spot_img
Homeຂ່າວເຫດການປະທານກວດກາສູນກາງເນັ້ນ ຂະແໜງກະສິກຳ-ປ່າໄມ້ ເອົາໃຈໃສ່ຕ້ານການສໍ້ລາດບັງຫລວງ!

ປະທານກວດກາສູນກາງເນັ້ນ ຂະແໜງກະສິກຳ-ປ່າໄມ້ ເອົາໃຈໃສ່ຕ້ານການສໍ້ລາດບັງຫລວງ!

Published on

ກ່າວມີຄຳເຫັນຕໍ່ກອງ ປະຊຸມວຽກງານກວດກາຂອງ ຂະແໜງກະສິກຳ ແລະ ປ່າໄມ້ ທົ່ວປະເທດປະຈຳປີ 2015 ເມື່ອວັນທີ 19 ກຸມພາຜ່ານມາ ສະຫາຍ ດຣ. ບຸນທອງ ຈິດມະນີ ກຳມະການກົມການເມືອງສູນກາງພັກ ເລຂາທິການສູນກາງພັກ ປະທານຄະນະກວດກາສູນກາງພັກ ປະທານອົງການກວດກາລັດຖະບານ ຫົວໜ້າອົງການສະກັດກັ້ນ ແລະ ຕ້ານການສໍ້ລາດບັງຫຼວງຂັ້ນສູນກາງ ໄດ້ເນັ້ນໃຫ້ຄະນະພັກ ຕ້ອງເພີ່ມທະວີການນຳພາຂອງຄະນະພັກແຕ່ລະຂັ້ນ ຕໍ່ວຽກງານຕິດຕາມ – ກວດກາ ແລະ ຕ້ານການສໍ້ລາດບັງຫຼວງ ໃນນັ້ນຕ້ອງຖືສຳຄັນ ແລະ ເອົາ ໃຈໃສ່ຕໍ່ວຽກງານຕິດຕາມ – ກວດກາ, ມີການຊີ້ນຳໃຫ້ແທດເຖິງກວ່າເກົ່າ, ຖືເອົາວຽກງານນີ້ ເປັນຄວາມຮັບຜິດຊອບໂດຍກົງຂອງຄະນະພັກ; ມີການສຶກ ສາອົບຮົມ ແລະ ສ້າງເງື່ອນໄຂ ໃຫ້ພະນັກງານ, ສະມາຊິກພັກ ເປັນເຈົ້າການເຂົ້າຮ່ວມວຽກ ງານຕິດຕາມ – ກວດກາ ໂດຍສະເພາະແມ່ນວຽກງານ ຕ້ານການສໍ້ລາດບັງຫຼວງໃຫ້ກວ້າງຂວາງ.

ຄະນະກວດກາພັກ, ກົມກວດກາ ຕ້ອງມີການວາງແຜນການລວມ, ມີແຜນງານ ແລະ ໂຄງການລະອຽດ, ກຳນົດເປົ້າໝາຍການຕິດຕາມ – ກວດກາປົກກະຕິ ເພື່ອສະເໜີຄະນະພັກ ແລະ ການນຳຂອງກະຊວງຮັບ ຮອງ ແລ້ວຈັດຕັ້ງປະຕິບັດ ພາຍຫຼັງດຳເນີນການກວດກາສຳເລັດ ຕ້ອງມີການສະຫຼຸບຖອດຖອນບົດຮຽນເປັນປະຈຳ.

2-1-2ກອງປະຊຸມນີ້ໄດ້ຈັດຂຶ້ນທີ່ສະໂມສອນຄົ້ນຄວ້າກະສິກຳ ແລະ ປ່າໄມ້ແຫ່ງຊາດ ໂດຍພາຍໃຕ້ການເປັນປະທານ ຂອງສະຫາຍ ດຣ. ເພັດ ພົມພິພັກ ກຳມະການສູນກາງພັກ ລັດຖະມົນຕີວ່າການກະຊວງກະສິກຳ ແລະ ປ່າໄມ້. ໃນໄລຍະດຳເນີນກອງປະຊຸມຕະຫຼອດ 2 ວັນຜູ້ເຂົ້າຮ່ວມໄດ້ຮັບຟັງ ແລະ ປະກອບຄຳເຫັນໃສ່ ບົດສະຫຼຸຸບລາຍງານ ການເຄື່ອນໄຫວຈັດຕັ້ງປະຕິບັດ ວຽກງານກວດກາໄລຍະ 5 ປີ ຜ່ານມາ ແລະ ການສະຫຼຸຸບປະຈຳປີ 2015, ຜ່ານແຜນການ 2016 – 2020 ແລະ ແຜນການປີ 2016 ແລະ ຜ່ານນິຕິກຳຈຳນວນໜຶ່ງ ກ່ຽວກັບວຽກ ງານກວດກາ, ກອງປະຊຸມໄດ້ອັດລົງໃນວັນດຽວກັນນີ້ ດ້ວຍຜົນສຳເລັດ.

 

ແຫລ່ງຂ່າວ:

ປຊຊ

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...