ສຳນັກຂ່າວຕ່າງປະເທດ ລາຍງານໃນວັນທີ 25 ກຸມພາຜ່ານມານີ້ວ່າ ຈາກຜົນຂອງການວິໄຈພົບ ນະຄອນຫລວງປັກກິ່ງ ແຫ່ງ ສາທາລະນະລັດປະຊາຊົນຈີນ ໄດ້ກາຍເປັນເມືອງຫລວງຂອງອະພິມະຫາເສດຖີ ລະດັບພັນລ້ານ ຫລື ຕື້ໂດລາ ຫລາຍເປັນອັນດັບໜຶ່ງຂອງໂລກ ແຊງໜ້າມະຫານະຄອນນິວຢອກ ຂອງສະຫະລັດອາເມຣິກາ ໂດຍນະຄອນຫລວງປັກກິ່ງ ມີອະພິມະຫາເສດຖີ 100 ຄົນ ໃນຂະນະທີ່ມະຫານະຄອນນິວຢອກ ມີ 95 ຄົນ ຊຶ່ງຕົວເລກດັ່ງກ່າວສະແດງໃຫ້ເຫັນວ່າ ນະຄອນຫລວງປັກກິ່ງຂອງຈີນ ມີອະພິມະຫາເສດຖີ ເພີ່ມຂຶ້ນຈາກປີຜ່ານມາເຖິງ 32 ຄົນ ໃນຂະນະທີ່ນິວຢອກ ເພີ່ມຂຶ້ນພຽງ 4 ຄົນ.

ອັນດັບທີ 3 ຖັດລົງມາ ແມ່ນນະຄອນຫລວງມົດສະກູຂອງຣັດເຊຍ ມີອະພິມະຫາເສດຖີຕື້ໂດລາ 66 ຄົນ, ສ່ວນເຂດບໍລິຫານພິເສດ ຮົງກົງ ຂອງຈີນ ຕິດອັນດັບທີ 4 ມີຈຳນວນ 64 ຄົນ ແລະ ນະຄອນຊຽງໄຮ້ຂອງຈີນ ຕິດອັນດັບທີ 5 ໃນຈຳນວນ 55 ຄົນ.