ໃນງານ MWC 2016 ທີ່ເມືອງບາເຊໂລນາ (Barcelona) ປະເທດສະເປນ ເຊິ່ງທາງບໍລິສັດ Oppo ກໍໄດ້ມີການຈັດງານຖະແຫຼງຂ່າວພິເສດເພື່ອເປີດໂຕຄຸນສົມບັດໃໝ່ນັ້ນກໍຄື Super VOOC ເຊິ່ງເປັນຄຸນສົມບັດໃໝ່ທີ່ມີການອັບເກຣດມາຈາກ VOOC ໂຕເກົ່າ. ແຕ່ສິ່ງທີ່ໜ້າເສຍດາຍກໍຄື ທາງບໍລິສັດ Oppo ຍັງບໍ່ມີອຸປະກອນທີ່ໃຊ້ທົດສອບໃຫ້ເບິ່ງ (ມີພຽງລຸ້ນຕົ້ນແບບເທົ່ານັ້ນ). ທາງບໍລິສັດ Oppo ຍັງບອກວ່າຈະເພີ່ມຄຸນສົມບັດ Super VOOC ນີ້ໃຫ້ຮອງຮັບກັບສະມາດໂຟນໃນອະນາຄົດ ຖ້າຫາກວ່າເທັກໂນໂລຢີມີຄວາມພ້ອມຫຼາຍກວ່ານີ້ອີກນຳ.
ສຳລັບຄຸນສົມບັດ Super VOOC ແມ່ນຮອງຮັບໄດ້ທັງພອຣດ microUSB ແລະ USB Type-C ມີຄວາມສາມາດໃນການສາກແບັດເຕີຣີຄວາມບັນຈຸຂະໜາດ 2,500 mAh ໃຫ້ເຕັມໄດ້ໃນເວລາພຽງແຕ່ 15 ນາທີ ແລະ ສາມາດສາກໄດ້ 45% ພາຍໃນ 5 ນາທີ. ແຕ່ວ່າສິ່ງທີ່ຈຳເປັນສຳລັບການໃຊ້ງານຄືຕ້ອງໃຊ້ຮ່ວມກັນກັບປລັກ Super VOOC Flash Charger ເຊິ່ງເຮັດມາດ້ວຍສາຍເຄເບີ້ນທີ່ມີຄວາມພິເສດ ແລະ ວັດສະດຸ military-grade ທີ່ມີຄຸນນະພາບສູງ.
ຄຸນສົມບັດ Super VOOC ນັ້ນມີການຈ່າຍໄຟທີ່ 5V ແຕ່ວ່າມັນມີຄວາມສາມາດທີ່ຈະສົ່ງກະແສໄຟເຂົ້າໄປທີ່ແບັດເຕີຣີໂດຍກົງເລີຍໂດຍທີ່ບໍ່ຕ້ອງແປງກະແສໄຟຟ້າໃດໆ. ເຊິ່ງວິທີນີ້ເອງສາມາດສາກແບັດເຕີຣີໃຫ້ຮອດ 97% ໄດ້ຢ່າງມີປະສິດທິພາບ.
ຢ່າງໃດກໍຕາມເທັກໂນໂລຢີດັ່ງກ່າວຍັງຢູ່ໃນຊ່ວງທົດລອງຢູ່ ແຕ່ວ່າບໍລິສັດ Oppo ນັ້ນຫວັງຢ່າງຍິ່ງວ່າຈະໄດ້ເຫັນເທັກໂນໂລຢີດັ່ງກ່າວອອກມາສູ່ໂລກພາຍນອນໃນໄວໆນີ້
ໝາຍເຫດ: ສຳລັັບຂະບວນການເຮັດວຽກຕ່າງໆແນະນຳໃຫ້ເຂົ້າອ່ານທີ່ເວັບຕົ້ນຂ່າວຈາກທ້າຍຂ່າວໄດ້ເລີຍ ^^
ທີ່ມາ:gsmarena