ວັນທີ 23 ເມສາ 2014 ນີ້, ຄະນະຜູ້ແທນວິທະຍາ ຄານນາຍທະຫານບົກຄຸນມິງ ສປ ຈີນ ນຳໂດຍສະຫາຍພັນ ເອກ ຫ່ວງສາງເຈຍ, ຫົວໜ້າ ການທະຫານວິທະຍາຄານ ນາຍທະຫານບົກຄຸນມິງພ້ອມ ດ້ວຍຄະນະໄດ້ຢ້ຽມຢາມ ແລະເຮັດວຽກຢູ່ ວນບໂດຍໃຫ້ ກຽດຕ້ອນຮັບຂອງສະຫາຍ ພົນຈັດຕະວາ ຜາລົມ ລິນທອງ, ຄະນະພັກກະຊວງປ້ອງກັນ ປະເທດ, ຫົວຫນ້າ ການເມືອງ ວນບ ພ້ອມດ້ວຍຄະນະພັກ-ຄະນະອຳນວຍການເຂົ້າຮ່ວມ ຕ້ອນຮັບ.
ໂອກາດນີ້ສະຫາຍຫົວ ຫນ້າການເມືອງ ວນບ ໄດ້ ແຈ້ງສະພາບການໂດຍຫຍໍ້ ກ່ຽວກັບຈຸດພິເສດ, ທີ່ຕັ້ງ, ພາລະບົດບາດຂອງວິທະຍາ ຄານ ເຊິ່ງເມື່ອກ່ອນສະໄຫມ ສົງຄາມເອີ້ນວ່າໂຮງຮຽນກົມ ມະດຳ ນາມວິລະບຸລຸດຊາດ ລາວໃນເມື່ອກ່ອນ ຈົນມາເຖິງ ວນບ ໃນປັດຈຸບັນ ເຊິ່ງວິທະ ຍາຄານແຫ່ງນີ້ແມ່ນສະຖາ ບັນຫນຶ່ງທີ່ເປັນບ່ອນອົບຮົມ ຫັດແອບຮ່ຳຮຽນກໍ່ສ້າງນາຍ ທະຫານກອງທັບປະຊາຊົນ ລາວ.
ຈາກນັ້ນຄະນະຜູ້ແທນທັງ ສອງຝ່າຍໄດ້ໄປທ່ຽວຊົມເບິ່ງ ການສະແດງສາທິດພາກ ສະຫນາມຫັດແອບວິຊາສິ ລະປະຍຸດ-ຍຸດທະວິທີທະ ຫານຮາບຂັ້ນບຸກຄົນ ແລະ ທ່ຽວຊົມຫ້ອງຮຽນຂອງນັກ ສຶກສານຳອີກ. ໂອກາດດັ່ງ ກ່າວຄະນະຜູ້ແທນທັງສອງ ຝ່າຍຍັງໄດ້ພົບປະແລກປ່ຽນ ຖອດຖອນບົດຮຽນດ້ານຂໍ້ມູນ ຂ່າວສານເຂົ້າໃນການພົວພັນ ຮ່ວມມືຊ່ວຍເຫຼືອເຊິ່ງກັນ ແລະ ກັນລະຫວ່າງສອງຊາດ ສອງກອງທັບ ລາວ-ຈີນ, ຈີນ- ລາວ ເວົ້າລວມເວົ້າສະເພາະ ວິທະຍາຄານນາຍທະຫານ ບົກຂຸນມິງກັບ ວນບ ໃຫ້ນັບມື້ ແຫນ້ນແຟ້ນຂຶ້ນເລື້ອຍໆ.

ທີ່ມາ ຫນັງສືພິມກອງທັບປະຊາຊົນລາວ