Homeຂ່າວພາຍ​ໃນຮ່ວມສະຫຼອງບຸນພະທາດສີໂຄດຕະບອງ

ຮ່ວມສະຫຼອງບຸນພະທາດສີໂຄດຕະບອງ

Published on

ໃນລະຫວ່າງວັນທີ 19-22 ກຸມພາຜ່ານມາໄດ້ ມີງານຕະຫລາດນັດວາງສະແດງສິນຄ້າໃນງານບຸນນະມັດສະການພະທາດສີໂຄດຕະບອງປະຈຳປີ 2016 ນີ້ ກໍເປັນກິດຈະກຳໜຶ່ງທີ່ສ້າງໃຫ້ງານບຸນດັ່ງກ່າວມີຄວາມຟົດຟຶ້ນມ່ວນຊຶ່ນ ມີຄວາມໝາຍຄວາມສຳຄັນ ແລະເປັນທີ່ໜ້າສົນໃຈໃຫ້ແກ່ພໍ່ແມ່ປະຊາຊົນທີ່ເຂົ້າມາທ່ຽວໃນງານບຸນ ໂດຍເຂົ້າຮ່ວມໃນພິທີເປີດພ້ອມລັ່ນຄ້ອງ 9 ບາດເພື່ອເປັນສິລິມຸງຄຸນໂດຍ ທ່ານ ໂອໄດ ສຸດາພອນ ເຈົ້າແຂວງໆຄຳມ່ວນ, ມີບັນດາການນຳຂັ້ນແຂວງ, ຂັ້ນເມືອງ, ຫົວໜ້າ-ຮອງຫົວໜ້າພະແນກ, ບັນດາພາກສ່ວນທຸລະກິດທັງພາຍໃນ ແລະຕ່າງປະເທດ, ຕະຫລອດຮອດພໍ່ແມ່ປະຊາຊົນບັນດາເຜົ່າຊາວແຂວງຄຳມ່ວນເຂົ້າຮ່ວມ.

ງານຕະຫລາດນັດວາງສະແດງສິນຄ້າໃນຄັ້ງນີ້ຈັດຂຶ້ນ ເພື່ອເປັນການສົ່ງເສີມການຜະລິດເປັນສິນຄ້າຂອງປະຊາຊົນບັນດາເຜົ່າ ໃນທົ່ວແຂວງ, ທັງເປັນການເປີດໂອກາດໃຫ້ທຸກພາກສ່ວນທຸລະກິດພາກລັດ, ພາກເອກະຊົນ, ທັງພາຍໃນ ແລະຕ່າງປະເທດ ໄດ້ນຳເອົາຜະລິດຕະພັນຂອງຕົນມາວາງສະແດງ ເພື່ອໂຄສະນາຂາຍເປັນສິນຄ້າມີໂອກາດພົບປະແລກປ່ຽນບົດຮຽນເຊິ່ງກັນ ແລະກັນ, ສິ່ງສຳຄັນອີກຢ່າງໜຶ່ງ ແມ່ນເພື່ອເປັນການຊຸກຍູ້ໃຫ້ວຽກງານການຄ້າ, ການຜະລິດເປັນສິນຄ້າຕິດພັນ ກັບຕະຫລາດ ແລະສາມາດ ເຊື່ອມໂຍງກັບບັນດາປະເທດໃນອານຸພາກພື້ນກໍຄື ສາກົນໃຫ້ນັບມື້ນັບກວ້າງຂວາງ.

ຊຶ່ງມີພາກສ່ວນຕ່າງໆ ເຂົ້າມາຮ່ວມວາງສະແດງ ແລະຂາຍສິນຄ້າມີຈຳນວນທັງໝົດ 320 ຮ້ານ, ປະກອບມີສິນຄ້າຜະລິດຕະພັນກະສິກຳ, ເຄື່ອງຫັດຖະກຳ-ຕໍ່າແຜ່ນ,ຈັກສານ, ເຄື່ອງປັ້ນດິນເຜົາ, ເຄື່ອງໃຊ້ຄົວເຮືອນ, ເຄື່ອງເຟີນີເຈີ, ຜະລິດຕະພັນໄມ້ ແລະອື່ນໆພ້ອມທັງ ສິນຄ້າໂອ ດ໋ອບ ລາວ-ໄທ ແລະຈາກແຂວງໃກ້ຄຽງ ຊຶ່ງລວມມູນຄ່າສິນຄ້າທັງໝົດ 16 ຕຶ້ກີບ. ໄປພ້ອມໆກັບງານວາງສະແດງ ແລະຂາຍສິນຄ້າແລ້ວໃນງານດັ່ງກ່າວຍັງໄດ້ມີການແຂ່ງຂັນກິລາບານສົ່ງຍິງ-ຊາຍ ພ້ອມທັງມີການແຫ່ຜາສາດເຜີ້ງ ແລະພິທີທາງພຸດທະສາສະໜາ ຊຶ່ງກົງກັບວັນມາຄະບູຊາໃນມື້ເດືອນ 3 ເພັງ ອອກໃໝ່ 15 ຄໍ່າ ແລະມີການຄົບງັນຕາມຮີດຄອງປະເພນີລາວຢ່າງເບີກບານມ່ວນຊື່ນ.

ພ້ອມດຽວກັນນັ້ນໃນ ວັນທີ 22 ກຸມພາ 2016 ກໍເປັນມື້ໃສ່ບາດຖວາຍສັງກະ ທານໃນງານບຸນນະມັດສະການພະທາດສີໂຄດຕະບອງ ຊຶ່ງມີການນຳຂັ້ນແຂວງ, ຂັ້ນເມືອງ, ຊາວພຸດທະສາສະນິກະຊົນທັງພາຍໃນ ແລະຕ່າງປະເທດ ພ້ອມໃຈກັນເຂົ້າສູ່ບໍລິເວນເດີ່ນພະທາດເພື່ອໃສ່ບາດຖວາຍສັງຄະທານແກ່ພະສົງສາມະເນນ ດ້ວຍຈິດໃຈໄສສັດທາ ໂດຍມີບັນດາການນຳທີ່ເຂົ້າຮ່ວມໃນພິທີໃສ່ບາດໃນຄັ້ງນີ້ມີທ່ານ ຄຳໃບ ດຳລັດ ວ່າການປະທານສູນກາງແນວລາວສ້າງຊາດ, ທ່ານ ໂອໄດ ສຸດາພອນ ເຈົ້າແຂວງຄຳມ່ວນ, ມີບັນດາທ່ານໃນຄະນະນຳຂອງແຂວງ ຕະ
ຫຼອດຮອດພໍ່ແມ່ປະຊາຊົນລາວບັນດາເຜົ່າຊາວແຂວງຄຳມ່ວນກໍຄືຊາວພຸດທະສາສະນິກະຊົນທົ່ວໄປ ເຮັດໃຫ້ເດີ່ນພະທາດສີໂຄດຕະບອງໜາແໜ້ນໄປດ້ວຍມວນຊົນ.

ທີ່ມາ: ນສພ ເສດຖະກິດ-ສັງຄົມ

logo

ບົດຄວາມຫຼ້າສຸດ

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...

ຕິດຕາມ ກວດກາ ແລະ ຄຸ້ມຄອງຢ່າງເຂັ້ມງວດ ຕໍ່ບັນດາໂຄງການຂຸດຄົ້ນ ແລະ ປຸງແຕ່ງແຮ່ທາດ-ເງິນ

ໃນໄລຍະ 9 ເດືອນຜ່ານມາ ຂອງປີ 2026, ນະຄອນຫຼວງວຽງຈັນ ສາມາດຈັດຕັ້ງປະຕິບັດການສົ່ງອອກຜະລິດຕະພັນແຮ່ທາດ ບັນລຸໄດ້ 146,878.81 ໂຕນ, ຄິດເປັນ 41.91% ຂອງແຜນການປີ. ຂໍ້ມູນດັ່ງກ່າວ...