spot_img
Homeຂ່າວພາຍ​ໃນນະຄອນກຽວໂຕະ ໃຫ້ທຶນສ້າງສະຖາປັດຕະຍາກຳຊົງບານເຕະ

ນະຄອນກຽວໂຕະ ໃຫ້ທຶນສ້າງສະຖາປັດຕະຍາກຳຊົງບານເຕະ

Published on

20140425172522

 

ພິທີ​ວາງ​ສີ​ລາ​ລຶກ​ໂຄງການ​ກໍ່ສ້າງ ສະ​ຖາ​ປັດ​ຕະ​ຍາ​ກຳ​ຊົງ​ບານເຕະ (ຊື່​ຊົ່ວຄາວ) ໄດ້​ມີ​ຂຶ້ນ​ວັນ​ທີ 25 ເມສາ 2014 ຢູ່​ສະຫະພັນ​ບານເຕະ​ແຫ່ງ​ຊາດ​ລາວ (ຫ້ວຍ​ຫົງ) ໂດຍ​ມີ​ທ່ານ ສາຍທອງ ແກ້ວ​ດວງ​ດີ ຮອງ​ເຈົ້າ​ຄອງ​ນະຄອນຫຼວງ​ວຽງ​ຈັນ ທ່ານ ໄດ​ຊາ​ກຶ ຄາ​ໂດ​ຄາ​ວະ ເຈົ້າ​ຄອງ​ນະຄອນ​ກຽວ​ໂຕະ ປະເທດ​ຍີ່ປຸ່ນ ທ່ານ ສົມ​ພູ ພົງສາ ຜູ້​ຊ່ວຍ​ລັດຖະມົນຕີ ກະຊວງ​ສຶກ​ສາ​ທິ​ການ ແລະ ກີລາ ທ່ານ ປະສິດ ສຸພາບ ຮອງ​ປະທານ​ສະຫະພັນ​ບານເຕະ​ແຫ່ງ​ຊາດ​ລາວ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ໂຄງການ​ກໍ່ສ້າງ​ສະຖາປັດຕະຍະກຳ​ຊົງ​ບານເຕະ ເປັນ​ໂຄງການ​ຊ່ວຍເຫຼືອ​ຂອງ​ນະຄອນ​ກຽວ​ໂຕະ ມູນ​ຄ່າ 150.000 ໂດ​ລາ​ສະຫະລັດ ຫຼື ປະມານ 1,206 ຕື້​ກີບ ເປັນ​ໜຶ່ງ​ໃນ​ບັນດາ​ໂຄງການ​ເສີມ​ສ້າງ​ສາຍ​ພົວພັນ​ມິດຕະພາບ ລະຫວ່າງ​ສອງ​ນະຄອນ (ນະຄອນຫຼວງ​ວຽງ​ຈັນ ແລະ ນະຄອນ​ກຽວ​ໂຕະ ໃນ​ນາມ​ເປັນ​ນະຄອນ​ຄູ່​ຮ່ວມ​ງານ​ໃນຕໍ່ໜ້າ) ກໍ່​ຄື​ການ​ກະກຽມ​ສະເຫຼີມສະຫຼອງ ວັນ​ສ້າງຕັ້ງ​ສາຍ​ພົວພັນ​ການ​ທູດ​ລະຫວ່າງ ລາວ-ຍີ່ປຸ່ນ ໂດຍ​ສະຖາປັດຕະຍະກຳ​ນີ້ ຈະ​ສ້າງ​ຂຶ້ນ​ເປັນ​ຮູບ​ໜ່ວຍ​ບານ ມີ​ເສັ້ນ​ຜ່າ​ສູນ​ກາງ 10 ແມັດ ສູງ 6 ແມັດ ເຊິ່ງ​ອອກ​ແບບ​ໂດຍ​ນັກ​ວິສະວະກອນ​ຂອງ Ritsumeikan University ປະເທດ​ຍີ່ປຸ່ນ ຈະ​ໃຊ້​ເວລາ​ໃນ​ການ​ກໍ່ສ້າງ 5 ເດືອນ (ພຶດສະພາ-ກັນຍາ 2014).

ຈຸດປະສົງ​ການ​ກໍ່ສ້າງ​ໂຄງການ​ນີ້ ເພື່ອ​ເປັນ​ສັນຍະລັກ​ຂອງ​ການ​ແລກປ່ຽນ ລະຫວ່າງ​ລາວ ແລະ ຍີ່ປຸ່ນ ທັງ​ແນໃສ່​ສ້າງ​ອະນາຄົດ​ອັນ​ສົດ​ໄສ​ໃຫ້​ແກ່​ເດັກນ້ອຍ​ລາວ ໂດຍ​ການ​ນຳ​ໃຊ້​ສະຖານທີ່​ນີ້ ເປັນ​ບ່ອນ​ສ້າງ​ຄວາມ​ຝັນ​ຂອງ​ເຂົາເຈົ້າ ຜ່ານ​ການ​ເຕະບານ ນອກ​ນີ້​ຍັງ​ຈະ​ນຳ​ໃຊ້​ເປັນ​ບ່ອນ​ເຝິກຊ້ອມ​ໃຫ້​ຄຳ​ແນະນຳ ແລະ ເປັນ​ສະຖານທີ່​ໃຫ້ການ​ສຶກ​ສາ​ດ້ານ​ກີລາ​ອີກ​ດ້ວຍ.

ຂ່າວ​ຍັງ​ແຈ້ງ​ໃຫ້​ຮູ້​ຕື່ມ​ອີ​ກວ່າ: ຕອນ​ຄ່ຳ​ວັນ​ດຽວ​ກັນ​ນີ້ ຢູ່​ໂຮງແຮມ​ລາວ​ພລາ​ຊາ ທ່ານ ສຸ​ກັນ ມະຫາລາດ ເຈົ້າ​ຄອງ​ນະຄອນຫຼວງ​ວຽງ​ຈັນ ພ້ອມ​ດ້ວຍ​ຄະນະ ຍັງ​ໄດ້​ຈັດ​ງານ​ລ້ຽງ​ສົ່ງ​ເປັນ​ກຽດ​ໃຫ້​ແກ່ ຄະນະ​ຜູ້​ແທນ​ຂັ້ນ​ສູງ​ນະຄອນ​ກຽວ​ໂຕະ ນຳ​ໂດຍ​ທ່ານ ໄດ​ຊາ​ກຶ ຄາ​ໂດ​ຄາ​ວະ ເຈົ້າ​ຄອງ​ນະຄອນ​ກຽວ​ໂຕະ ພ້ອມ​ດ້ວຍ​ຄະນະ ທີ່​ໄດ້​ໄດ້​ສິ້ນ​ສຸດ​ການ​ຢ້ຽມຢາມ​ນະຄອນຫຼວງ​ວຽງ​ຈັນ ໂດຍ​ໂອກາດ​ນີ້ ທັງ​ທ່ານ​ເຈົ້າ​ຄອງ​ນະຄອນຫຼວງ​ວຽງ​ຈັນ ກໍ​ໄດ້​ຕີ​ລາຄາ​ສູງ​ຕໍ່​ຜົນສຳເລັດ​ການ​ມາ​ຢ້ຽມຢາມ ຂອງ​ຄະນະ​ຜູ້​ແທນ​ນະຄອນ​ກຽວ​ໂຕະ ພ້ອມ​ທັງ​ໄດ້​ອວຍພອນ​ໃຫ້​ຄະນະ​ຜູ້​ແທນ​ດັ່ງກ່າວ ເດີນທາງ​ກັບ​ຄືນ​ປະ​ເທ​ດ້ວຍ​ຄວາມ​ສະຫວັດດີ​ພາບ ສ່ວນ​ການ​ພົວພັນ​ຮ່ວມ​ມື​ວຽກ​ງານ​ຕ່າງໆ ໃນ​ນາມ​ເປັນ​ນະຄອນ​ຄູ່​ຮ່ວມ​ງານ​ໃນຕໍ່ໜ້າ ທັງ​ສອງ​ຝ່າຍ​ຈະ​ໄດ້​ຄົ້ນຄວ້າ​ເພື່ອ​ຊອກ​ຫາ​ຊ່ອງ​ທາງ ໃນ​ການ​ຮ່ວມ​ມື​ກັນ​ຢ່າງ​ເປັນ​ຮູບ​ປະ​ທຳ.

ທີ່ມາ http://www.vientianemai.net/teen/khao/1/11654

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...