spot_img
Homeຂ່າວການພັດທະນາອີຢູສະໜອງທຶນ 7 ລ້ານເອີໂຣ ແກ່ໂຄງການຂອງອົງການຈັດຕັ້ງສັງຄົມ ແລະ ອົງການປົກຄອງທ້ອງຖິ່ນ

ອີຢູສະໜອງທຶນ 7 ລ້ານເອີໂຣ ແກ່ໂຄງການຂອງອົງການຈັດຕັ້ງສັງຄົມ ແລະ ອົງການປົກຄອງທ້ອງຖິ່ນ

Published on

ສະຫະພາບເອີຣົບ (ອີຢູ) ຈະສະໜອງວົງເງິນ7 ລ້ານເອີໂຣ, ໂດຍຜ່ານການຂຽນບົດສະເໜີຂໍໂຄງການ ເພື່ອເຂົ້າຮ່ວມຄັດເລືອກ ໃນການສະໜັບສະໜູນບັນດາໂຄງການລິເລີ່ມຂອງ ອົງການຈັດຕັ້ງສັງຄົມ ແລະ ອົງການປົກຄອງທ້ອງຖີ່ນ ທີ່ປະກອບສ່ວນເຂົ້າໃນການຫຼຸດຜ່ອນຄວາມທຸກຍາກໃນ ສປປ ລາວ, ເຊິ່ງເປົ້າໝາຍຂອງແຜນງານນີ້ ແມ່ນເພື່ອຍົກສູງຄວາມສາມາດ ອົງການຈັດຕັ້ງທາງສັງຄົມຂອງລາວ ແລະ ອົງການປົກຄອງທ້ອງຖີ່ນ ໃນການປະກອບສ່ວນ ເຂົ້າໃນການລືບລ້າງຄວາມທຸກຍາກ ແລະ ບັນລຸເປົ້າໝາຍແຫ່ງການພັດທະນາຂອງຊາດ.

ວົງເງິນສ່ວນທຳອິດຈຳນວນ 6,4 ລ້ານເອີໂຣ, ຈະສະໜອງໃຫ້ແກ່ໂຄງການຂອງອົງການຈັດຕັ້ງທາງສັງຄົມ, ສ່ວນອີກ 6 ແສນເອີໂຣ ແມ່ນຈະສະໜອງໃຫ້ແກ່ ບັນດາໂຄງການຂອງອຳນາດການປົກຄອງທ້ອງຖິ່ນໃນລາວ.

ທ່ານ ມີແຊນ ໂກແຟງ ອຸປະທູດອີຢູ ກ່າວໃນກອງປະຊຸມແຈ້ງການຊ່ວຍເຫຼືອ ທີ່ເຂົ້າຮ່ວມໂດຍຜູ້ຕາງໜ້າອົງການຈັດຕັ້ງທາງສັງຄົມ ແລະ ອົງການປົກຄອງທ້ອງຖີ່ນວ່າ: ສະຫະພາບເອີຣົບ ມີຄວາມໝຸ້ງໝັ້ນ ໃນການປັບປຸງສະພາບແວດລ້ອມທີ່ເອື້ອອຳນວຍ ແລະ ຄວາມສາມາດ ແກ່ອົງການຈັດຕັ້ງທາງສັງຄົມ ແລະ ອົງການປົກຄອງທ້ອງຖິ່ນໃນທົ່ວໂລກ ກໍຄືໃນລາວຜ່ານແຜນງານນີ້, ພວກເຮົາເຊື່ອວ່າ ບົດບາດຂອງອົງການຈັດຕັ້ງທາງສັງຄົມ ແລະ ອຳນາດການປົກຄອງທ້ອງຖີ່ນ ແມ່ນມີຄວາມສຳຄັນ ຕໍ່ການປະກອບສ່ວນເຂົ້າໃນການພັດທະນາປະເທດ, ໂດຍສະເພາະແມ່ນ ພາລະກິດໃນການຫຼຸດຜ່ອນຄວາມທຸກຍາກ.

ການປະກອບສ່ວນຂອງອົງການຈັດຕັ້ງທາງສັງຄົມ ແກ່ການບັນລຸເປົ້າໝາຍສະຫັດສະວັດ ໄດ້ຮັບການຍອມຮັບຈາກລັດຖະບານລາວ, ການມີສ່ວນຮ່ວມຂອງເຂົາເຈົ້າ ໃນຂະແໜງການພັດທະນາ ໄດ້ນຳເອົາການປ່ຽນແປງອັນສຳຄັນ ກ້າວໄປສູ່ການບັນລຸເປົ້າໝາຍສະຫັດສະວັດ ເພື່ອການພັດທະນາ(MDGs) ລວມທັງການສ້າງຄວາມສາມາດ ໃຫ້ແກ່ອົງການຈັດຕັງທາງສັງຄົມຂອງລາວ ແລະ ອຳນາດການປົກຄອງທ້ອງຖີ່ນອີກດ້ວຍ.

ອົງການຈັດຕັ້ງທີ່ສາມາດຂໍທຶນ ພາຍໃຕ້ກອບແຜນງານນີ້ປະກອບມີ: ອົງການຈັດຕັ້ງທັງສັງຄົມຂອງເອີຣົບ ແລະ ຂອງລາວ ແລະ ອຳນາດການປົກຄອງທ້ອງຖິ່ນ. ນອກນີ້ ອີຢູຍັງຈະໄດ້ຈັດການຝຶກອົບຮົມ ກ່ຽວກັບວິທີຂຽນບົດສະເໜີຂໍທຶນໂຄງການ ຈາກສະຫະພາບເອີຣົບ ເພື່ອຊ່ວຍໃຫ້ບັນດາອົງການຈັດຕັ້ງທາງສັງຄົມ ແລະ ພະນັກງານຂອງອົງການປົກຄອງທ້ອງຖີ່ນ ສາມາດຂຽນບົດຂໍໂຄງການໄດ້ຢ່າງມີປະສິດທິພາບ ແລະ ຖືກຕ້ອງຕາມເງື່ອນໄຂຕ່າງໆທີ່ກຳນົດໄວ້.

ບັນດາກິດຈະກຳພາຍໃຕ້ກອບແຜນງານ ສຳລັບອົງການຈັດຕັ້ງທາງສັງຄົມ ແລະ ອຳນາດການປົກຄອງທ້ອງຖິ່ນນີ້, ຈະຊ່ວຍຊຸກຍູ້ແຜນງານການຮ່ວມມື ຂອງສະຫະພາບເອີຣົບໃນລາວ, ເຊິ່ງກວມເອົາສາມຂະແໜງການຫຼັກຄື: ການປົກຄອງ, ໂພຊະນາການ ແລະ ການສຶກສາ.  ແຜນງານນີ້, ໄດ້ເລີ່ມຕົ້ນໃນລາວແຕ່ປີ 2007 ເປັນຕົ້ນມາ ແລະ ປັດຈຸບັນກໍໄດ້ສະໜອງທຶນໄປແລ້ວຫຼາຍກ່ວາ 15 ໂຄງການ ທີ່ພວມຈັດຕັ້ງປະຕິບັດ ເພື່ອປະກອບສ່ວນ ເຂົ້າໃນການບັນລຸເປົ້າໝາຍແຫ່ງການພັດທະນາໃນລາວ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...