣານກຽມກັບມາຜະລິດນໍ້າມັນເຂົ້າສູ່ຕະຫຼາດໂລກ ຫຼັງຈາກປະເທດຖືກຫຼຸດຜ່ອນມາດຕະຖານຄວ້ຳບາດ ຫຼັງຈາກເຈລະຈາກໍລະນີອາວຸດນິວເຄລຍກັບປະເທດມະຫາອຳນາດທັງຫຼາຍແລ້ວ.
ຢ່າງໃດກໍຕາມ ນໍ້າມັນໂລກຂະນະນີ້ມີການສະໜອງລົ້ນຕະຫຼາດ ແລະລາຄາຕໍ່ບາເຣລໄດ້ຫຼຸດລົງເຖິງ 70% ມາຕັ້ງແຕ່ກາງປີ 2014 ແລ້ວ ແລະສົ່ງຜົນໃຫ້ເສດຖະກິດຂອງຫຼາຍໆປະເທດທີ່ເປັນຜູ້ຜະລິດນໍ້າມັນໄດ້ຮັບຜົນກະທົບ.
ທັງນີ້ ກ່ອນໜ້ານີ້ 5 ໃນ 13 ປະເທດຂອງກຸ່ມຜູ້ຜະລິດນໍ້າມັນ ໂອເປັກ ໄດ້ແກ່ ຊາອຸດິອາຣະບີ, ກູເວດ, ຢູເອອີ, ກາຕາ ແລະ ຣັດເຊຍ ໄດ້ປະຊຸມກັນໃນຊ່ວງເດືອນກຸມພາທີ່ຜ່ານມາ ເຖິງກໍລະນີລາຄານໍ້າມັນທີ່ຕົກລົງຂະນະນີ້ວ່າ ຈະຮັກສາກຳລັງການຜະລິດໄວ້ໃຫ້ຄົງທີ່ເທົ່າເດືອນມັງກອນ 2016 ເທົ່າເດີມ.
ແຕ່ທາງອີຣານໄດ້ປະຕິເສດທີ່ຈະຜະລິດນໍ້າມັນເທົ່າເດີມ ໂດຍໄລຍະອາທິດທີ່ຜ່ານມາ ທ່ານ ໄບຈັນ ແຊນເຈເນ ລັດຖະມົນຕີກະຊວງນໍ້າມັນຂອງອີຣານ ໄດ້ອອກມາກ່າວວ່າ ຄວາມຄິດທີ່ຈະຜະລິດນໍ້າມັນເທົ່າເດີມຂອງຊາອຸດິອາຣະບີນັ້ນເປັນ ເລື່ອງຕະຫຼົກ.
ການອອກມາປະກາດຜະລິດນໍ້າມັນເພີ່ມຂອງອີຣານຄັ້ງນີ້ ຈິ່ງມີຜົນຢ່າງຍິ່ງຕໍ່ຕະຫຼາດນໍ້າມັນໂລກ ແລະການແຂ່ງຂັນລະຫວ່າງອີຣານກັບຊາອຸດິອາຣະບີ ທີ່ພະຍາຍາມຕໍ່ກອນທາງເສດຖະກິດ ແລະ ການເມືອງລະຫວ່າງປະເທດ.