spot_img
Homeຂ່າວທ້ອງຖິ່ນມະຫາກຳບຸນຊ້າງໄຊຍະບູລີ ເປີດຂຶ້ນຢ່າງເປັນທາງການ ມີຊ້າງເຂົ້າຮ່ວມເກືອບ 70 ໂຕ!

ມະຫາກຳບຸນຊ້າງໄຊຍະບູລີ ເປີດຂຶ້ນຢ່າງເປັນທາງການ ມີຊ້າງເຂົ້າຮ່ວມເກືອບ 70 ໂຕ!

Published on

ງານມະຫະກຳບຸນຊ້າງໄຊຍະບູລີ ຈັດຂຶ້ນເປັນຄັ້ງທີ 9 ໃນວັນທີ 20 ກຸມພານີ້ ທີ່ສະໜາມຫຼວງ ເທດສະບານແຂວງໄຊຍະບູລີ ໂດຍມີພະເຖລານຸເຖລະ, ທ່ານ ອາຊາງ ລາວລີ ຮອງນາຍົກລັດຖະມົນຕີ, ທ່ານ ພົງສະຫວັນ ສິດທິວົງ ເຈົ້າແຂວງໄຊຍະບູລີ, ຮອງເຈົ້າແຂວງ, ທູຕານຸທູດຕ່າງປະເທດ, ແຂກຖືກເຊີນທັງພາຍໃນ ແລະ ຕ່າງປະເທດ ຕະຫຼອດຮອດມວນຊົນຊາວ ແຂວງໄຊຍະບູລີເຂົ້າຮ່ວມຊົມຢ່າງຫຼວງຫຼາຍ.

ໃນພິທີທ່ານ ອາຊາງ ລາວ ລີ ຮອງນາຍົກລັດຖະມົນຕີ ພ້ອມດ້ວຍທ່ານເຈົ້າແຂວງໄຊຍະບູລີ ຮ່ວມກັນລັ່ນຄ້ອງ 9 ບາດ ແລະ  ຕັດແຖບຜ້າເປີດງານມະຫະກຳ ບຸນຊ້າງຢ່າງເປັນທາງການ.  ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີທັງ ເປັນປະທານຄະນະກຳມະການ ຈັດງານມະຫະກຳບຸນຊ້າງປະ ຈຳປີ 2016 ໄດ້ກ່າວເຖິງຈຸດ ປະສົງຂອງງານວ່າ: ບຸນຊ້າງປີ ນີ້ຈັດຂຶ້ນເພື່ອເສີມ ຂະຫຍາຍ ວັດທະນະທຳ – ຮີດຄອງປະເພນີ ທີ່ເປັນເອກະລັກ ໃນແບບວິຖີຊີວິດຂອງປະຊາຊົນລາວບັນດາເຜົ່າ ທີ່ຕິດພັນກັບຊ້າງ ຊຶ່ງຊ້າງເປັນມໍລະດົກຂອງຊາດ ມາແຕ່ບູຮານນະການ ເພື່ອໃຫ້ຄົນຮຸ່ນໃໝ່ໄດ້ມີຄວາມຮັບຮູ້ ກ່ຽວກັບຊ້າງຫຼາຍຂຶ້ນ ພ້ອມທັງ ເປັນການຊຸກຍູ້ສົ່ງເສີມ ວຽກງານທ່ອງທ່ຽວຂອງແຂວງ ໃຫ້ມີຄວາມຮັບຮູ້ຢ່າງກວ້າງຂວາງ ຈາກນັກທ່ອງທ່ຽວທັງພາຍໃນ ແລະ ຕ່າງປະເທດ.

2-1-2

ສຳລັບບຸນຊ້າງປີນີ້ ໄດ້ກະກຽມກິດຈະກຳຫຼາຍຢ່າງເປັນຕົ້ນ: ຂະບວນທຸງຊາດ – ທຸງທິວ, ໂລໂກ້ຂອງ ແຂວງ, ປ້າຍງານມະຫະກຳ ບຸນຊ້າງປີ 2016, ປ້າຍໂລໂກ້ ທ່ອງທ່ຽວ, ປ້າຍໂລໂກ້ບຸນຊ້າງ, ກອງດຸລິຍາງ, ກ້ອນກຳລັງຂອງ ເຍົາວະຊົນ – ຊາວໜຸ່ມ, ນັກຮຽນ – ນັກສຶກສາ, ກ້ອນຊ້າງ 67 ໂຕ – ປະສານສຽງເປົ່າສະໄນ, ຟ້ອນມວຍລາຍລາວ ຂອງເມືອງບໍ່ແຕນ, ກ້ອນສະແດງຂອງ 8 ເຜົ່າປະສານສຽງເພງສຽງລຳ (ມີ 1.600 ຄົນ) ແລະ ການສະແດງອື່ນໆ.

 

ແຫລ່ງຂ່າວ:

ປຊຊ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...