ພະແນກສຶກສາທິການ ແລະ ກິລາ ນະຄອນຫລວງວຽງຈັນ ໃຫ້ຮູ້ວ່າ: ການສອບເສັງນັກຮຽນເກັ່ງໃນລະດັບຕ່າງໆແມ່ນປະຕິບັດຕາມຂໍ້ແຂ່ງຂັນສອນດີ, ສອນເກັ່ງ ທີ່ກະຊວງສຶກສາທິການ ແລະ ກິລາກຳນົດໄວ້, ທັງເປັນການກະຕຸກຊຸກຍູ້ຂະບວນການສຶກສາຮ່ຳຮຽນ ແລະ ຍົກລະດັບການສຶກສາຂອງນັກຮຽນໃຫ້ນັບມື້ດີຂຶ້ນເທື່ອລະກ້າວ ໃຫ້ກ້າວໄປສູ່ລະດັບສາກົນ ແລະ ພາກພື້ນໂດຍໄວ.
ມາຮອດປັດຈຸບັນ ການຈັດສອບເສັງນັກຮຽນເກັ່ງຂັ້ນເມືອງ ແມ່ນສຳເລັດແລ້ວ ແລະ ຈະມີພິທີສະຫລຸບໃນໄວໆນີ້, ສ່ວນການສອບເສັງຂັ້ນນະຄອນຫລວງ ແມ່ນຈະມີຂຶ້ນໃນວັນທີ 15 ມີນາທີ່ຈະເຖິງນີ້ ເພື່ອເລືອກເອົານັກຮຽນເກັ່ງ, ຜູ້ທີ່ມີຄະແນນສູງສຸດຈາກ 9 ເມືອງທົ່ວນະຄອນຫລວງ ເປັນຕົວແທນໄປສອບເສັງນັກຮຽນເກັ່ງລະດັບປະເທດ.
ການສອບເສັງນັກຮຽນເກັ່ງ ແມ່ນການວັດຄວາມຮູ້, ຄວາມສາມາດຂອງນັກຮຽນແຕ່ລະຄົນ ເພື່ອເລັ່ງປັບປຸງຄຸນນະພາບຂອງນັກຮຽນໃຫ້ດີຂຶ້ນເລື້ອຍໆ.
ແຫລ່ງຂ່າວ:
