ສຳນັກຂ່າວຕ່າງປະເທດ ລາຍງານໃນວັນທີ 22 ກຸມພາຜ່ານມານີ້ວ່າ ສົມເດັດພຣະເທບພະຣັດຣາຊສຸດາຯ ສະຫຍາມບໍຣົມຣາຊະກຸມາຣີ ເຈົ້າຍິງແຫ່ງຣາຊະອານາຈັກໄທ ໄດ້ສະເດັດຢ້ຽມຢາມຣາຊະອານາຈັກກຳປູເຈຍ ຢ່າງເປັນທາງການ ຕັ້ງແຕ່ວັນທີ 22 ກຸມພາ ໄປຈົນຮອດວັນທີ 24 ກຸມພານີ້ ເພື່ອຮັດແໜ້ນສາຍພົວພັນ ດ້ານການສຶກສາ ແລະ ສາທາລະນະສຸກ ລະຫວ່າງສອງປະເທດບ້ານໃກ້ເຮືອນຄຽງ ຊຶ່ງໄດ້ຮັບການຕ້ອນຮັບຢ່າງສົມກຽດ ຈາກສົມເດັດ ອັກຄະມະຫາເສນາບໍດີ ເຕໂຈ ຮຸນແຊນ ນາຍົກລັດຖະມົນຕີ ແຫ່ງຣາຊະອານາຈັກກຳປູເຈຍ ທີ່ອາຄານສັນຕິພາບ ນະຄອນຫລວງພະນົມເປັນ.

ສຳລັບກຳນົດການໃນການຢ້ຽມຢາມ ຣາຊະອານາຈັກກຳປູເຈຍເທື່ອນີ້ ສົມເດັດພຣະເທບຯ ຈະໄດ້ເຂົ້າຢ້ຽມຄຳນັບ ພຣະບາດສົມເດັດພຣະບໍຣົມມະນຽດ ນະໂຣດົມ ສີຫະມຸນີ ພຣະມະຫາກະສັດ ແຫ່ງ ຣາຊະອານາຈັກກຳປູເຈຍ ໃນວັນອັງຄານທີ 23 ກຸມພານີ້ອີກດ້ວຍ.