ຂປລ.ງານນະມັດສະການ ຜາສາດຫີນວັດພູຈໍາປາສັກ ປະຈໍາປີ 2016 ຈະໄດ້ຈັດຂຶ້ນຢ່າງຍິ່ງໃຫຍ່ ພ້ອມສະເຫລີມສະຫລອງ ຄົບຮອບ 15 ປີ ທີ່ວັດພູຈຳປາສັກ ໄດ້ຮັບຮອງເຂົ້າເປັນມໍລະດົກໂລກ ເຊິ່ງຈັດຂຶ້ນລະຫວ່າງ 16-22 ກຸມພານີ້, ໂດຍໄດ້ຮັບຄວາມສົນໃຈຈາກມວນຊົນທັງພາຍໃນ ແລະ ຕ່າງປະເທດ.
ໃນງານຈະມີຫລາຍກິດກຳທີ່ໜ້າສົນໃຈເປັນຕົ້ນການແຂ່ງຂັນກິລາ, ກິລາພື້ນເມືອງ ແລະ ກິລາສາກົນ, ມີການສະແດງສິລະປະພາຍໃນ ແລະ ຕ່າງປະເທດ ດ້ວຍລະບົບແສງສີສຽງທີ່ທັນສະໄໝ, ການສາຍຮູບເງົາ, ເປີດຕະຫລາດນັດໃຫ້ ປະຊາຊົນ ແລະ ຊາວຄ້າຂາຍ ໄດ້ມີໂອກາດແລກປ່ຽນຊື້-ຂາຍສິນຄ້າປະເພດຕ່າງໆເຊິ່ງກັນ ແລະ ກັນ.
ນອກນັ້ນ, ຈະມີການທໍາບຸນໃສ່ບາດ ຕາມຮີດຄອງປະເພນີທີ່ເຄີຍ ຈັດຕັ້ງປະຕິບັດສືບທອດກັນ ມາຕັ້ງແຕ່ບູຮານນະການ.ດັ່ງນັ້ນຈຶ່ງຂໍເຊີນຊວນປະຊາ ຊົນລາວບັນດາເຜົ່າ, ນັກທ່ອງທ່ຽວທັງພາຍໃນ ແລະ ຕ່າງປະເທດ ເຂົ້າຮ່ວມງານດັ່ງກ່າວໃນຄັ້ງນີ້ດ້ວຍ.
ແຫລ່ງຂ່າວ:
