ສຳນັກຂ່າວຕ່າງປະເທດ ລາຍງານໃນວັນທີ 29 ກຸມພາຜ່ານມານີ້ວ່າ ຈີນຂຶ້ນແທ່ນເປັນປະເທດ ທີ່ມີເສັ້ນທາງລົດໄຟ ຄວາມໄວສູງ ຍາວທີ່ສຸດໃນໂລກ ດ້ວຍໄລຍະທາງລວມກັນ ຍາວກວ່າ 19,000 ກິໂລແມັດ ຕາມສະຖິຕິເມື່ອທ້າຍປີ 2015 ຜ່ານມາ ຊຶ່ງກວມເອົາອັດຕາສ່ວນ 60% ຂອງທາງລົດໄຟທີ່ມີຢູ່ໃນໂລກ.
ທັງນີ້ ເນື່ອງຈາກບັນດາບໍລິສັດຂອງຈີນ ໄດ້ເລັ່ງພັດທະນາຂີດຄວາມສາມາດ ໃນການຍົກລະດັບຂຶ້ນສູ່ ການເປັນຜູ້ນຳດ້ານການກໍ່ສ້າງທາງລົດໄຟຂອງໂລກ ເຖິງແມ່ນວ່າຈະປະສົບກັບ ສະພາບພູມສັນຖານທີ່ບໍ່ອຳນວຍ ແຕ່ກໍສາມາດອອກແບບ ໃຫ້ສາມາດແລ່ນໄປສູ່ຂອບເຂດທົ່ວປະເທດ ເຂົ້າກັບສະພາບເງື່ອນໄຂພູມສັນຖານ ແລະ ພູມອາກາດຂອງແຕ່ລະທ້ອງຖິ່ນ ຊຶ່ງແຕກຕ່າງກັນອອກໄປ.
